Jacques 2:26 - NYANMIƐN NDƐ'N 1998

²⁶ Sɛ sran kun o sa b'ɔ de-man wunmiɛn'n, wuun ɔ'a wu. I kunngba nin-ɔn, sɛ sran kun se kɛ ɔ lafi Nyanmiɛn su bɔ be wun-mɛn i sɔ i nzuɛn'n nun'n, wuun i Nyanmiɛn sulafilɛ'n ti ngbɛn.

Nyanmien nde Ufle

²⁶ Se swran kun ô sa, b'o dé'a wunmien'n, wuun wa wu. I kunngba'n, se swran kun sé ke o lafi Nyanmien su bo bé wunmen i so i nzuen'n nun'n, wuun i Nyanmien sulafile'n ti ngben.

Jacques 2:26 ပူးပေါင်းရင်းမြစ်များ

Jue Mun 104:29

Sanngɛ sɛ a to ɔ́ nyin blo'n, srɛ kun be kpa. Sɛ a yi wunmiɛn ng'ɔ o be nun'n, be ka lɛ be wu, yɛ be sa bé sin be kaci fa.

Jue Mun 146:4

Kɛ be ko ka nun bɔ be ko sa be sin ko yo fa'n, wuun like kwlaa nga be sunnzunnin kɛ be ´yo'n i kwlaa ɔ'a ka lɛ ɔ'a mlin cɛn kunngba sɔ'n nun.

Akunndanfuɛ'n 12:7

Kɛ ɔ ko yo sɔ'n, wuun sran i wunnɛn'n ɔ su sɛ i sin ndutre bɔ be fa yili i'n i nun, yɛ nguan ng'ɔ o i nun'n kusu ɔ sɛ i sin kɔ Nyanmiɛn b'ɔ fa mɛnnin i'n i wun lɔ.

Ezai 2:22

Amun `yaci amún wla'n klɔ sran su fa gualɛ, afin i nguan'n ti tika kpe kan sa. ?Wan yɛlɛ sran?

JÉSUS-CHRIST I DYASIN FE'N BO LUC KLELI'N 23:46

Jésus kpannin kekle kpa ɔ seli kɛ: «N Si, wa fa min o !» Kɛ i nuan tɔli cɛ'n yɛ ɔ kali nun-ɔn.

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

Jacques 2:14

?N niaan mun, sɛ sran kun se kɛ ɔ lafi Nyanmiɛn su bɔ sanngɛ be wun-mɛn i sɔ i nzuɛn'n nun'n, nzu ye yɛ ɔ yo mɛn i-ɔ? ?I Nyanmiɛn sulafilɛ sɔ'n kwla de i?

Jacques 2:17

Sran ng'ɔ lafi Nyanmiɛn su'n, kɛ i kusu ti sɔ-ɔ, sɛ sa ng'ɔ yo be'n be ti-man kpa'n, wuun i Nyanmiɛn sulafilɛ'n ti ngbɛn.

Jacques 2:20

Eee, sran finfinfuɛ! ?A klo kɛ a wun i wlɛ kɛ sran ng'ɔ se kɛ ɔ lafi Nyanmiɛn su, sanngɛ ɔ yo-man sa kpakpa'n, i Nyanmiɛn su b'ɔ lafi'n ɔ yo-man sa fi ye?