Jacques 2:21 - NYANMIƐN NDƐ'N 1998

²¹ ?Kɛ e nannan Abraam fɛli i wa Izaak kɛ ɔ ´fa sɔ Nyanmiɛn'n, Nyanmiɛn a bu-mɛn i sran kpa i sa sɔ'n ti ?

Nyanmien nde Ufle

²¹ ?Ke é nannan Abraham fee i wa Isaac ke o fa so Nyanmien'n, wa bu'e i swran kpa i sa so'n ti?

Jacques 2:21 ပူးပေါင်းရင်းမြစ်များ

Jue Mun 143:2

N ti ɔ sufuɛ, nán se kɛ a ´bu min fɔ. Asiɛ nga su wa'n, sran fi nun-man wa bɔ fiɛn nun-mɛn i wun ɔ́ nyrun-ɔn .

Ezai 51:2

Amun `nian Abraam b'ɔ ti amún si'n nin Sara b'ɔ wuli amun'n. Afin kɛ n ´flɛ Abraam'n, wuun ɔ lɛ-man ba. N yoli i ye, yɛ n yoli man i osu'n ɔ trɛli.

Matthieu 12:37

Afin ndɛ ng'ɔ fin ɔ́ nuan fite'n yɛ man ɔ́ wun ´sa-a, yɛ ndɛ ng'ɔ fin ɔ́ nuan fite'n i su yɛ be ´fa bu ɔ fɔ-ɔ.»

Matthieu 3:9

Nán an bu amun anwlɛn'n nun se kɛ: ‹E nannan yɛlɛ Abraam,› afin n ´kan kle amun kɛ Nyanmiɛn kwla fa yɛbuɛ nga mun kaci Abraam mma mun .

JÉSUS-CHRIST I DYASIN FE'N BO LUC KLELI'N 1:73

Afin Nyanmiɛn tɛli i wun nda kleli e nannan Abraam kɛ ɔ ´de ye e kpɔfuɛ'm bé sa nun, ɔ man srɛ kun-man ye kun. E ´kwla yo i klun sa, e ´su i nanwlɛ su lele fa ju e wie cɛn.

JÉSUS-CHRIST I DYASIN FE'N BO LUC KLELI'N 16:24

Yɛ ɔ kpannin-ɔn, ɔ seli kɛ: ‹Nannan Abraam, yaci wun min aunnvuɛ, sunman Lazar man ɔ fɛ i sama ti bo nzue nun ɔ wa kpɛn n taaman'n su, n su wun min nyrun dan kpa sin'n nun wa.›

JÉSUS-CHRIST I DYASIN FE'N BO LUC KLELI'N 16:30

Yɛ ɔ seli kɛ: ‹Cɛcɛ, Nannan Abraam, be su fa-man, sanngɛ sɛ sran fin blɔlɔ wa ɔ ko kan ndɛ kle be'n, be ´fa.›

Jean 8:39

Be seli i kɛ: «E si'n yɛlɛ Abraam.» Jésus seli be kɛ: «Sɛ Abraam wa yɛlɛ amun'n, wuun sa nga Abraam yoli be'n, amun ´yo wie.

Jean 8:53

?A ti kpa tra e nannan Abraam b'ɔ wuli'n? Nyanmiɛn nuan ijɔfuɛ'm be kusu be wuli. ?Ɔ kpa'n, a bu ɔ wun sɛ?»

Sa nga bé yôli'n 7:2

Etiɛni tɛli i su kɛ: «Min niaan nin min si mun, an `tie! I nun nga e nannan Abraam tɛ o Mezopotami lɔ'n, Nyanmiɛn yili i wun kleli i i sin nan ɔ'a ko tran Karan lɔ ,

Rɔmfuɛ Mun 3:20

Nyanmiɛn su bu-man sran fi sran kpa i mmla'n su falɛ'n ti, afin mmla'n ti yɛ man be si like nga be flɛ i kɛ sa tɛ nin-ɔn .

Rɔmfuɛ Mun 4:1

?Sɛ ɔ ti sɔ'n, e ´kan e nannan Abraam i liɛ'n sɛ? ?Nzu yɛ ɔ nyɛnnin i-ɔ?

Rɔmfuɛ Mun 4:12

Yɛ be nga be wlali klɛn bɔ be lafi-man be klɛn wlalɛ'n ngunmin su'n, bɔ sanngɛ be nanti ajalɛ kunngba nga Abraam nantili su'n kɛ ɔ nian wla-man klɛn'n ɔ lafi Nyanmiɛn su'n i su wie'n, ɔ ti bé si wie kusu.

Rɔmfuɛ Mun 4:16

I sɔ'n ti'n, like nga Nyanmiɛn waan ɔ ´fa man be'n, ɔ fa man be i su bɔ be lafi'n nin ye dan b'ɔ yo be'n ti, ɔ man sa nga Nyanmiɛn seli kɛ ɔ ´yo'n, san ɔ ´yo man Abraam i osu nunfuɛ'm be kwlaa. Ɔ ti-mɛn i osu nunfuɛ nga be di mmla'n su'n be ngunmin be liɛ, sanngɛ i mma mun nin i anunman nga be lafi Nyanmiɛn su kɛ i b'ɔ ti e kwlaa e nannan'n i liɛ'n sa'n, ɔ ti be liɛ wie.

Hébreu 11:17

Nyanmiɛn su bɔ Abraam lafi'n ti yɛ kɛ ɔ kɛn i niannin'n ɔ fa Izaak mɛnnin i nin-ɔn. Sa nga Nyanmiɛn seli kɛ ɔ ´yo'n, Abraam yɛ ɔ seli i kɛ ɔ ´yo mɛn i-ɔ. Sanngɛ ɔ fɛ i wa kunngba cɛ'n mɛnnin i .

Jacques 2:18

Wienun-ɔn sran wie wa se n kɛ: «Ɔ liɛ'n, a lafi Nyanmiɛn su, yɛ n kusu'n, n yo sa kpakpa.» Yɛ n kusu n ´se i kɛ: «Man n nian ɔ Nyanmiɛn su bɔ a lafi bɔ a yo-man sa kpa'n, yɛ n kusu'n, sa kpakpa nga n yo be'n, m ma fa kle wɔ kɛ n lafi Nyanmiɛn su.»

Jacques 2:24

?An wun-mɛn i? Nán sran i Nyanmiɛn su b'ɔ lafi'n ngunmin ti yɛ ɔ bu i sran kpa-a, sanngɛ sa kpa ng'ɔ yo be'n be o nun wie.

Zozie 24:3

N yoli man amun nannan Abraam ɔ tuli mɛn sɔ b'ɔ o Efrat i bue kun lɔ'n nun. N fɛli i n wlannin Kanaan mɛn wunmuan nun yɛ m mɛnnin i anunman kpanngban. N fali Izaak m mɛnnin i .