Jacques 2:19 - NYANMIƐN NDƐ'N 1998

¹⁹ A lafi su kɛ Nyanmiɛn ti kunngba cɛ, ɔ ti nanwlɛ. Mmusu'm be kusu be lafi su sɔ wie, ɔ man bé wun usu be.

Nyanmien nde Ufle

¹⁹ A lafi su ke Nyanmien ti kunngba tye, o ti nanwle. Mmusu'm bé kusu bé lafi su so wié, o man bé wun usu bé.

Jacques 2:19 ပူးပေါင်းရင်းမြစ်များ

Ezai 43:10

Anannganman waan: «Amun yɛ amun ti min lalofuɛ mun-ɔn. Amun ti min sufuɛ, amun yɛ n kpali amun-ɔn. Kɛ ɔ ´yo nan amu'an lafi min su, nan amu'an ´si sɔ, nan amu'an wun i wlɛ kɛ min yɛ n wo lɛ'n ti. Like fi nun-man min nyrun, like fi nun-man n sin.

Ezai 44:6

Anannganman b'ɔ ti Izraɛl famiɛn'n, b'ɔ kpɔli Izraɛlfuɛ'm bé ti'n, b'ɔ sie mɛn wunmuan'n, i waan: «Min yɛ n ti ninnge'm be kwlaa be klikli'n nin be kasiɛn nin-ɔn. Nyanmiɛn fi nun-man mín sin kun .

Ezai 44:8

Nán srɛ kun amun, yɛ nán amun usu. ?M'an kan-man sa sɔ mun m'an kle-man amun laa? ?M'an bo-man bé su m'an kle-man amun? ?Nyanmiɛn uflɛ o mín sin ekun? Amun ti min lalofuɛ: Yɛbuɛ uflɛ fi nun-man lɛ kun, n si-man wie fi kun.»

Ezai 45:6

N yo i sɔ nan kɛ ɔ fɛ i wia afiliɛ lɔ'n b'ɔ fa ´ju wia atɔliɛ lɔ'n, b'a si jrɛiin kɛ sɛ be san mín wun'n, be wun-man like fi kun. N ti Anannganman, Anannganman uflɛ fi nun-man lɛ kun.

Ezai 46:9

Man amún wla kpɛn sa nga be juli laa'n be su. Afin Nyanmiɛn'n yɛlɛ min, uflɛ fi nun-man lɛ kun. Nyanmiɛn'n yɛlɛ min, sran fi nin min sɛ-man.

Zonas 4:4

Anannganman'n usɛli i kɛ: «?Ya nga a fɛ i yɛ'n ɔ ti i su?»

Zonas 4:9

Nyanmiɛn usali Zonas kɛ: «?Ya nga a fɛ i waka'n ti yɛ'n, kɛ a nian'n ɔ ti i su?» Ɔ tɛli i su kɛ: «Ɛɛn! N kpa'n n waan n ´fa ya lele nan wie'n `kun min.»

Zakari 14:9

Anannganman'n yɛ ɔ ´sie mɛn wunmuan nin-ɔn. I kunngba yɛ ɔ ´yo Nyanmiɛn bɔ sran'm be kwlaa be su i-ɔ. I kunngba yɛ sran'm be kwlaa be ´bo i dunman-an.

Matthieu 8:29

Be kpan usɛli i kɛ: «?Nyanmiɛn Wa Yasua, nguɛ ndɛ yɛ ɔ wo e nin wɔ ye afiɛn-ɔn? ?A bali kɛ a wa dun mmua kle e nyrɛnnɛn nan e nyrɛnnɛn klelɛ blɛ'n ɔ'a ju ?»

Marc 1:24

ɔ kpan se kɛ: «?Jésus bɔ a fin Nazarɛt, nguɛ sa yɛ ɔ o e nin wɔ ye afiɛn-ɔn? A bali e nunnunlɛ. N si wɔ kpa, a ti Nyanmiɛn i Sran.»

Marc 12:29

Jésus seli i kɛ: «Nian, i nun dan'n yɛ: Izraɛlfuɛ mun, an `tie, e Min Nyanmiɛn'n i kunngba cɛ yɛ ɔ ti e Min nin-ɔn.

Marc 5:7

ɔ kpannin kekle kpa kɛ: «?Jésus, Nyanmiɛn bɔ like fi nun-mɛn i sin'n i Wa, nguɛ ndɛ yɛ ɔ o min nin wɔ ye afiɛn-ɔn? N ´srɛ wɔ, nian Nyanmiɛn'n ti, nán kle n yalɛ.»

Marc 7:9

Ɔ seli ekun kɛ: «An yi Nyanmiɛn mmla'n i blo mlɔnmlɔn, an fa amun lalafuɛ nzuɛn'm be su.

JÉSUS-CHRIST I DYASIN FE'N BO LUC KLELI'N 4:34

«Ee! ?Jésus Nazarɛtfuɛ, nguɛ sa yɛ ɔ wo e nin wɔ ye afiɛn-ɔn? ?A ba e sacilɛ? N si wɔ kpa, a ti Nyanmiɛn i Sran kpa.»

Jean 17:3

Kɛ be se kɛ be ´nyan anannganman nguan'n, i bo'n yɛlɛ kɛ be ´si wɔ bɔ ɔ kunngba cɛ yɛ a ti Nyanmiɛn'n nin Jésus-Krist bɔ a sunmɛnnin i'n.

Sa nga bé yôli'n 16:17

Ɔ su e nin Pɔl e su, ɔ kpan se kɛ: «Minniɛn nga'm be ti Nyanmiɛn bɔ like fi nun-mɛn i sin'n i sran mun, be su kan sa nga be yo nan b'a nyan bé ti'n i ndɛ kle amun.»

Sa nga bé yôli'n 19:15

Le kun liɛ'n kɛ be ´yo'n, like'n seli be kɛ: «?N si Jésus, yɛ n si Pɔl kusu, sanngɛ amun liɛ'n, an fin nin?»

Sa nga bé yôli'n 24:25

Sanngɛ kɛ Pɔl su kan nanwlɛ dilɛ'n nin bé wun su nianlɛ'n, ɔ nin jɔlɛ dilɛ b'ɔ wa ba'n be ndɛ'n, srɛ kunnin Feliks nan ɔ'a se kɛ: «Ndɛ liɛ'n, kɔ, sɛ n nyan n ti-ɔ, cɛn uflɛ n ko flɛ wɔ.»

Rɔmfuɛ Mun 3:30

afin be nga be lafi i su'n sɛ be wlali be klɛn o, sɛ b'a wla-man be klɛn o, Nyanmiɛn kunngba'n yɛ ɔ bu be sran kpa-a .

1 Korɛntfuɛ Mun 8:4

I sɔ'n ti'n, nga b'ɔ ti amuɛn nnɛn'n i dilɛ i wun ndɛ liɛ'n, e si kɛ amuɛn'n ti-man like nanwlɛ, yɛ kusu e si kɛ Nyanmiɛn ti kunngba cɛ .

1 Korɛntfuɛ Mun 8:6

sanngɛ e liɛ'n, e Si Nyanmiɛn ti kunngba cɛ. I yɛ ɔ yili like'n kwlaa-a, i ti yɛ e o lɛ-ɔ. Yɛ e Min'n ti kunngba, yɛlɛ Jésus-Krist, i yɛ Nyanmiɛn man ɔ yili like'n kwlaa-a, i dunman nun yɛ man e o lɛ-ɔ .

Galasifuɛ Mun 3:20

Sɛ sran kun waan ɔ ´yo like man sran'n, ɔ yi-man sran kɛ ɔ `ko se i nan bé nuan sɛ su, kɛ Nyanmiɛn liɛ'n yoli sɔ-ɔ.

Mmla'n 6:4

Izraɛlfuɛ mun, amun `tie. Anannganman e Nyanmiɛn'n i kunngba cɛ yɛ ɔ ti Anannganman nin-ɔn.

1 Timote 2:5

Afin Nyanmiɛn'n ti kun, yɛ kpatafuɛ ng'ɔ jran sran'm bé nuan kpata Nyanmiɛn'n ti kun kusu, yɛlɛ Krist-Jésus, ɔ ti sran.

Jacques 2:8

Nanwlɛ, mmla nga wie nun-mɛn i sin'n, bɔ be klɛli i Nyanmiɛn Ndɛ'n nun kɛ: «Klo ɔ wiengu kɛ a fa klo ɔ bɔbɔ wun'n sa'n,» sɛ an fa su'n, ɔ ti kpa .

Jude 1:4

Afin sran wie mun bɔ be sro-man Nyanmiɛn'n be wa wluli e nun blɛlɛlɛ. Be fa ye nga Nyanmiɛn yoli be'n kata bé nyin yo sa tɛtɛ'n kwlaa, be bu-man Jésus-Krist bɔ i kunngba yɛ ɔ ti e Min'n nin e Like Klefuɛ'n i like fi. Sran sɔ'm be fɔ bulɛ ndɛ'n, be klɛ sieli lɛ laa.

Jude 1:6

Yɛ n ´kan kle amun ekun kɛ anz nga b'a tran-man junman nga Nyanmiɛn sieli bé su i su'n, bɔ be yacili be lika'n, Nyanmiɛn ci be guali aosin tuun kpa'n nun, ɔ su nyannji-man be mlɔnmlɔn nan sɛ i jɔlɛ dilɛ cɛn dan'n ju-ɔ ɔ'a di be ndɛ'n.

Sa nglô yile 20:10

Mmusu'm be si Satan b'ɔ lakalaka be'n, be to i yili sin dan nin sufru nun. Nnɛn dan'n nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ'n, be dun mmua to be yili be lɔ. Be ´wun be nyrun wia nun nin kɔnguɛ tititi.