Jacques 2:18 - NYANMIƐN NDƐ'N 1998

¹⁸ Wienun-ɔn sran wie wa se n kɛ: «Ɔ liɛ'n, a lafi Nyanmiɛn su, yɛ n kusu'n, n yo sa kpakpa.» Yɛ n kusu n ´se i kɛ: «Man n nian ɔ Nyanmiɛn su bɔ a lafi bɔ a yo-man sa kpa'n, yɛ n kusu'n, sa kpakpa nga n yo be'n, m ma fa kle wɔ kɛ n lafi Nyanmiɛn su.»

Nyanmien nde Ufle

¹⁸ Wiénuon swran wié wa sé n ke: O lie'n, a lafi Nyanmien su, ye n kusu, n yô be'n m ma fa klé o ke n lafi Nyanmien su.

Jacques 2:18 ပူးပေါင်းရင်းမြစ်များ

Rɔmfuɛ Mun 14:23

Sanngɛ sran ng'ɔ wun-man like ng'ɔ di'n i wlɛ kpa sɛ ɔ ti kpa o, annzɛ sɛ ɔ ti-man kpa o, nan ɔ di'n, Nyanmiɛn wa se kɛ ɔ'a di fɔ, yɛlɛ kɛ like ng'ɔ yo'n, ɔ wun-mɛn i wlɛ. Afin like kwlaa nga be yo bɔ be wun-mɛn i wlɛ kɛ ɔ ti kpa nan b'a yo'n, ɔ ti sa tɛ.

Rɔmfuɛ Mun 3:28

Afin e bu i kɛ nán mmla'n bɔ sran fa su'n ti yɛ Nyanmiɛn bu i sran kpa-a.

Rɔmfuɛ Mun 4:6

I kunngba'n David kɛnnin i kɛ sran nga Nyanmiɛn niɛn-mɛn i nyoliɛ'n su yɛ ɔ bu i sran kpa'n, i liɛ su ti ye. Ɔ se kɛ:

Rɔmfuɛ Mun 8:1

I sɔ'n ti siɛn'n be nga be nin Krist-Jésus b'a kaci sran wunmuan'n, Nyanmiɛn su bu-man be fɔ kun .

Rɔmfuɛ Mun 9:19

Wienun-ɔn, sran wie wa usa n kɛ: «?Sɛ ɔ ti sɔ'n, ɔ yo sɛ ti yɛ Nyanmiɛn fa sa nga e yo'n gua e su-ɔ? Afin sran fi kwla kpalo-man Nyanmiɛn nuan.»

1 Korɛntfuɛ Mun 13:2

Man n yo Nyanmiɛn nuan ijɔfuɛ, man n si sa nga Nyanmiɛn fiɛli i sran'm be nyrun'n i ngba, yɛ man n wun sa'n kwlaa wlɛ, yɛ sɛ n lafi Nyanmiɛn su kpa bɔbɔ b'ɔ man n kwla se oka'm be kɛ be tu bé bo wɔ'n, sanngɛ sɛ n klo-man sran'n, wuun m'an yo-man like fi.

2 Korɛntfuɛ Mun 5:17

Sɛ sran kun nin Krist be kaci sran wunmuan'n, wuun Nyanmiɛn ɔ'a bo i uflɛ, i akunndan'n nin i nzuɛn laa'n ɔ'a wie, i akunndan'n nin i nzuɛn'n kwlaa a kaci.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

1 Timote 1:5

E waan be `klo sran kpa ti yɛ e tu be fɔ sɔ nin-ɔn. Klolɛ sɔ'n fin sran bɔ sa tɛ kaan sa nun-mɛn i anwlɛn'n nun, b'ɔ man i klun titi-mɛn i'n, b'ɔ lafi Nyanmiɛn su sakpa'n.

Tite 2:7

Sa'n kwlaa nun ɔ bɔbɔ yo sa ng'ɔ ti kpa'n, man be nian ɔ liɛ'n su yo. Like nga a kle'n, kle i kpa, nán fa yo aɔwi.

Hébreu 11:31

Nyanmiɛn su bɔ Raab b'ɔ ti tekle bla'n lafi'n ti yɛ kɛ be bɔ bé nyin yi-man Nyanmiɛn'n be wuli'n ɔ'a wu-man wie nin-ɔn, yɛlɛ kɛ be nga be ɔli be mɛn'n i kpla nianlɛ'n, ɔ sikeli be kpa .

Hébreu 11:33

Nyanmiɛn su bɔ be lafi'n ti, be kwla nvle mun, be yo sa ng'ɔ ti i nuan su'n, be nyan like nga Nyanmiɛn waan ɔ ´man be'n, be cici asɔmɔli'm bé nuan,

Hébreu 11:6

Afin sɛ be lafi-mɛn i su'n, i klun jɔ-man be wun mlɔnmlɔn. Ɔ man sran nga i waan ɔ ´fɛ i wun mantan Nyanmiɛn'n, man ɔ lafi su kɛ ɔ o lɛ, yɛ be nga be kunndɛ i'n, ɔ ´yi i wun kle be.

Jacques 2:14

?N niaan mun, sɛ sran kun se kɛ ɔ lafi Nyanmiɛn su bɔ sanngɛ be wun-mɛn i sɔ i nzuɛn'n nun'n, nzu ye yɛ ɔ yo mɛn i-ɔ? ?I Nyanmiɛn sulafilɛ sɔ'n kwla de i?

Jacques 3:13

?Amun nun onin yɛ ɔ si ngwlɛlɛ b'ɔ wun sa wlɛ-ɔ? Man be wun i sɔ i nzuɛn kpa'n nin sa kpa ng'ɔ yo be'n nun, yɛ man be wun kɛ ɔ yo i wun aenvuɛ yɛ ɔ ti ngwlɛlɛfuɛ.