Jacques 2:17 - NYANMIƐN NDƐ'N 1998

¹⁷ Sran ng'ɔ lafi Nyanmiɛn su'n, kɛ i kusu ti sɔ-ɔ, sɛ sa ng'ɔ yo be'n be ti-man kpa'n, wuun i Nyanmiɛn sulafilɛ'n ti ngbɛn.

Nyanmien nde Ufle

¹⁷ Swran ng'o lafi Nyanmien su'n, ke i kusu ti soo, se sa ng'o yô bé'n bé ti'a kpa'n, wuun i Nyanmien sulafile'n ti ngben.

Jacques 2:17 ပူးပေါင်းရင်းမြစ်များ

1 Korɛntfuɛ Mun 13:13

Siɛn'n, like nsan nga be ka lɛ'm be yɛ: Nyanmiɛn su lafilɛ, é wla bɔ e fa guɛ i Nyanmiɛn su'n, nin klolɛ bɔ e fa klo Nyanmiɛn nin sran'n, sanngɛ be nun dan'n yɛlɛ Nyanmiɛn nin sran be klolɛ.

1 Korɛntfuɛ Mun 13:3

Man n fa ń sa nun ninnge'n kwlaa n fa ta yalɛfuɛ mun, yɛ man n fa m bɔbɔ nannan su nan n nyan su dunman, sɛ n klo-man sran'n, ɔ yo-man sa fi ye man-man min.

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

1 Tɛsalonikfuɛ Mun 1:3

E akunndan o like nga Krist su bɔ an lafi'n ti an yo'n, nin junman nga an di klolɛ bɔ an fa klo Nyanmiɛn nin sran'n, ɔ nin amún wla bɔ an fa gua e Min Jésus-Krist su kpa'n be su, yɛ e kan kle e Si Nyanmiɛn.

1 Timote 1:5

E waan be `klo sran kpa ti yɛ e tu be fɔ sɔ nin-ɔn. Klolɛ sɔ'n fin sran bɔ sa tɛ kaan sa nun-mɛn i anwlɛn'n nun, b'ɔ man i klun titi-mɛn i'n, b'ɔ lafi Nyanmiɛn su sakpa'n.

Jacques 2:14

?N niaan mun, sɛ sran kun se kɛ ɔ lafi Nyanmiɛn su bɔ sanngɛ be wun-mɛn i sɔ i nzuɛn'n nun'n, nzu ye yɛ ɔ yo mɛn i-ɔ? ?I Nyanmiɛn sulafilɛ sɔ'n kwla de i?

Jacques 2:26

Sɛ sran kun o sa b'ɔ de-man wunmiɛn'n, wuun ɔ'a wu. I kunngba nin-ɔn, sɛ sran kun se kɛ ɔ lafi Nyanmiɛn su bɔ be wun-mɛn i sɔ i nzuɛn'n nun'n, wuun i Nyanmiɛn sulafilɛ'n ti ngbɛn.