Jacques 2:15 - NYANMIƐN NDƐ'N 1998

¹⁵ Man e se kɛ wienun-ɔn e niaan bian annzɛ e niaan bla kun lɛ-man tralɛ, yɛ ɔ lɛ-man aliɛ.

Nyanmien nde Ufle

¹⁵ Man é sé ke wiénuon é niaan bian annze é niaan bla kun le'a trale, o le'a alie.

Jacques 2:15 ပူးပေါင်းရင်းမြစ်များ

Ezai 58:10

sɛ amun fa amun bɔbɔ amun like nga amun di'n i wie man sran nga awe kun i'n, sɛ amun man sran ng'ɔ ti yalɛfuɛ'n i aliɛ'n, sɛ n ´kwla se'n, amún kannin'n ɔ ´fuan aosin'n bɔ amun o nun'n, yɛ lika tuun bɔ amun tran nun'n, ɔ ´yo weiin kɛ wia jran sa.

Ezai 58:7

Sran ng'ɔ lɛ-man aliɛ'n, amun `mɛn i wie. Be nga be ti yalɛfuɛ bɔ be lɛ-man lawlɛ'n, amun `fa be sie. Sɛ amun wun sran wie bɔ i wun ti kplɛn'n, amun `mɛn i tannin man ɔ kla. Nán amun `kaci amún sin si amun wiengu klɔ sran'n .

Ezekiɛl 18:7

Ɔ bo-man sran akpo, yɛ ɔ wua-man sran fi. Sran nga i kalɛ o i su sɛ ɔ wlali nun aowa'n, ɔ yi i aowa sɔ'n mɛn i. Sran ng'ɔ nyan-man like di-man'n, ɔ mɛn i wie, ng'ɔ lɛ-man tralɛ'n, ɔ mɛn i wie.

Marc 14:7

Afin amun nin yalɛfuɛ mun yɛ amun ´ka wa titi-ɔ, an kwla yo be kpa blɛ kwlaa nga an klo'n, sanngɛ n liɛ'n, min nin amun su tran-man wa titi .

JÉSUS-CHRIST I DYASIN FE'N BO LUC KLELI'N 3:11

Ɔ seli be kɛ: «Man sran ng'ɔ lɛ tralɛ nnyɔn'n, ɔ man sran ng'ɔ lɛ-man wie'n i kun, yɛ sran ng'ɔ lɛ like diwa'n, man ɔ ´man sran ng'ɔ lɛ-man wie'n i wie.»

Sa nga bé yôli'n 9:29

yɛ ɔ kan ndɛ e Min'n dunman nun yakpa su. Yɛ ɔ kan ndɛ kle Zuif'm bɔ be ijɔ Grɛk'n, yɛ be si akplowa, be sɔfuɛ'm be yɛ be klo kɛ be ´kun i nin-ɔn.

Hébreu 11:37

Be fin be yɛbuɛ, be wlan-wlan be, be fa si be kpaci be nun, yɛ be fa tokofi kun be. Be wla bua nin boli kplo be kɔ wa kɔ wa, be nyan-man like fi, be wun nyrɛnnɛn, yɛ be yo be tɛtɛ.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

1 Jean 3:17

?Sɛ sran kun ti anyanbeunfuɛ b'ɔ wun i niaan wie bɔ i sa a mian'n, b'ɔ ti-mɛn i wun nyanman nun'n, nzu yɛ ɔ kle kɛ ɔ klo Nyanmiɛn nin-ɔn?