Jacques 2:14 - NYANMIƐN NDƐ'N 1998

¹⁴ ?N niaan mun, sɛ sran kun se kɛ ɔ lafi Nyanmiɛn su bɔ sanngɛ be wun-mɛn i sɔ i nzuɛn'n nun'n, nzu ye yɛ ɔ yo mɛn i-ɔ? ?I Nyanmiɛn sulafilɛ sɔ'n kwla de i?

Nyanmien nde Ufle

¹⁴ ?N niaan mun, se swran kun sé ke o lafi Nyanmien su, sannge bé wu'en i so i nzuen'n nun'n, nzu yé ye o yô men io? ?I Nyanmien sulafile so'n kwla déé?

Jacques 2:14 ပူးပေါင်းရင်းမြစ်များ

Zeremi 7:8

Sanngɛ amun liɛ'n, ndɛ finfin ng'ɔ yo-man like fi ye'n i su yɛ amun lafi-ɔ.

Matthieu 5:20

Afin n ´kan kle amun kɛ, sɛ amun nzuɛn'n ɔ'a yo-man kpa a tra-man mmla klefuɛ nin Farizifuɛ'm be liɛ'n, Nyanmiɛn su sie-man amun mlɔnmlɔn!

JÉSUS-CHRIST I DYASIN FE'N BO LUC KLELI'N 3:11

Ɔ seli be kɛ: «Man sran ng'ɔ lɛ tralɛ nnyɔn'n, ɔ man sran ng'ɔ lɛ-man wie'n i kun, yɛ sran ng'ɔ lɛ like diwa'n, man ɔ ´man sran ng'ɔ lɛ-man wie'n i wie.»

JÉSUS-CHRIST I DYASIN FE'N BO LUC KLELI'N 6:49

Sanngɛ sran ng'ɔ tie min ndɛ'n b'ɔ fa-man su'n, ɔ ti kɛ sran b'ɔ kplannin sua asiɛ ngbɛn'n su bɔ ɔ'a wlɛ-mɛn i bo ase'n sa. Nzue dan'n ɔ wa dili sua sɔ'n, kpɛkuun ɔ buli mlɔnmlɔn.»

Sa nga bé yôli'n 15:9

Ɔ'a bu-man ye kpa a tra-man be, afin Jésus su bɔ be lafi'n ti, Nyanmiɛn man bé wun sa'n kwlaa wieli.

Sa nga bé yôli'n 8:13

Simɔn bɔbɔ lafili i su wie. Kɛ ɔ yoli batɛm'n, ɔ kpɔci-man Filip kun. Kɛ ɔ wunnin atrɛ b'ɔ yi'n nin sa kekleekle b'ɔ yo be'n, ɔ boli i nuan.

Sa nga bé yôli'n 8:21

Ndɛ nga, ɔ liɛ nun-man nun yɛ a su nyan-man like fi nun, afin wɔ akunndan'n ti-man kpa Nyanmiɛn nyrun.

Rɔmfuɛ Mun 2:25

Nanwlɛ, sɛ an fa mmla'n su'n, klɛn wlalɛ'n ti kpa, sanngɛ sɛ an fa-man su'n, klɛn wlalɛ'n yo-man sa fi ye.

1 Korɛntfuɛ Mun 15:2

Sɛ an fa su kɛ n kan kleli amun'n sa'n, amun ´fite nun, sanngɛ sɛ an lafi su-ɔ an fite-man nun'n, wuun nán an bo yɛ.

1 Korɛntfuɛ Mun 16:22

Sɛ sran kun klo-man e Min'n, man Nyanmiɛn bo i sannzan. Maranata! (E Min'n ´ba!)

Galasifuɛ Mun 5:13

Aniaan mun, Nyanmiɛn flɛli amun kɛ an nyan amún ti, sanngɛ amún ti bɔ amun nyɛn i sɔ'n ti'n, nán an yo klɔ sran nyoliɛ'n, sanngɛ an `bu amun wun kɛ an ti amun wiengu kanga, an `uka amún wun klolɛ bɔ an klo amun wun'n ti.

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

1 Tɛsalonikfuɛ Mun 1:3

E akunndan o like nga Krist su bɔ an lafi'n ti an yo'n, nin junman nga an di klolɛ bɔ an fa klo Nyanmiɛn nin sran'n, ɔ nin amún wla bɔ an fa gua e Min Jésus-Krist su kpa'n be su, yɛ e kan kle e Si Nyanmiɛn.

1 Timote 1:5

E waan be `klo sran kpa ti yɛ e tu be fɔ sɔ nin-ɔn. Klolɛ sɔ'n fin sran bɔ sa tɛ kaan sa nun-mɛn i anwlɛn'n nun, b'ɔ man i klun titi-mɛn i'n, b'ɔ lafi Nyanmiɛn su sakpa'n.

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.

Tite 1:16

Be yo bé wun kɛ be si Nyanmiɛn, sanngɛ sa nga be yo'n ɔ kle-man kɛ be si i. Bé wun yo tɛ, bé nyin ti kekle, yɛ be kwla yo-man sa kpa bɔ kun sa.

Tite 3:8

Ndɛ nga n ´kɛn i yɛ'n ti nanwlɛ weiin. N klo kɛ a jran ndɛ sɔ'n su kpa nan be nga be lafi Nyanmiɛn su'n be fa ye yolɛ'n kaci be junman. I sɔ yolɛ'n ti kpa, ɔ yo sran'm bé wun sa ye.

Hébreu 11:17

Nyanmiɛn su bɔ Abraam lafi'n ti yɛ kɛ ɔ kɛn i niannin'n ɔ fa Izaak mɛnnin i nin-ɔn. Sa nga Nyanmiɛn seli kɛ ɔ ´yo'n, Abraam yɛ ɔ seli i kɛ ɔ ´yo mɛn i-ɔ. Sanngɛ ɔ fɛ i wa kunngba cɛ'n mɛnnin i .

Hébreu 13:9

Nán an fa like wafa-wafa nga be kle amun b'ɔ nin e liɛ'n ti-man kun'n su nan an yaci atin kpafuɛ'n. Sɛ e tra ye anwlɛn kpa ye bɔ Nyanmiɛn yoli ye ti'n, ɔ ti kpa. Nán man e bu kɛ aliɛ dilɛ mmla'n bɔ e fa su'n ɔ kwla yo e kpa, afin be nga be fali su'n, ɔ'a yo-man sa fi ye a man-man be.

Jacques 1:16

N niaan kpa mun, nán an laka amun wun.

Jacques 2:16

?Sɛ amun nun kun se i kɛ: «Man ɔ́ wun jɔ wɔ fɔuun, man a nyan tannin kla, yɛ man ɔ ku yi!» Bɔ sanngɛ ɔ mɛn-mɛn i like nga i sa miɛn i wun'n, nzu ye yɛ ɔ'a yo a mɛn i-ɔ?

Jacques 2:18

Wienun-ɔn sran wie wa se n kɛ: «Ɔ liɛ'n, a lafi Nyanmiɛn su, yɛ n kusu'n, n yo sa kpakpa.» Yɛ n kusu n ´se i kɛ: «Man n nian ɔ Nyanmiɛn su bɔ a lafi bɔ a yo-man sa kpa'n, yɛ n kusu'n, sa kpakpa nga n yo be'n, m ma fa kle wɔ kɛ n lafi Nyanmiɛn su.»

Jacques 2:26

Sɛ sran kun o sa b'ɔ de-man wunmiɛn'n, wuun ɔ'a wu. I kunngba nin-ɔn, sɛ sran kun se kɛ ɔ lafi Nyanmiɛn su bɔ be wun-mɛn i sɔ i nzuɛn'n nun'n, wuun i Nyanmiɛn sulafilɛ'n ti ngbɛn.

2 Piɛr 1:5

Like bɔ e wa nyan be sɔ'n ti, kɛ an lafi Nyanmiɛn su'n, an `yo like nga an kwlɛ i yo'n i kwlaa, man amun nzuɛn'n yo kpa. Kɛ amun nzuɛn'n kɔ yo kpa'n, an `kunndɛ kɛ amun ´wun sa'm be wlɛ.