Jacques 2:1 - NYANMIƐN NDƐ'N 1998

¹ N niaan mun, kɛ an lafi e Min Jésus-Krist b'ɔ lɛ nyrun dan'n i su'n, nán an bu sran'n wie kpa tra wie.

Nyanmien nde Ufle

¹ N niaan mun, ke an lafi é Min Jésus-Christ b'o le nyrun dan'n i su'n, nanh an bu swran'n wié kpa tra wié.

Jacques 2:1 ပူးပေါင်းရင်းမြစ်များ

2 Be Nyoliɛ 19:7

I sɔ'n ti, amun nyin `yi Anannganman kpa. Like nga amun yo i sa'n, amun `nian su kpa. Yɛlɛ kɛ Anannganman e Nyanmiɛn'n klo-man gblɛgblɛ sa mun nin sran nun kpalɛ'n, ɔ nin adi ninnge nga be fa kaci sran akunndan'n.»

Nyanndra Mun 24:23

Akunndanfuɛ'm be ndɛ nga be kannin'n i wie ekun yɛ. Sɛ be ´di jɔlɛ'n, ndɛ kwlɛ dilɛ'n ɔ ti-man kpa.

Nyanndra Mun 28:21

Ndɛ kwlɛ dilɛ'n ti-man kpa. Sanngɛ sran wie mun'n, bé nuan nun aliɛ ngbɛn sa'n ti, be yo i sɔ gblɛ sa liɛ'n.

Saun Yolɛ 19:15

Nán amun bu ndɛ kwlɛ. Nán amun nian kɛ sran nga ti yalɛfuɛ'n ti amun ´bu ndɛ yi i su. Nán amun nian kɛ sran nga kusu ti sikafuɛ'n ti amun ´jrɛn i sin. Sanngɛ kɛ ndɛ'n fa ti'n, yɛ amun `fa kan man amun wiengu mun-ɔn.

Matthieu 22:16

Be sunmannin be sɔnnzɔnfuɛ mun nin Erɔdfuɛ mun Jésus wun lɔ, be wa seli i kɛ: «Nja, e si kɛ a di nanwlɛ yɛ a kle sran mun Nyanmiɛn atin'n nanwlɛ nun, yɛ e si kɛ a sro-man sran fi, afin a nian-man sran nyrun yɛ a yo sa-a.

Sa nga bé yôli'n 10:34

Yɛ Piɛr kusu seli kɛ: «Nanwlɛ, m'an wun i wlɛ kɛ Nyanmiɛn liɛ'n, ɔ kpa-man sran nun ,

Sa nga bé yôli'n 20:21

N kan kleli Zuif mun nin Grɛk'm be kɛ be yaci nyin kekle yolɛ'n Nyanmiɛn su nan bé nyin yi i yɛ be lafi e Min Jésus su.

Sa nga bé yôli'n 24:24

Kɛ ɔ dili le nnyɔn kun'n, Feliks nin i yi Driziyi b'ɔ ti Zuif bla'n be bali. Ɔ man be ko flɛli Pɔl nan ɔ'a tie be Krist-Jésus sulafilɛ ndɛ'n.

Sa nga bé yôli'n 7:2

Etiɛni tɛli i su kɛ: «Min niaan nin min si mun, an `tie! I nun nga e nannan Abraam tɛ o Mezopotami lɔ'n, Nyanmiɛn yili i wun kleli i i sin nan ɔ'a ko tran Karan lɔ ,

Rɔmfuɛ Mun 1:11

N klo kɛ n ´wun amun wun nan Nyanmiɛn Wawɛ'n i like nga n nyɛnnin i'n, an nyan wie nan an jran kekle.

1 Korɛntfuɛ Mun 2:8

Mɛn'n nun wlengbi'm be wie fi b'a si-mɛn i, sɛ ɔ ti kɛ be sili i'n, wuun b'a bobo-man e Min'n b'ɔ lɛ nyrun waka'n su.

Mmla'n 1:17

Nán amun nian sran'm be nyrun be bu ndɛ. Amun `tie sran ng'ɔ lɛ-man nyrun'n i ndɛ'n kɛ amun fa tie sran dan'n i liɛ'n sa. Nán amun yo srongble. Nyanmiɛn dunman nun yɛ amun di ndɛ mun-ɔn. Ndɛ nga amun nian nan amun kwlɛ-mɛn i di'n, amun wa `kan kle min.

Mmla'n 16:19

Nán amun bu sran fi ndɛ kwlɛ. Nán amun nian sran nyrun nan amu'an bu ndɛ. Nán amun sɔ adi ninnge'm be nun. Afin ninnge sɔ'm be si akunndanfuɛ'm be nyinma. Yɛ be saci nanwlɛ difuɛ'm be ndɛ kanlɛ'n.

Kolɔsfuɛ Mun 1:4

afin e tili Krist-Jésus su bɔ an lafi'n, nin klolɛ nga an fa klo Nyanmiɛn sran'm be kwlaa'n i ndɛ bɔ be kan'n.

1 Timote 1:19

Nyanmiɛn su bɔ a lafi'n nin ɔ klun b'ɔ titi-man wɔ'n ti. Sran wie'm be yo-man sa kpa nga be klun lɔ akunndan'n se be kɛ be yo'n, ɔ man be lafi-man Nyanmiɛn su kpa kun.

1 Timote 5:21

Fa ndɛ nga m'an kan kle wɔ yɛ'n su kpa, sɛ a nian ti-man sran kun i nuan nun ndɛ'n, nán bu i fɔ, nán bu sran'n wie kpa tra wie. Nyanmiɛn, nin Krist-Jésus, ɔ nin Nyanmiɛn i anz'm b'ɔ kpali be'n be ti min lalofuɛ kɛ n kan ndɛ sɔ'n kleli wɔ.

Tite 1:1

M Pɔl n ti Nyanmiɛn i sran bɔ Jésus-Krist sunmannin min kɛ n uka be nga Nyanmiɛn kpali be'n man be lafi i su kpa, yɛ be wun ndɛ nanwlɛ nga be bɔ be nyin yi Nyanmiɛn'n be si i'n i wlɛ kpa

Tite 2:13

E yo sɔ nan e minndɛ cɛn kpa nga e wla o su kɛ e Nyanmiɛn Kpli'n nin e Defuɛ Krist-Jésus be wa yi bé wun nglo'n.

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

Jacques 1:16

N niaan kpa mun, nán an laka amun wun.

Jacques 1:19

N niaan kpa mun, an `bu ndɛ nga i akunndan: man sran'm be kwlakwla be sie bé su be tie ndɛ nga be kan'n kpa, nán man sran fi kan ndɛ ndɛndɛ, yɛ nán man ɔ fa ya ndɛndɛ.

Jacques 2:3

Sɛ an bu ng'ɔ wla tralɛ klanman'n i sran bɔ an se i kɛ: «Tran lika kpa nga nun wa!» Yɛ an se yalɛfuɛ'n kusu kɛ: « Ɔ liɛ'n, jran lɛ!» Annzɛ: «Tran asiɛ wun bia'n wun lɛ'n,»

Jacques 2:9

Sanngɛ sɛ an bu sran'n wie kpa tra wie'n, wuun amu'an yo sa tɛ. Kɛ be nian mmla nun'n, be wun kɛ amu'an tɔn mmla'n.

Jacques 3:17

Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.

Jude 1:16

Sran sɔ'm be ijɔ be konviabo, be fa sa'n kwlaa gua sran wie'm bé su, be yo sa nga be klun klo'n, be di bé nuan, yɛ be fa bé nuan nun fɛ kunndɛ like sran'm bé sa nun.

Sa nglô yile 14:12

Nyanmiɛn i sran bɔ be tra be anwlɛn be fɛ i mmla'n su'n, bɔ be lafi Jésus su kpa'n, wa yɛ be ´wun be-ɔ.