Jacques 1:9 - NYANMIƐN NDƐ'N 1998

⁹ Aniaan ng'ɔ ti yalɛfuɛ'n, man ɔ fa nyrun bɔ Nyanmiɛn man ɔ'a nyɛn i'n di i nuan.

Nyanmien nde Ufle

⁹ Aniaan ng'o ti yalefue'n, mon o fa nyrun bo Nyanmien man wa nyen'n, di i nuan.

Jacques 1:9 ပူးပေါင်းရင်းမြစ်များ

Jue Mun 62:9

Sran mun, amun `fa amún wun wlɛ i sa nun tititi. Like ng'ɔ mian amún sa'n, amun `kan kle i. Ɔ ti e fiawlɛ.

Nyanndra Mun 17:5

Sran ng'ɔ sri yalɛfuɛ mun'n, wuun ɔ'a lo Anannganman b'ɔ boli be'n i ngasi. Sran nga bɔ sɛ ndɛ nyɛn i wiengu-ɔ ɔ sri i'n, Anannganman su yaci cɛ-mɛn i .

Nyanndra Mun 19:1

Kɛ n ko to gblɛ n ko sin nan n ko yo sinnglinfuɛ'n, ɔ flunman kɛ n `yo yalɛfuɛ nan n yo nanwlɛfuɛ.

Ezai 29:19

Be nga be kan bé wun ase'n, Anannganman ti be klun ´jɔ titi ´kɔ i nyrun. Be nga be ti sran'm be nun yalɛfuɛ'n, Izraɛl Nyanmiɛn'n ti bé wun ´kpaja be.

JÉSUS-CHRIST I DYASIN FE'N BO LUC KLELI'N 1:52

Ɔ kpaloli famiɛn ngbli-ngbli'm bé bo bia'n, ɔ mannin yalɛfuɛ'm be su.

JÉSUS-CHRIST I DYASIN FE'N BO LUC KLELI'N 10:20

Kannzɛ n seli sɔ'n, nán amun klun jɔ ninnge'm bɔ be sro amun'n ti, sanngɛ man amun klun jɔ amun dunman bɔ b'a klɛ i nyanmiɛn su lɔ'n ti .»

JÉSUS-CHRIST I DYASIN FE'N BO LUC KLELI'N 14:11

Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

JÉSUS-CHRIST I DYASIN FE'N BO LUC KLELI'N 9:48

«Sran ng'ɔ sɔ bakan nga nun n dunman nun'n, wuun m bɔbɔ min yɛ ɔ'a sɔ min nun-ɔn, yɛ sran ng'ɔ sɔ min nun'n, wuun sran b'ɔ sunmannin min'n i nun yɛ ɔ'a sɔ-ɔ. Afin sran ng'ɔ ti amun kwlaa amun nun kaan'n, i sɔfuɛ'n yɛ ɔ ti dan-an.»

Rɔmfuɛ Mun 8:17

E ti i wa, ɔ man like ng'ɔ se kɛ ɔ ´fa mɛn i sran mun'n, e ´nyan wie, yɛ kusu like ng'ɔ se kɛ ɔ ´fa man Krist'n, be ´bo e dunman nun wie, sanngɛ san nyrɛnnɛn kunngba ng'ɔ wunnin i'n, e ´wun wie nan e nin i y'a nyan nyrun.

2 Korɛntfuɛ Mun 6:10

Be bo é wla, sanngɛ e klun jɔ titi, be bu e yalɛfuɛ, sanngɛ e yo man sran kpanngban be nyan bé wun, yɛ be bu e kɛ e lɛ-man like fi, sanngɛ ninnge'n kwlaa ti sin yia ye.

Mmla'n 15:11

Yalɛfuɛ sa'n, ɔ ti-man kɛ be ´tu amun mɛn'n nun mlɔnmlɔn. I sɔ'n ti yɛ n kan kle amun kɛ sɛ amun mɛn'n nun yalɛfuɛ annzɛ aunnvuɛfuɛ wie i sa mian like wie wun'n, amun `fa mɛn i nin-ɔn .

Mmla'n 15:7

Sɛ amun niaan yalɛfuɛ kun wo amun afiɛn mɛn nga Anannganman amun Nyanmiɛn'n ɔ'a fa man amun'n nun'n klɔ wie su'n, sɛ ɔ usa amun afɛ'n, nán amun kete amun anwlɛn'n, amun `bo i bosia ng'ɔ usa'n.

Mmla'n 15:9

Amun `nian amún wun kpa, nán amun bu akunndan tɛ se kɛ: «Afuɛ'n i nso su b'ɔ ti kalɛ'n i yaci cɛlɛ afuɛ'n ɔ'a mantan.» Sɛ ɔ yo sɔ'n, amun su si-man amun niaan yalɛfuɛ'm be aunnvuɛ, kpɛkuun sɛ be srɛ amun like'n, amun su man-man be. Be kusu be ´kpan flɛ Anannganman be ´kan kle i, kpɛkuun Anannganman ɔ ´bu amun fɔ.

Filipfuɛ Mun 3:14

Ɔ man m mian mín nyin nan n ´ju juwlɛ nga be sieli'n nun nan n ´nyan like nga Nyanmiɛn flɛ e kɛ e ´nyɛn i nyanmiɛn su lɔ'n sran wunmuan bɔ e nin Krist-Jésus y'a yo'n ti.

Filipfuɛ Mun 3:3

E yɛ e wla klɛn kpa nin-ɔn, afin e su Nyanmiɛn i Wawɛ'n i fanngan nun, e fa Krist-Jésus di é nuan, e fa-man é wla gua-man e wafa nga e ti'n su.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

Sa nglô yile 2:9

N si sa ng'ɔ tɔ amun su'n nin yalɛ bɔ an di'n. Sanngɛ an ti anyanbeunfuɛ! N si amún wun ndɛ nga be nga be wan be ti Zuif'n be kan'n. Be ti-man Zuif, sanngɛ be ti Satan i minniɛn.

1 Samiɛl 2:8

Nyrɛnnɛnfuɛ ng'ɔ la ndutre nun'n, ɔ nin yalɛfuɛ ng'ɔ o kan be gua wla lɛ'n, ɔ kuku be lɛ, kpɛkuun ɔ man be nin sran dandan'm be tran likawlɛ bia kpakpa'm be su. Afin sɛ n kwla ´se'n, asiɛ'n i ja'm be ti Anannganman'n liɛ. I yɛ ɔ fali mɛn'n takali su-ɔ.