Jacques 1:6 - NYANMIƐN NDƐ'N 1998

⁶ Sanngɛ kɛ ɔ ´kan kle i'n, man ɔ lafi i su. Nán man ɔ sie i nyin nnyɔn-nnyɔn, afin sran ng'ɔ lafi-mɛn i su kpa'n, ɔ ti kɛ jenvie'n bɔ aunngban'n kpɛ su b'ɔ man ɔ keje kɔ wa kɔ wa'n sa.

Nyanmien nde Ufle

⁶ Sannge ke oh kanh kléé'n, mon o lafi i su. Nanh mon o sié i nyin nnyonnyon, afin swran ng'o lafi'e i su kpa'n, o ti ke dyénvié'n bo aunngban'n kpe su, b'o man o kédyé ko wa ko wa'n sa.

Jacques 1:6 ပူးပေါင်းရင်းမြစ်များ

Bo Bolɛ 49:4

Ɔ like yolɛ yo ya kɛ nzue ba b'ɔ kpalo'n viavia'n sa. Sanngɛ nán wɔ yɛ a ´nyan kpɛn nin-ɔn. Sa ti'n, yɛlɛ kɛ a wluli mín yi'n kun sin a nin i be lali. A sokpali min.

Matthieu 14:28

Yɛ Piɛr waan: «Nannan, sɛ ɔ ti wɔ'n, flɛ min man m bla ɔ́ wun lɔ nzue'n su lɔ.»

Sa nga bé yôli'n 10:20

«Nian, sran nsan be su kunndɛ wɔ. Jao, jra, nán bu i sin akunndan lele, a nin be wɔ, m bɔbɔ min yɛ n sunmannin be-ɔ.»

Efɛzfuɛ Mun 4:14

Kɛ ɔ ko yo sɔ'n, e ti-man ba kaan kun bɔ e fa ato ndɛ kwlaa nga sran'm be gblɛ'n ti be kɛn i kɛ be ´fa lakalaka sran mun'n su, b'ɔ man e kɔ wa kɔ wa kɛ mmeli bɔ aunngban'n fɛ i kɔ wa kɔ wa'n sa.

1 Timote 2:8

I sɔ'n ti, yasua bɔ sa tɛ kaan sa, nin ya, ɔ nin akunndan tɛ nun-man be klun'n, lika kwlaa nga be wo'n, n klo kɛ be man bé sa'm be su be koko yalɛ kle Nyanmiɛn.

Hébreu 10:23

Man e tra like nga e kɛn i ndɛ kɛ é wla o su'n i kekle, nán man é sa'n kpɔ, afin Nyanmiɛn b'ɔ se kɛ ɔ ´yo man ye'n, ɔ ti nanwlɛfuɛ.

Hébreu 11:6

Afin sɛ be lafi-mɛn i su'n, i klun jɔ-man be wun mlɔnmlɔn. Ɔ man sran nga i waan ɔ ´fɛ i wun mantan Nyanmiɛn'n, man ɔ lafi su kɛ ɔ o lɛ, yɛ be nga be kunndɛ i'n, ɔ ´yi i wun kle be.

Hébreu 13:9

Nán an fa like wafa-wafa nga be kle amun b'ɔ nin e liɛ'n ti-man kun'n su nan an yaci atin kpafuɛ'n. Sɛ e tra ye anwlɛn kpa ye bɔ Nyanmiɛn yoli ye ti'n, ɔ ti kpa. Nán man e bu kɛ aliɛ dilɛ mmla'n bɔ e fa su'n ɔ kwla yo e kpa, afin be nga be fali su'n, ɔ'a yo-man sa fi ye a man-man be.

Jacques 1:7

I sɔfuɛ'n, nán man ɔ bu kɛ e Min Nyanmiɛn'n ´mɛn i like.

Jacques 5:15

Nyanmiɛn su bɔ be lafi'n ti'n, Nyanmiɛn srɛlɛ sɔ'n man tukpacɛfuɛ sɔ'n ´nyɛn i ti, yɛ e Min'n man ɔ ´jaso. Yɛ sɛ ɔ yoli sa wie'n, ɔ ´yaci cɛ i.

2 Piɛr 2:17

Be ti kɛ nzue ti bɔ ɔ'a wu'n sa, be ti kɛ nyanmiɛn b'ɔ dun tuun'n bɔ aunngban'n tu i'n sa. Be lika nga Nyanmiɛn sieli be'n ti aosin kpa tritritri.