Jacques 1:5 - NYANMIƐN NDƐ'N 1998

⁵ Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.

Nyanmien nde Ufle

⁵ Se ngwlele'n wa ti'a amun nun wié kpa'n, mon o kan klé Nyanmien bo i sa ti'a tankaan'n, b'o fa liké man swran'n kwlaa, o idyo'e i sin'n. O man swran so'n oh wunh sa wle.

Jacques 1:5 ပူးပေါင်းရင်းမြစ်များ

1 Be Nyoliɛ 22:12

Sɛ Anannganman fa wɔ sie Izraɛlfuɛ'm be su kɛ a sie be'n, man ɔ man wɔ ngwlɛlɛ nan w'a kwla fa fɛ i mmla'm be su.

2 Be Nyoliɛ 1:10

I ti nga n ´usa'n yɛlɛ kɛ a man min ngwlɛlɛ ɔ nin akunndan bɔ be fa wun sa'm be wlɛ'n kɛ ɔ ´yo nan m'an sie nvle sɔ'n ti. Sɛ ɔ'a yo-man sɔ-ɔ, sran kun kwla sie-man ɔ nvle'n, afin ɔ ti dan. N waan a man min akunndan bɔ be fa wun sa'm be wlɛ'n ekun.»

Jue Mun 51:6

Ɔ kunngba yɛ n yoli wɔ sa nin-ɔn. N yoli sa nga a klo-mɛn i'n. Ɔ man kɛ a ´di min jɔlɛ'n, ndɛ nga a ´kan gua su'n, i kanwlɛ su-ɔ, yɛ n fɔ nga a ´bu, i buwlɛ su-ɔ .

Ezipt Lɔ Tulɛ'n 31:3

N fali min wawɛ'n m mɛnnin i kɛ ɔ `sie i yɛ ɔ `mɛn i akunndan nin ngwlɛlɛ, ɔ nin sa silɛ kɛ ɔ `si junman wafa-wafa kwlaa di.

Ezipt Lɔ Tulɛ'n 31:6

Ɔɔliab b'ɔ ti Aizamak i wa'n, b'ɔ ti Dan akpasua'n sufuɛ'n, n fɛli i ukɛli i su. Yɛ amun ajuin difuɛ'm be kwlaa nga be si like yo'n, min bɔbɔ yɛ m mannin be i sɔ ngwlɛlɛ nin-ɔn, kɛ ɔ ´yo nan b'a kwla yo i kwlaa nga n seli wɔ kɛ a yo'n ti.

Nyanndra Mun 8:17

Be nga be klo min'n, n kusu n klo be. Be nga be kunndɛ min'n, be wun min .

Matthieu 11:20

Kpɛkuun klɔ nga be su yɛ Jésus yoli i sa kekleekle'm be dan lika'n, ɔ su ijɔ be sufuɛ mun, yɛlɛ kɛ b'a kaci-man be nzuɛn'n.

Marc 16:14

I kasiɛn su'n, kɛ i sɔnnzɔnfuɛ blu-nin-kun'm be wo aliɛ'n sin'n, ɔ fɛli i wun kleli be nan ɔ'a ijɔ be i su bɔ be lafi-man'n, nin ketelɛ bɔ b'a kete bɔ b'a fa-man be nga be wunnin i kɛ ɔ cɛnnin'n be ndɛ'n su'n ti.

Jean 14:13

Like kwlaa nga an fa n dunman srɛ'n, n ´yo nan m bɔ n ti e Si i wa'n m mɛn i kɔmin su .

Jean 15:7

Sɛ amun nin min yo sran wunmuan bɔ e tran titi'n, bɔ an fa min ndɛ'n su'n, like nga an klo i'n, an `se Nyanmiɛn, ɔ ´fa man amun.

Jean 4:10

Jésus seli i kɛ: «Sɛ a si like nga Nyanmiɛn fa man sran mun'n, yɛ sɛ a si sran ng'ɔ se wɔ kɛ a mɛn i nzue lɛ'n, wuun ɔ bɔbɔ a ´srɛ i wie, yɛ ɔ ´man wɔ nzue b'ɔ sonji'n.»

2 Korɛntfuɛ Mun 2:16

Be nga be su mlin'n be liɛ'n ɔ ti kɛ duwlɛ kpukpuwa sa, ɔ kun sran, yɛ be nga be su fite nun'n be liɛ'n ɔ ti like kpa, ɔ man be nyan nguan. ?Wan yɛ ɔ kwla di i sɔ junman nin-ɔn?

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

Jacques 3:17

Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.

Jacques 5:16

I sɔ'n ti, kɛ ɔ ´yo nan amu'an yo juejue'n, an `kan sa nga an yoli'n kle amun wiengu, an `srɛ Nyanmiɛn man amun wun kɛ ɔ man amun jaso. Sɛ sran kpa kun srɛ like Nyanmiɛn sa nun b'ɔ jran su kpa'n, i srɛlɛ sɔ'n yo sa ye dan.

1 Jean 3:22

Like kwlaa nga e srɛ i'n, ɔ ´fa man e yɛlɛ kɛ e fɛ i ndɛ'n su, yɛ e yo sa ng'ɔ jɔ i klun'n.