Jacques 1:27 - NYANMIƐN NDƐ'N 1998

²⁷ Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.

Nyanmien nde Ufle

²⁷ Nyanmien sule b'o ti kpa bo fien fi nu'en i wun é Si Nyanmien mien nyrun'n, yele aika nin angbôti mmla'm bo bé wun nyrennen'n, bé lika nianle, nin bé wun su nianle men nun sa tete yôle'm bé nun.

Jacques 1:27 ပူးပေါင်းရင်းမြစ်များ

Jue Mun 119:1

Be nga bɔ be nanti sein'n, bɔ Anannganman i mmla'n su yɛ be nian be nanti'n, be liɛ su ti ye!

Jue Mun 146:9

Anannganman nian aofuɛ'm bé su. Ɔ nian aika nin angboti bla'm be lika. Sanngɛ klunwifuɛ'm be like liɛ nga be sunnzun kɛ be ´yo'n, ɔ saci.

Jue Mun 68:5

An `to jue manman Nyanmiɛn, amun `bo flɛ i! Amun `trɛ atin'n nun be `man sran b'ɔ fa nyanmiɛn ble'n yo i nnɛn kpanngɔ fu su'n. Ɔ suan Anannganman. Amun `tu kpɛn si able i nyrun.

Ezai 1:23

Ɔ famiɛn'n i awlo lɔ sran dandan mun be yo nyin kekle Nyanmiɛn su. Be nin awiefuɛ'm bé bo ti kun. Adi ninnge'n yɛ be kunndɛ-ɔ, siɛn'n be bɔbɔ yɛ be su sran'm be su kɛ be `wla bé sa bo-ɔ. Be di aika mma'm be ndɛ kwlɛ, angboti mmla'n be ndɛ'n nga be fa blɛ be kɛ be di'n, ɔ ti-man be ndɛ.

Matthieu 12:32

Sran kwlaa ng'ɔ kan m bɔ n kacili Sran'n min wun ndɛ'n, ɔ ´yaci cɛ i. Sanngɛ sran ng'ɔ kan Nyanmiɛn Wawɛ'n i wun ndɛ'n, ɔ su yaci cɛ-mɛn i blɛ nga nun annzɛ blɛ ng'ɔ ´ba lɔ'n nun.»

Matthieu 5:8

Be nga sa tɛ fi nun-man be anwlɛn'n nun'n, be liɛ su ti ye, afin be wa wun Nyanmiɛn !

JÉSUS-CHRIST I DYASIN FE'N BO LUC KLELI'N 1:6

Be nnyɔn'n be yo e Min Nyanmiɛn klun sa, be fɛ i ndɛ'n nin i mmla'n kwlaa su kpa.

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

Rɔmfuɛ Mun 2:13

Nán be nga be si mmla'n yɛ be ti sran kpa Nyanmiɛn nyrun-ɔn, sanngɛ be nga be fa su'n be yɛ Nyanmiɛn ´bu be sran kpa-a.

Galasifuɛ Mun 1:4

Kɛ ɔ ko yo nan Krist ɔ'a de é mɛn tɛ kain nga nun'n ti, ɔ fɛ i bɔbɔ wun mannin é sa tɛ'n ti. I sɔ'n ti e Si Nyanmiɛn klun su.

Galasifuɛ Mun 3:11

E si weiin kɛ mmla'n ti Nyanmiɛn su bu-man sran fi sran kpa, afin e kɛnngɛn i kɛ: «Sran ng'ɔ lafi Nyanmiɛn su bɔ man ɔ kaci sran kpa'n, ɔ ´nyan nguan .»

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

Galasifuɛ Mun 6:14

N liɛ'n, n su fa-man like fi di-man min nuan mlɔnmlɔn san e Min Jésus-Krist i waka'n, i waka sɔ'n ti n ti kɛ sran bɔ ɔ'a wu b'ɔ nin mɛn'n ɔ'a bu'n sa, yɛ mɛn'n kusu ti kɛ sran bɔ ɔ'a wu b'ɔ nin min a bu'n sa.

Efɛzfuɛ Mun 2:2

yɛ amun nzuɛn'n fa be nga be o yɛ'n be liɛ'n. Amún nyin yili nglo lɔ mmusu'm bé si'n, i yɛ ndɛkɛn ɔ wlawla sran nga bé nyin yi-man Nyanmiɛn nin-ɔn.

Mmla'n 14:29

nan Levifuɛ'm bɔ be lɛ-man asiɛ'n wie kɛ amun liɛ'n sa'n, nin aofuɛ nga be sike amun'n, nin aika ba mun, ɔ nin angboti bla nga be o amun klɔ'n su'n, be wa fa wie be `di nan be ku `yi. Nan Anannganman amun Nyanmiɛn'n kusu ɔ'a yo nan like kwlaa nga amun yo'n ɔ'a yo ye'n ti.

1 Timote 1:5

E waan be `klo sran kpa ti yɛ e tu be fɔ sɔ nin-ɔn. Klolɛ sɔ'n fin sran bɔ sa tɛ kaan sa nun-mɛn i anwlɛn'n nun, b'ɔ man i klun titi-mɛn i'n, b'ɔ lafi Nyanmiɛn su sakpa'n.

1 Timote 5:4

Sanngɛ ng'ɔ lɛ ba annzɛ anunman'n, man ba sɔ'm be si kɛ be Nyanmiɛn sulɛ'n nun'n, sa nga be ´dun mmua yo'n yɛlɛ be awlo'n i lika nianlɛ, ɔ nin like nga bé si nin be nin, ɔ nin be nannan'm be yo mannin be'n i wunsu yolɛ. I sɔ'n yo Nyanmiɛn fɛ.

Tite 2:12

Ye sɔ b'ɔ yoli ye'n ti, ɔ kle e kɛ e yaci sa b'ɔ yo-man Nyanmiɛn fɛ'n nin mɛn nun ninnge nga é nyin blo be su'n, nan blɛ nga e o nun yɛ'n, e yo sa ng'ɔ ti i nuan su'n, nin sa ng'ɔ ti kpa'n, yɛ e sro Nyanmiɛn.

Jacques 3:17

Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.

Jacques 3:9

E nuan sɔ'n yɛ e fa manman e Min'n b'ɔ ti e Si nin-ɔn. E nuan kunngba'n, yɛ e fa wua sran bɔ Nyanmiɛn yili be'n bɔ be ti kɛ i sa'n, be amuɛn nin-ɔn .

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.

2 Piɛr 1:4

Kɛ ɔ yoli sɔ'n, ɔ kannin ndɛ fɛ kleli ye kɛ ɔ wa yo like dan man e nan kɛ an ko nyan like sɔ'n, an yaci like nga bé nyin blo su b'ɔ man mɛn'n saci'n, nan an kaci kɛ Nyanmiɛn sa.

2 Piɛr 2:20

Afin sran nga be si e Min Jésus-Krist e Defuɛ'n, b'ɔ man be yaci sa nga be yo-ɔ be saci'n, sɛ be sa be sin ko fa sa sɔ'n kaci be junman ekun'n, be sacilɛ kasiɛn liɛ'n, ɔ yo tɛ tra klikli liɛ'n.

2 Piɛr 3:14

N sran kpa mun, i sɔ'n ti, kɛ e ´minndɛ cɛn sɔ'n, an `yo like kwlaa nga an kwla yo'n nan ɔ'a wun kɛ an ti sran kpa bɔ sa kaan sa nun-man amun wun nan amun nin i amún nuan a sɛ.

1 Jean 5:18

Sran kwlaa ng'ɔ ti Nyanmiɛn wa'n, e si kɛ ɔ ka-man sa tɛ yolɛ'n su, afin Nyanmiɛn Wa'n sɛsɛ i, ɔ man Klunwifuɛ'n kwla yo-mɛn i sa fi.