Jacques 1:22 - NYANMIƐN NDƐ'N 1998

²² Nyanmiɛn ndɛ nga an ti'n, an `lafi su. Sɛ an tie i ngbɛn bɔ an fa-man su'n, wuun an su laka amún wun.

Nyanmien nde Ufle

²² Nyanmien nde nga an ti'n, anh lafi su. Se an tiéé ngben bo an fa'a su'n, wuun an su laka amun wun.

Jacques 1:22 ပူးပေါင်းရင်းမြစ်များ

Ezai 44:20

Cuekee, be fa be wla gua like b'ɔ ti kɛ nzuɛn sa'n i su. Sa bɔ be wun-mɛn i wlɛ'n ti b'a mlin. Be amuɛn'n ɔ de-man be. Kusu be bɔbɔ be usa-man bé wun kɛ: «Nán like ngbɛn li yɛ ɔ o min sa nun yɛ?»

Zeremi 11:6

Anannganman'n seli min kɛ: «Kan ndɛ ng'ɔ o yɛ'n Zida klɔ'm be su, kan sin Zerizalɛm akpɔ'm be su. Se kɛ: ‹An `nian aenguɛ sɔ'n su be nanti.

Abdias 1:3

Ɔ wun tulɛ dan'n ti w'a mlin yɛ a o lɛ-ɔ. A o yɛbuɛ-yɛbuɛ'm be afiɛn lɔ, ɔ klɔ'n wo nglo lɔ fleiin'n, i ti a se ɔ wun kɛ yoo: ‹?Kɛ wan sa cɛ yɛ ɔ kwla tu mín bo wa-a?›

Matthieu 12:50

Afin sran ng'ɔ yo n Si b'ɔ o nyanmiɛn su lɔ'n i klun sa'n, i yɛ ɔ ti min niaan bian, nin min niaan bla, ɔ nin min nin nin-ɔn.»

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

JÉSUS-CHRIST I DYASIN FE'N BO LUC KLELI'N 11:28

Jésus a kplin-man su, nan ɔ'a se kɛ: «Se kɛ, sran ng'ɔ tie Nyanmiɛn ndɛ'n b'ɔ fa su'n, i liɛ su ti ye!»

Jean 13:17

Sɛ an si sa sɔ'n nan an fa su'n, amun liɛ su ti ye.

Rɔmfuɛ Mun 2:13

Nán be nga be si mmla'n yɛ be ti sran kpa Nyanmiɛn nyrun-ɔn, sanngɛ be nga be fa su'n be yɛ Nyanmiɛn ´bu be sran kpa-a.

1 Korɛntfuɛ Mun 15:33

Nán an laka amún wun, sɛ sran kpa nin sran tɛ san nun'n, i nzuɛn tɛ'n sɛ i.

1 Korɛntfuɛ Mun 3:18

Nán man sran fi lɛkɛ i wun, sran ng'ɔ bu i wun kɛ ɔ si sa'n, man ɔ yo i wun sinnglinfuɛ nan ɔ'a kaci ngwlɛlɛfuɛ .

1 Korɛntfuɛ Mun 6:9

An si-man kɛ Nyanmiɛn su sie-man sa tɛtɛ yofuɛ'm be mlɔnmlɔn? Nán an laka amun wun, afin bla annzɛ bian kunndɛfuɛ mun, nin amuɛn sɔfuɛ mun, nin yasua bɔ be kunndɛ bla be yi bo annzɛ bla bɔ be kunndɛ bian be wun bo'n, nin yasua bɔ be kunndɛ be wiengu yasua'n,

Galasifuɛ Mun 6:3

Sɛ sran kun bu i wun kɛ ɔ ti sran dan b'ɔ ti-man sɔ'n, wuun ɔ'a lɛkɛ i bɔbɔ wun.

Galasifuɛ Mun 6:7

Nán an laka amun wun. Be kwla yo-man Nyanmiɛn finfin, afin like nga sran kun lua'n yɛ ɔ ti-ɔ.

Filipfuɛ Mun 4:8

Aniaan mun, min ndɛ'n i atabo'n yɛ: man amun akunndan'n tran like kwlaa ng'ɔ ti kpa'n, nin sa kwlaa bɔ sran yo-ɔ ɔ ti kpa'n bé su, yɛlɛ: ndɛ nanwlɛ'n, nin like nga be bu i like kpa'n, nin like ng'ɔ ti i nuan su'n, nin sa ng'ɔ ti-man tɛ mlɔnmlɔn'n, nin like ng'ɔ ti klanman'n, yɛ ndɛ nga be ti-ɔ ɔ jɔ be klun'n.

Kolɔsfuɛ Mun 3:17

Sɛ amun ´yo like wie o, sɛ amun ´kan ndɛ wie o, like kwlaa nga amun ´yo'n, an `yo i e Min Jésus dunman nun, yɛ i ti an `la e Si Nyanmiɛn'n i ase.

2 Timote 3:13

Sanngɛ sran nga be klun yo wi bɔ be ti gblɛfuɛ'n, bé sa tɛ nga be yo'n i tɛ'n ɔ ´tra laa liɛ'n, be ´laka sran mun yɛ be ´laka be bɔbɔ bé wun.

Tite 3:3

Afin laa e kusu e ti sinnglinfuɛ yɛ e ti nyin keklefuɛ. Be lakali ye man e yacili atin kpafuɛ'n, é nyin b'ɔ blo ninnge wafa-wafa'n kwlaa nin mɛn dilɛ'n su'n ti e kacili kɛ kanga sa, laa e ti klunwifuɛ, yɛ é nyin ci sran nin like, laa é wun yo tɛ yɛ e kpɔ e wun.

Jacques 1:26

Sɛ sran kun bu i wun kɛ ɔ su Nyanmiɛn sanngɛ ɔ sie-mɛn i nuan'n diin'n, i Nyanmiɛn sulɛ'n ti ngbɛn, ɔ su lɛkɛ i wun.

Jacques 4:11

Aniaan mun, nán an kan amun wiengu wun ndɛ tɛ. Sran ng'ɔ kɛn i niaan wun ndɛ tɛ annzɛ ɔ bu i fɔ'n, wuun mmla'n yɛ ɔ kɛn i ndɛ tɛ kɛ ɔ ti sa ɔ ti sa-a. Ɔ man sɛ an se kɛ mmla'n ti sa ti sa'n, wuun amun waan ɔ ti-man kpa.

Jacques 4:17

Sran ng'ɔ si kɛ like nga sɛ ɔ yo-ɔ ɔ ti kpa b'ɔ yo-man'n, wuun ɔ'a yo sa tɛ.

2 Piɛr 2:13

Sa nga be fa yo sran wie mun'n, i kunngba'n yɛ be ´fa yo be-ɔ. Kɛ aliɛ ko cɛn'n, sa ng'ɔ yo be fɛ'n yɛlɛ mɛn dilɛ'n, kɛ a wun be'n, nyannzuɛn kun wɔ. Kɛ amun nin be yia aliɛ'n su'n, amún nyin gua ase, be saci amun wun, yɛ be gblɛgblɛ sa nga be yo'n ɔ yo be fɛ.

1 Jean 1:8

Sɛ e se kɛ sa tɛ nun-man é wun'n, wuun e su laka e wun, e di-man nanwlɛ.

1 Jean 2:3

Sɛ e fa Nyanmiɛn ndɛ'n su'n, i sɔ'n nun yɛ e ´si kɛ e si i sakpa-a.

1 Jean 3:7

M mma mun, nán an fa amun wun man sran fi man ɔ laka amun. Sran ng'ɔ yo sa b'ɔ kɔ atin su'n, ɔ ti sran kpa kɛ Krist ti sran kpa'n sa.

3 Jean 1:11

N sran kpa, nán nian sa tɛ nga be yo'n su, sanngɛ nian sa kpa nga be yo'n su. Sran ng'ɔ yo sa kpa'n, ɔ ti Nyanmiɛn liɛ, sran ng'ɔ yo sa tɛ'n, ɔ si-man Nyanmiɛn.

Sa nglô yile 12:9

Be kannin dragɔn sroesroe dan sɔ'n nin i anz'm be bo guali be asiɛ'n su wa. I yɛ be flɛ i wuo lalaa, nin mmusu'm be si, nin Satan nin-ɔn, i yɛ ɔ laka mɛn wunmuan nunfuɛ'm be kwlaa nin-ɔn .

Sa nglô yile 22:7

Jésus seli kɛ: «Nian, m ´ba icra'n. Sran ng'ɔ fa fluwa ng'ɔ kle sa ng'ɔ wa ju'n i nun ndɛ'n su'n, i liɛ su ti ye!»