Jacques 1:21 - NYANMIƐN NDƐ'N 1998

²¹ I sɔ'n ti, an `wla nzuɛn tɛtɛ'n nin klunwi'n kwlaa be ase. An `yo amún wun aenvuɛ, an `fa ndɛ nga Nyanmiɛn kan kle amun'n su. I yɛ man amun ´nyan amún ti-ɔ.

Nyanmien nde Ufle

²¹ I so'n ti, anh wla nzuen tete'n nin klunwi'n kwlaa bé asé. Anh yô amun wun aénvue, anh fa nde nga Nyanmien kan klé amun'n su. I ye man amunh nyanh amun tio.

Jacques 1:21 ပူးပေါင်းရင်းမြစ်များ

Jue Mun 25:9

Ɔ kle wun ase kanfuɛ mun kɛ be `fa yo sɛsɛ `ju'n. Ɔ fɛ i atin'n kle wun ase kanfuɛ mun.

Ezai 2:20

I cɛn sɔ nun'n, sran'm be amuɛn mun bɔ be fa jɛtɛ ufue yoli be kɛ be ´koto bé bo'n, ɔ nin be amuɛn mun bɔ be fa sika ɔkwlɛ yoli be kɛ be ´koto be bo'n, be ´to be gua gbekle nin akpannin'm be bo.

Ezai 29:19

Be nga be kan bé wun ase'n, Anannganman ti be klun ´jɔ titi ´kɔ i nyrun. Be nga be ti sran'm be nun yalɛfuɛ'n, Izraɛl Nyanmiɛn'n ti bé wun ´kpaja be.

Ezai 30:22

Amun amuɛn mun bɔ amun klo jɛtɛ ufue annzɛ sika ɔkwlɛ gua be wun'n, amun `bu be like fiɛnfiɛn. Amun `gua be blo kɛ be gua like tɛtɛ'm be blo'n sa. Amun `se be kɛ: «Amun `fɛ li sɔ'n be fite lɔ.»

Ezai 61:1

Anannganman Nyanmiɛn i Wawɛ'n wo mín su, afin Anannganman guali n su ngo kɛ m `bo jasin fɛ'n n kle yalɛfuɛ mun. Ɔ sunmannin min kɛ n wa cici be nga be anwlɛn'n ɔ'a kpɔtɔ be klun'n be wla, nan n `kan kle be bɔ be trali be lomuɛn'n kɛ be ´nyan be ti, yɛ n `se be nga be ti bisuafuɛ'm be kɛ be ´nyan alaje .

Ezekiɛl 18:31

Amun `gua sa tɛtɛ bɔ be kacili amun nzuɛn'n be blo mmua mmua lɔ. Man amun anwlɛn'n kaci uflɛ, man amun akunndan'n ɔ yo uflɛ. ?Izraɛlfuɛ mun, nguɛ ti yɛ amun klo kɛ amun ´wu-ɔ ?

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Sofoni 2:3

Mɛn'n nun wɛtɛɛfuɛ mun, amun bɔ amun nanti Anannganman i mmla'n su'n, amun `mantan Anannganman. Amun `yo nanwlɛfuɛ, amun `kan amun wun ase be man Nyanmiɛn'n. Amun `kan amun wun ase be mɛn i, i liɛ'n, nja, sɛ i ya cɛn'n ju-ɔ, amun ´nyan amun ti o.

Matthieu 5:5

Be nga be ti wɛtɛɛfuɛ'n, be liɛ su ti ye, afin mɛn'n ɔ wa yo be liɛ!

Jean 6:63

Nyanmiɛn Wawɛ'n yɛ ɔ man nguan nin-ɔn, be wunnɛn'n kwla yo-man like fi. Ndɛ nga n kan kleli amun'n be ti Nyanmiɛn Wawɛ'n liɛ, be man nguan.

Jean 6:68

Yɛ Simɔn Piɛr seli i kɛ: «Wan sin yɛ e ´kɔ-ɔ? Ɔ ndɛ'n yɛ man e nyan anannganman nguan-an.

Sa nga bé yôli'n 10:33

Kpɛkuun yɛ n sunmannin sran kɛ be ko yia wɔ-ɔ, ɔ man ɔ balɛ'n yo n fɛ. I sɔ'n ti, e kwlaa e yiali Nyanmiɛn nyrun wa kɛ e ´tie ndɛ kwlaa nga e Min Nyanmiɛn'n kan kleli wɔ kɛ a kan kle ye'n.»

Sa nga bé yôli'n 13:26

Nja mun, amun bɔ an ti Abraam anunman'n, bɔ amun su Nyanmiɛn'n, e nin amun e yɛ be fali delɛ ndɛ nga blɛli ye-ɔ.

Rɔmfuɛ Mun 1:16

Nyannzuɛn kun-man min Jasin fɛ'n bolɛ nun. Afin i yɛ ɔ ti fanngan nga Nyanmiɛn fa de sran nga be lafi i su'm be kwlaa-a, Zuif'm be yɛ be ti klikli-ɔ, i sin be nga mun.

Rɔmfuɛ Mun 11:17

Izraɛlfuɛ'm be ti kɛ olivie bɔ be tali'n bɔ be kpɛkpɛ i sama'm be wie'n sa. Amun bɔ an ti-man Zuif'n, an ti kɛ blo olivie sama mun sa, yɛ be fa amun takali olivie nga be tali'n i sama nga be kpɛkpɛli be'n be osu nun. Ɔ man nzue ng'ɔ fin olivie nga be tali'n i bo nun'n, ɔ wlu amun nun wie, yɛ man an yo kpa-a.

Rɔmfuɛ Mun 6:17

N ´yo Nyanmiɛn i kwla o, afin laa'n, sa tɛ'n ti amun nzuɛn, sanngɛ siɛn'n, amu'an fa ndɛ nanwlɛ nga be kleli amun'n su kpa.

1 Korɛntfuɛ Mun 15:2

Sɛ an fa su kɛ n kan kleli amun'n sa'n, amun ´fite nun, sanngɛ sɛ an lafi su-ɔ an fite-man nun'n, wuun nán an bo yɛ.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

Efɛzfuɛ Mun 1:13

Amun kusu, kɛ an tili jasin fɛ'n b'ɔ ti nanwlɛ'n, b'ɔ man amun kwla nyan amún ti'n, an lafili Krist su. Kɛ amun nin i amu'an kaci sran wunmuan'n ti, Nyanmiɛn fɛli i Wawɛ'n b'ɔ kɛn i ndɛ'n mannin amun b'ɔ kle kɛ an ti i liɛ mlɔnmlɔn.

Efɛzfuɛ Mun 4:22

I sɔ'n ti'n, an `wla amun nzuɛn laa b'ɔ man an yo sa ng'ɔ fata-man'n i ase. I ti yɛ amún nyin blo ninnge'm be su yɛ an laka amun wun lele an saci nin-ɔn.

Efɛzfuɛ Mun 4:25

I sɔ'n ti'n, an `yaci ato bualɛ'n, an `di nanwlɛ kle amun wiengu, afin e kwlaa e ti sran wunmuan .

Efɛzfuɛ Mun 5:4

Yɛ nán man be ti ndɛ tɛtɛ, nin ndɛ finfin, nin aɔwi tɛtɛ dilɛ'n amún nuan nun. Be ti like b'ɔ nin amun fata-man, sanngɛ man be ti Nyanmiɛn asenna ndɛ amún nuan nun.

1 Tɛsalonikfuɛ Mun 1:5

Afin kɛ e kan jasin fɛ'n i ndɛ kleli amun'n, y'a kɛn-mɛn i é nuan nun ngbɛn, Nyanmiɛn Wawɛ'n yɛ ɔ tinnin ye-ɔ, ɔ man ye wun i wlɛ kpa kɛ ndɛ nga e kan'n ti nanwlɛ, yɛ Nyanmiɛn Wawɛ di junman amun afiɛn. Kɛ e o amun wun lɔ'n an si e wun wafa nga e yoli'n, amun ti yɛ e yoli e wun sɔ-ɔ.

1 Tɛsalonikfuɛ Mun 2:13

I sɔ'n ti, e kusu e la Nyanmiɛn ase titi, afin i ndɛ bɔ e kan kleli amun'n, an tili yɛ an fali su. Amu'an bu-mɛn i kɛ ɔ ti sran liɛ, sanngɛ an wunnin i kɛ ɔ ti Nyanmiɛn ndɛ sakpa b'ɔ kwla yo amun bɔ an lafi Krist su'n, amún wun sa ye.

Tite 2:11

Afin Nyanmiɛn a yi ye nga ɔ yo sran b'ɔ man sran'm be kwlaa be kwla nyan bé ti'n i nglo.

Hébreu 12:1

I sɔ'n ti, kɛ sran kpanngban kpa bɔ be kan Nyanmiɛn sulafilɛ ndɛ'n be sin yia e kukuku'n, man e kusu e gua like kwlaa ng'ɔ tanndan e wun'n be ase, man e wla sa tɛ'n kwlaa ase, afin ɔ cɛ-man nan ɔ'a tanndan é ja nun. Man e mian é nyin sin lika nga be kle ye'n nun.

Hébreu 2:3

wuun sɛ e kpa sa nga e yo-ɔ e ´nyan é ti'n su'n, e ´yo sɛ yɛ e ´fite nun-ɔn? E Min'n bɔbɔ dun mmua kannin é ti nyanlɛ sɔ'n i ndɛ, yɛ be ng'ɔ kannin bɔ be tili'n, be kan kleli ye weiin kɛ ɔ ti nanwlɛ.

Hébreu 4:2

Afin jasin fɛ nga be kan kleli be nga be trannin aawlɛ flɛnnɛn nun lɔ'n, be kɛnnin i kunngba'n kleli ye kusu, sanngɛ ndɛ nga be tili'n bɔ b'a lafi-man su'n ti'n, b'a yo-man kpa.

Jacques 4:8

An `fa amún wun mantan Nyanmiɛn, yɛ i kusu ´fɛ i wun mantan amun-ɔn. Sa tɛ yofuɛ mun, an `wunnzin amún sa, akunndan nnyɔn-nnyɔnfuɛ mun, an `yaci akunndan tɛtɛ'n.

Jacques 5:20

sran sɔ'n b'ɔ kle sa tɛ yofuɛ'n i atin kpa'n, ɔ ´de i wie'n sa nun, yɛ ɔ man i wun sa kpanngban'n be ´wie .

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

1 Piɛr 1:9

Afin kɛ an lafi Nyanmiɛn su'n, i agualiɛ amun ´nyan amún ti.

1 Piɛr 2:1

I sɔ'n ti, an `wla klunwi'n kwlaa, nin gblɛ'n kwlaa, nin dunman kunndɛlɛ'n, nin amún nyin bɔ an fa ci sran'n, ɔ nin sran wun ndɛ tɛ kanlɛ'n kwlaa be ase.

1 Piɛr 2:11

N sran kpa mun, an ti aofuɛ nin wlan-wlanfuɛ asiɛ'n su, ɔ man n ´srɛ amun kɛ an `wla amun konvi b'ɔ man amún nyin blo ninnge'm be su'n i ase, afin konvi sɔ'n kwla kun ye.