Jacques 1:2 - NYANMIƐN NDƐ'N 1998

² N niaan mun, sa fanunfanun ng'ɔ tɔ amun su'n, an `bu i amun cenjele like,

Nyanmien nde Ufle

² N niaan mun, sa fanunfanun ng'o to amun su'n, anh bui amun tyéndyélé liké,

Jacques 1:2 ပူးပေါင်းရင်းမြစ်များ

Sa nga bé yôli'n 5:41

Kɛ be ´jao jɔlɛ difuɛ'm be nyrun lɛ'n, be klun ti jɔwa yɛlɛ kɛ be si kɛ bé nyin bɔ be guɛli i ase Jésus dunman nun'n ɔ ti kpa, afin Nyanmiɛn yɛ ɔ sieli i sɔ-ɔ.

Rɔmfuɛ Mun 5:3

Nɛ́n i sɔ ngunmin ti yɛ é wun blibli ye-ɔ, sanngɛ sa ng'ɔ tɔ e su'n kusu ɔ man e klun jɔ ekun, afin e si kɛ nyrɛnnɛn wunlɛ'n man e kaci sran bɔ e tra e anwlɛn,

Filipfuɛ Mun 1:29

afin nán Krist sulafilɛ ngunmin yɛ Nyanmiɛn man amun lafi-ɔ, sanngɛ ɔ man amun wun nyrɛnnɛn i dunman nun ekun.

Filipfuɛ Mun 2:17

Nyanmiɛn su bɔ an lafi'n ti kɛ nnɛn bɔ be fa sɔ i Nyanmiɛn'n sa. Sɛ be fa min uka su mɛn i'n, yɛ n klun ´jɔ kɛ amun klun fa jɔ'n sa-a.

Filipfuɛ Mun 2:18

Amun kusu, man amun klun jɔ, man amun klun jɔ kɛ n klun fa jɔ'n sa.

Kolɔsfuɛ Mun 1:24

Nyrɛnnɛn nga amún ti n ´wun i yɛ'n, n klun jɔ su. Kɛ n fɛ ń kplo nun'n, nyrɛnnɛn nga Krist wunnin i Asɔnun b'ɔ ti i wunnɛn'n ti'n, n su guɛguɛ i bo.

Hébreu 10:34

Afin an wun bisuafuɛ'm be aunnvuɛ. Kɛ sran'm be ´de amun ninnge mun amún sa nun'n, amun nin be a kpli-man, sanngɛ amun klun jɔli su, afin an si kɛ an lɛ ninnge wie bɔ be ti kpa tra nga lɛ'n, bɔ be ´ka lɛ tititi.

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

Jacques 1:16

N niaan kpa mun, nán an laka amun wun.

Jacques 1:19

N niaan kpa mun, an `bu ndɛ nga i akunndan: man sran'm be kwlakwla be sie bé su be tie ndɛ nga be kan'n kpa, nán man sran fi kan ndɛ ndɛndɛ, yɛ nán man ɔ fa ya ndɛndɛ.

Jacques 5:11

Be nga be jrannin kekle'n, e se kɛ be liɛ su ti ye. An tili Zɔb i anwlɛn b'ɔ trali'n yɛ an wunnin i agualiɛ nga e Min'n man ɔ guɛli i'n, afin sran yo e Min'n i annvɔ, yɛ ɔ si i aunnvuɛ .

2 Piɛr 2:9

Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.

Sa nglô yile 2:10

Nán srɛ kun amun nyrɛnnɛn nga an wa wun i'n ti. An `nian, mmusu'm bé si Satan'n ɔ wa wla amun nun wie'm be bisua, ɔ ´sa amun nian. Amun ´wun nyrɛnnɛn le blu. Sɛ kunlɛ bɔbɔ yɛ be ´kun amun'n, an `tra amun anwlɛn, yɛ like nga n ´fa yo amun mo'n yɛlɛ nguan'n, ɔ ti kɛ famiɛn kle sa .