Jacques 1:19 - NYANMIƐN NDƐ'N 1998

¹⁹ N niaan kpa mun, an `bu ndɛ nga i akunndan: man sran'm be kwlakwla be sie bé su be tie ndɛ nga be kan'n kpa, nán man sran fi kan ndɛ ndɛndɛ, yɛ nán man ɔ fa ya ndɛndɛ.

Nyanmien nde Ufle

¹⁹ N niaan kpa mun, anh bu nde nga akunndan! Man swran'n kwlakwla bé sié bé su bé tié nde nga bé kan'n kpa, nanh man swran fi kan nde ndende, nanh man bé fa ya ndende.

Jacques 1:19 ပူးပေါင်းရင်းမြစ်များ

Neemi 8:18

Kɛ ɔ fɛ i cɛn klikli'n lele bɔ be cɛn dilɛ'n ´fa wie'n, be kanngannin Nyanmiɛn mmla fluwa'n nun tititi. Be dili le nso, i le mɔcuɛ'n su'n, be kwlaa be yoli anyia dan kpa kun likawlɛ kɛ mmla'n kannin'n sa.

Neemi 9:17

Bé nyin ɔ'a yi-man wɔ. Bé wla fili atrɛ fanunfanun nga a yili be'n. Be kpali be bɔbɔ bé su kpɛn. Be waan san be ´sa be sin Ezipt lɔ be ko yo kanga ekun. Sanngɛ ɔ liɛ'n, a ti Nyanmiɛn kun bɔ a yaci sa tɛ'n cɛ. A si aunnvuɛ, sran yo wɔ annvɔ. A fa-man ya ndɛndɛ, ɔ klun-ufue liɛ'n be kan-man, ɔ man w'a yi-man be ase.

Neemi 9:3

Be kanngannin Anannganman be Nyanmiɛn'n i mmla fluwa'n nun dɔ nsan kleli be. Kɛ ɔ ´yo sɔ'n, wuun be jin nglo, kpɛkuun be kotoli Anannganman be Nyanmiɛn'n i nyrun, be dili be sa tɛ'm nanwlɛ'm dɔ nsan ekun.

Zɔb I Nyrɛnnɛn Wunlɛ 32:16

M'an minndɛ lele bɔ be ijɔ-man kun'n, bɔ be tilɛ be lɛ-man wie be kɛn-mɛn i kun'n,

Nyanndra Mun 10:19

Sran ng'ɔ ijɔ ngboko'n, ɔ yaci-man sa tɛ yolɛ le. Sran nga kusu b'ɔ ijɔ-man plapla'n, ɔ ti ngwlɛlɛfuɛ.

Nyanndra Mun 13:3

Sran ng'ɔ si i nuan'n sie'n, wuun ɔ si i wun sasa. Sran nga kusu b'ɔ ijɔ-ɔ ɔ lɛ-man kpɛbo'n, san mlinlɛ yɛ ɔ mlin-ɔn.

Nyanndra Mun 14:17

Sran ng'ɔ fa ya ndɛndɛ'n, ɔ yo sa sinnzin su. Yɛ sran ng'ɔ bu-man akunndan kpa'n, sran'm be kpɔ i.

Nyanndra Mun 14:29

Sran ng'ɔ fa-man ya ndɛndɛ'n, ɔ ti ngwlɛlɛfuɛ. Sran ng'ɔ fa ya ndɛndɛ'n, ɔ ti sinnglinfuɛ .

Nyanndra Mun 15:18

Sran ng'ɔ fa ya ndɛndɛ'n ɔ klɔklɔ utre. Sran nga kusu bɔ i anwlɛn'n ti wɛtɛɛ'n ɔ tra utre.

Nyanndra Mun 15:2

Ndɛ ng'ɔ fin ngwlɛlɛfuɛ'm bé nuan fite'n, sran ti-ɔ ɔ yo i fɛ. Be nga be si-man ngwlɛlɛ'n, be liɛ, ng'ɔ fin bé nuan fite'n, ɔ ti sinnzin ndɛ ngunmin.

Nyanndra Mun 16:32

Sran ng'ɔ fa-man ya ndɛndɛ'n, ɔ lɛ nyrun tra safunyrɛn. Yɛ sran ng'ɔ si i wun su nian'n, ɔ tra sran ng'ɔ de klɔ dan kun kpɛkuun ɔ sie klɔ sɔ'n.

Nyanndra Mun 17:14

Kɛ be ´bo akplowa silɛ'n bo'n, ɔ ti kɛ ce wie yɛ be su bu i sa. I sɔ'n ti, kɛ ngondin'n nian tɔ-man'n, ɔ fata kɛ a cuɛn ɔ́ wun.

Nyanndra Mun 17:27

Sran nga b'ɔ si ngwlɛlɛ'n, ɔ klo-man ijɔlɛ kaka'n. Ngwlɛlɛfuɛ'n ´kan ndɛ-ɔ, ɔ bu i sin nan ɔ'a kan.

Nyanndra Mun 18:13

Sran ng'ɔ sie-mɛn i su ti-man ndɛ nan ɔ'a sɔ su'n, ɔ yi i sinnzin'n nglo, kpɛkuun ɔ guɛ i bɔbɔ nyin ase.

Nyanndra Mun 18:21

Ndɛ ng'ɔ fin e nuan fite'n, i ti yɛ e wu-ɔ, i ti yɛ e nyan nguan-an. Sran ng'ɔ kwla ijɔ'n, sɛ i ijɔlɛ'n ti sa nyɛn i'n, ɔ fata kɛ ɔ sɔ nun .

Nyanndra Mun 19:11

Sran ng'ɔ si ngwlɛlɛ'n ɔ fa-man ya ndɛndɛ. Sa nga be yo i'n, ɔ yaci cɛ, i sɔ yolɛ yɛ ɔ kunndɛ-ɔ.

Nyanndra Mun 19:19

Sran nga i ya ti tɛ ngboko'n, ɔ fata kɛ be de i like. Sɛ be yaci cɛ i'n, wuun ɔ ti i wlawlalɛ kɛ ɔ `ko yo like kunngba'n ekun.

Nyanndra Mun 21:23

Sran nga b'ɔ ´kan ndɛ-ɔ ɔ bu i sin'n, ɔ nyan-man saɛ.

Nyanndra Mun 25:28

Sran nga bɔ sɛ ya kun i-ɔ, ɔ si-mɛn i bɔbɔ wun kpata'n, i sɔ sran liɛ'n ti kɛ klɔ bɔ sɛ be fa alɛ be man i su sran mun-ɔn, be kwla-man bé ti kpli'n sa.

Nyanndra Mun 29:20

Sran ng'ɔ kan ndɛ ka nan ɔ'a bu akunndan'n, i sɔ sran liɛ'n sinnglinfuɛ'n bɔn fannin trɛ i.

Kalɛ 22:27

Kɛ aflunmun'n wunnin Anannganman i anz'n, ɔ tɔli asiɛ wun gblo Balaam i bo. Balaam fali ya dan kpa, ɔ fɛli i waka'n nan ɔ'a bo i.

Matthieu 5:22

Sanngɛ n liɛ'n, n ´kan kle amun kɛ, sran kwlaa ng'ɔ fɛ i niaan wie wun ya, be ´fɛ i kɔ jɔlɛ difuɛ'm bé ja su. Yɛ sran ng'ɔ kpɛ i niaan wie nzowa'n, be ´fɛ i kɔ jɔlɛ difuɛ dandan'm bé ja su. Sran ng'ɔ se i niaan kɛ: ‹Sinnglinfuɛ'n,› be ´fɛ i kɔ nyrɛnnɛn lika'n i sin'n nun lɔ.

Marc 12:37

David bɔbɔ flɛli i i Min. ?Sɛ ɔ ti sɔ'n, ɔ yo sɛ yɛ ɔ ti i anunman-an? Sran kpanngban sɔ'n bɔ be tie i ndɛ'n, ɔ yo be fɛ.»

Marc 2:2

ɔ man be yiali lɛ kaka lele be sɔn-man anuan'n nun lɛ bɔbɔ nan se kɛ sua lɔ. Ɔ kannin Nyanmiɛn ndɛ kleli be.

JÉSUS-CHRIST I DYASIN FE'N BO LUC KLELI'N 15:1

Le kun gua bo sika defuɛ mun nin sa tɛtɛ yofuɛ'm be kwlaa be bali Jésus wun lɛ kɛ be ´tie i ndɛ'n.

JÉSUS-CHRIST I DYASIN FE'N BO LUC KLELI'N 19:48

Sanngɛ be si-man kɛ be yo nan b'a nyɛn i-ɔ, afin sran'm be kwlaa bé su wo i nuan'n bo.

Sa nga bé yôli'n 1:15

I cɛn sɔ'n nun'n, Piɛr jaoli aniaan'm bɔ be yiali bɔ be ju bɔ ya ablaɔn kun'n be afiɛn nan ɔ'a se kɛ:

Sa nga bé yôli'n 10:33

Kpɛkuun yɛ n sunmannin sran kɛ be ko yia wɔ-ɔ, ɔ man ɔ balɛ'n yo n fɛ. I sɔ'n ti, e kwlaa e yiali Nyanmiɛn nyrun wa kɛ e ´tie ndɛ kwlaa nga e Min Nyanmiɛn'n kan kleli wɔ kɛ a kan kle ye'n.»

Sa nga bé yôli'n 13:48

Kɛ be bɔ be ti-man Zuif'n be tili i sɔ'n, be klun jɔli, be lali e Min Nyanmiɛn'n i ase i ndɛ'n ti, yɛ be kwlaa nga Nyanmiɛn fali be kɛ be nyan anannganman nguan'n, be fali su.

Sa nga bé yôli'n 17:11

Zuif sɔ'm be nzuɛn'n ti kpa tra Tɛsalonik liɛ mun, be fali Nyanmiɛn ndɛ'n su ndɛndɛ, cɛn kwlaa be fa Nyanmiɛn ndɛ nga be klɛli'n nin ndɛ nga Pɔl kan kle be'n, be sunnzun nian sɛ ɔ ti kun o.

Sa nga bé yôli'n 2:42

Be fa be su sie be bɔ Jésus sunmannin be'n be ndɛ'n su kpa, be tran aniaan tranlɛ, be di like likawlɛ, be nin Nyanmiɛn be koko yalɛ tititi.

Efɛzfuɛ Mun 4:26

Sɛ an fa ya'n, nán an yo sa tɛ. Nán an fa ya sɔ'n lele man wia'n tɔ su .

Efɛzfuɛ Mun 4:31

An `wla klunwi'n, nin anwlɛn fufu'n, nin ya falɛ'n, nin ndɛnngan'n, nin sran wun sacilɛ'n, ɔ nin sran kpɔlɛ'n be kwlaa be ase.

Kolɔsfuɛ Mun 3:15

Sɛ é wun nga Krist man ɔ jɔ ye'n ti sran'n, wuun e ´se kɛ man ɔ sie amun nin amun klun akunndan'n kwlaa, afin i sɔ'n ti yɛ Nyanmiɛn flɛli amun kɛ an `yo sran wunmuan nin-ɔn. Yɛ like kwlaa nga Nyanmiɛn yo man amun'n, nán amún wla fi.

Kolɔsfuɛ Mun 3:8

Sanngɛ siɛn'n, an `yaci sa sɔ'n kwlaa: ya falɛ, anwlɛn fufu, klunwi, sran wun sacilɛ, nin ndɛ tɛtɛ b'ɔ fin amún nuan fite'n.

1 Tɛsalonikfuɛ Mun 2:13

I sɔ'n ti, e kusu e la Nyanmiɛn ase titi, afin i ndɛ bɔ e kan kleli amun'n, an tili yɛ an fali su. Amu'an bu-mɛn i kɛ ɔ ti sran liɛ, sanngɛ an wunnin i kɛ ɔ ti Nyanmiɛn ndɛ sakpa b'ɔ kwla yo amun bɔ an lafi Krist su'n, amún wun sa ye.

Jacques 1:16

N niaan kpa mun, nán an laka amun wun.

Jacques 1:2

N niaan mun, sa fanunfanun ng'ɔ tɔ amun su'n, an `bu i amun cenjele like,

Jacques 1:26

Sɛ sran kun bu i wun kɛ ɔ su Nyanmiɛn sanngɛ ɔ sie-mɛn i nuan'n diin'n, i Nyanmiɛn sulɛ'n ti ngbɛn, ɔ su lɛkɛ i wun.

Jacques 2:1

N niaan mun, kɛ an lafi e Min Jésus-Krist b'ɔ lɛ nyrun dan'n i su'n, nán an bu sran'n wie kpa tra wie.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

Jacques 3:10

Nyanmiɛn manmanlɛ'n nin amuɛnnwua'n be fin nuan kunngba sɔ'n nun. N niaan mun, nán man ɔ yo sɔ.

Jacques 4:11

Aniaan mun, nán an kan amun wiengu wun ndɛ tɛ. Sran ng'ɔ kɛn i niaan wun ndɛ tɛ annzɛ ɔ bu i fɔ'n, wuun mmla'n yɛ ɔ kɛn i ndɛ tɛ kɛ ɔ ti sa ɔ ti sa-a. Ɔ man sɛ an se kɛ mmla'n ti sa ti sa'n, wuun amun waan ɔ ti-man kpa.

Jacques 5:12

N niaan mun, sa ng'ɔ ti cinnjin kpa'n yɛlɛ kɛ nán an flɛ nyanmiɛn'n, nin asiɛ'n, nin like wie fi be di. Sanngɛ sɛ an se kɛ «Ɛɛn'n,» man ɔ ka su, yɛ sɛ an se kɛ: «Cɛcɛ'n,» man ɔ ka su nan b'a fa-man amun a ɔ-man Nyanmiɛn ja su .

Jacques 5:19

N niaan mun, an si kɛ sɛ amun nun sran wie yaci atin kpa'n b'ɔ fa-man ndɛ nanwlɛ'n su kun'n nan sran wie kle i atin kpafuɛ'n,

1 Jean 2:21

Nán kɛ an si-man ndɛ nanwlɛ'n ti yɛ n klɛ fluwa sɔ'n m blɛ amun-ɔn, sanngɛ i silɛ bɔ an si i'n ti-ɔ, yɛ an si kɛ ato'n nin nanwlɛ'n be san-man nun.