Jacques 1:12 - NYANMIƐN NDƐ'N 1998

¹² Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

Nyanmien nde Ufle

¹² Swran nga sa to i su b'o tre i awlen'n, i lie su ti yé. Afin ke Nyanmien wun ke o tre i awlen sa so'n nun'n, oh fah nguan b'o ti liké kpa, bo i waan oh fah man bé nga bé klôé'n, men.

Jacques 1:12 ပူးပေါင်းရင်းမြစ်များ

Bo Bolɛ 22:1

Kɛ ɔ yoli sɔ'n, Nyanmiɛn sali Abraam niannin. Ɔ flɛli Abraam. Abraam tɛli i su kɛ: «M'an sro!»

Neemi 1:5

N seli i kɛ: «Ee! Anannganman, nglo lɔ Nyanmiɛn, Nyanmiɛn Kpli b'ɔ yo sro, wɔ bɔ a nin sran tra aenguɛ-ɔ, a saci-mɛn i'n, wɔ bɔ sran nga be klo wɔ'n, bɔ be fa ɔ mmla'n su'n, a nin be nanti klanman'n,

Zɔb I Nyrɛnnɛn Wunlɛ 2:10

Zɔb tɛli i su kɛ: «A kan ndɛ kɛ bla b'ɔ lɛ-man akunndan sa. ?Sɛ e nyan ye Nyanmiɛn sa nun'n, ɔ fata-man kɛ e nyan wlɛ?» I kwlaa sɔ nun'n, ndɛ tɛ kun sa ɔ'a fin-man Zɔb nuan ɔ'a fite-man.

Zɔb I Nyrɛnnɛn Wunlɛ 5:17

Sran nga Nyanmiɛn tu i fɔ'n, i liɛ su ti ye! Sɛ Nyanmiɛn b'ɔ kwla like kwlaa yo'n ɔ kle wɔ ngwlɛlɛ'n, nán bu i like finfin .

Jue Mun 11:5

Anannganman si sran kpa'n i klun akunndan'n. Sanngɛ klunwifuɛ'n, ɔ nin sran ng'ɔ fa sa tɛ yolɛ'n cici i ti'n, ɔ kpɔ i sɔfuɛ mun .

Jue Mun 119:67

Laa bɔ a nian bu-man min fɔ'n, m mlinnin. Sanngɛ siɛn liɛ'n, n ´tu n klun n fa ɔ ndɛ'n su.

Jue Mun 119:71

Kɛ a buli min fɔ'n, ɔ ti kpa man min, afin i liɛ'n, n wun ɔ klun sa'n i wlɛ.

Jue Mun 119:75

Anannganman, n wun kɛ ndɛ nga a bu be'n, be ti su. Kɛ bɔ a di nanwlɛ tititi'n ti yɛ man a tuli min fɔ-ɔ .

Jue Mun 5:11

Nyanmiɛn, bu be fɔ! Man min wun ndɛ nga be cici i lɛ'n ɔ ´kaci gua be bɔbɔ be su! Sa tɛ nga be yo'n ɔ sɔnnin ngboko, kan be bo! Afin be jaso ɔ́ wun.

Jue Mun 94:12

Ee! Anannganman, sran nga a tu i fɔ'n, i liɛ su ti ye. Sran nga a fa ɔ mmla'n kle i ngwlɛlɛ'n, i liɛ su ti ye!

Ezipt Lɔ Tulɛ'n 20:6

Sanngɛ sran nga be klo min'n, bɔ be fa min ndɛ'm bé su'n, n klo be lele n fa wlu be anunman'm be mma liɛ'm be nun lele ju be akpasua akpi su.

Nyanndra Mun 17:3

Sin yɛ be fa sa sika ɔkwlɛ'n nin jɛtɛ ufue'n be nian-an. Sanngɛ sran ng'ɔ sa sran i klun lɔ akunndan'n nian'n yɛlɛ Anannganman.

Ezai 64:4

Be nga be tu be klun be yo ɔ klun sa'n, bɔ atin nga a kle be'n i su falɛ akunndan yɛ ɔ o be klun'n, a uka be. Sɛ a fali ya'n, é sa tɛ bɔ e yoli'n i ti-ɔ. ?Sanngɛ e ´yo sɛ yɛ e ´fite nun-ɔn?

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Matthieu 10:22

Sran'm be kwlaa be wa kpɔ amun min ti, sanngɛ sran ng'ɔ trɛ i anwlɛn lele ju i awieliɛ'n, ɔ ´fite nun.

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

JÉSUS-CHRIST I DYASIN FE'N BO LUC KLELI'N 6:22

Kɛ sran'm be ´kpɔ amun, bɔ be ´kan amun bo, bɔ be ´kpɛ amun nzowa, bɔ be ´saci amun dunman m bɔ n kacili Sran'n min ti'n, amun liɛ su ti ye !

Rɔmfuɛ Mun 5:4

yɛ e anwlɛn tralɛ sɔ'n nun e yo yakpa, yɛ e yakpa sɔ'n ti yɛ e fa é wla'n gua Nyanmiɛn su-ɔ.

Rɔmfuɛ Mun 8:28

E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

1 Korɛntfuɛ Mun 2:9

Sanngɛ b'a si-mɛn i, afin ɔ ti klɛwa kɛ: «Like nga sran fi nyinma a wun-mɛn i'n, bɔ bé su a ti-man, bɔ i wun akunndan a ba-man be klun'n, like sɔ'n yɛ Nyanmiɛn yo mɛnnin i klofuɛ mun-ɔn .»

1 Korɛntfuɛ Mun 8:3

Sanngɛ sran ng'ɔ klo Nyanmiɛn'n, Nyanmiɛn si i sɔfuɛ'n.

1 Korɛntfuɛ Mun 9:25

Be kwlaa nga be si ngowa kanlɛ'n i akplowa'n, sɛ wanndilɛ o, sɛ ngondin tulɛ o, be kwlaa sɔ'n sɛ be klo kɛ be ´nyɛn i'n, be nian bé wun su kpa like'n kwlaa nun. Be yo i sɔ kunndɛ be dunman, sanngɛ dunman sɔ'n cɛ-man. Sanngɛ e liɛ'n, e yo i sɔ e kunndɛ dunman b'ɔ wie-man'n.

Mmla'n 13:3

sɛ sa ng'ɔ kannin'n ɔ ju sakpa'n, yɛ sɛ i ti i waan amun sɔ amuɛn bɔ amun si-man be laa'n nan amun su be'n,

Mmla'n 7:9

I sɔ'n ti, amun `si kɛ Anannganman amun Nyanmiɛn'n yɛ ɔ ti Nyanmiɛn nin-ɔn. Nyanmiɛn sɔ'n ɔ ti nanwlɛfuɛ, ɔ nin sran mun tra aenguɛ. Sɛ be klo i nan be fɛ i mmla'm be su'n, i kusu ɔ nian aenguɛ ng'ɔ nin be trali'n su yɛ ɔ si be aunnvuɛ lele fa wlu be anunman'm be mma liɛ'm be nun lele ju be akpasua akpi su.

Mmla'n 8:2

Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.

2 Timote 2:15

Mian ɔ́ nyin di junman kpa man Nyanmiɛn yo wɔ mo, yo junman difuɛ bɔ nyannzuɛn kun-mɛn i i junman'n ti'n, b'ɔ kan ndɛ nanwlɛ-ɔ ɔ kpɛ-mɛn i wun'n.

2 Timote 4:8

Siɛn'n, like nga be fa yo sran ng'ɔ yo kpa'n i mo'n, b'a sie i lɔ a sie min. E Min'n b'ɔ di jɔlɛ nanwlɛ nun'n yɛ ɔ ´fa man min jɔlɛ dilɛ cɛn sɔ'n nun-ɔn. Nán min ngunmin yɛ ɔ ´fa man min-ɔn, sanngɛ ɔ ´fa man be kwlaa nga bé nyin tɛ o balɛ i sin'n.

Hébreu 10:32

Laa bɔ kɛ Nyanmiɛn man an wunnin ase'n, nyrɛnnɛn dan kpa nga an wunnin i'n bɔ an jrannin kekle'n, an `bu i akunndan.

Hébreu 11:17

Nyanmiɛn su bɔ Abraam lafi'n ti yɛ kɛ ɔ kɛn i niannin'n ɔ fa Izaak mɛnnin i nin-ɔn. Sa nga Nyanmiɛn seli kɛ ɔ ´yo'n, Abraam yɛ ɔ seli i kɛ ɔ ´yo mɛn i-ɔ. Sanngɛ ɔ fɛ i wa kunngba cɛ'n mɛnnin i .

Hébreu 12:5

?Afɔtuɛ nga Nyanmiɛn mannin amun bɔ an ti i mma mun'n, amún wla a fi su? Be klɛli i kɛ: «N wa, nán bu fɔ nga e Min Nyanmiɛn'n tu wɔ'n i aɔwi, yɛ sɛ ɔ ijɔ wɔ'n, nán ɔ́ sa sin bubu wɔ.

Hébreu 6:15

Ɔ man i sɔ'n ti'n, kɛ Abraam trɛli i anwlɛn lele'n, ɔ nyannin like nga Nyanmiɛn seli kɛ ɔ ´mɛn i'n.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

Jacques 5:11

Be nga be jrannin kekle'n, e se kɛ be liɛ su ti ye. An tili Zɔb i anwlɛn b'ɔ trali'n yɛ an wunnin i agualiɛ nga e Min'n man ɔ guɛli i'n, afin sran yo e Min'n i annvɔ, yɛ ɔ si i aunnvuɛ .

1 Piɛr 3:14

Sɛ bɔ an yo sa kpa nan i sɔ'n ti an wun nyrɛnnɛn'n, amun liɛ su ti ye! Nán an sro sran mun, nán amun akunndan sanngan.

1 Piɛr 4:13

Sanngɛ kɛ an wun nyrɛnnɛn kunngba nga Krist wunnin i'n wie'n, man amun klun jɔ nan cɛn nga be ´yi i sran wafa ng'ɔ ti'n i nglo'n, amun klun a jɔ kpa.

1 Piɛr 4:14

Sɛ be kpɛ amun nzowa Krist dunman b'ɔ o amun su'n ti'n, amun liɛ su ti ye, afin Nyanmiɛn Wawɛ'n b'ɔ lɛ nyrun'n ɔ nin amun wo nun !

1 Piɛr 5:10

Kɛ an wun nyrɛnnɛn le nnyɔn kun'n, Nyanmiɛn aklunyefuɛ kpli'n, b'ɔ flɛli amun kɛ an `nyan nyrun titi'n sran wunmuan bɔ an nin Krist amu'an kaci'n ti'n, i bɔbɔ man amun ´yo sran kpa mlɔnmlɔn. Ɔ ´yo man amun ´jran kekle, ɔ ´wla amun fanngan, ɔ man amun wun su usu-man amun.

1 Piɛr 5:4

Yɛ cɛn nga Bua Tafuɛ Dan'n ba'n, ɔ ´yo amun mo, dunman nga amun ´nyɛn i'n, ɔ su wie-man mlɔnmlɔn.

1 Jean 4:19

E liɛ'n, e klo Nyanmiɛn, afin ɔ dun mmua kloli ye.

Sa nglô yile 2:10

Nán srɛ kun amun nyrɛnnɛn nga an wa wun i'n ti. An `nian, mmusu'm bé si Satan'n ɔ wa wla amun nun wie'm be bisua, ɔ ´sa amun nian. Amun ´wun nyrɛnnɛn le blu. Sɛ kunlɛ bɔbɔ yɛ be ´kun amun'n, an `tra amun anwlɛn, yɛ like nga n ´fa yo amun mo'n yɛlɛ nguan'n, ɔ ti kɛ famiɛn kle sa .

Sa nglô yile 3:19

Be kwlaa nga n klo bé sa'n, n ijɔ be, yɛ n tu be fɔ. I sɔ'n ti, an `yaci amun nyrun kouun yolɛ'n, yɛ an kaci amun nzuɛn'n .

Sa nglô yile 3:21

Sran ng'ɔ kwla'n, min nin i e ´tran m bia'n su kɛ n kwlali bɔ min nin min Si e tran i bia'n su'n sa.