Jacques 1:10 - NYANMIƐN NDƐ'N 1998

¹⁰ Yɛ anyanbeunfuɛ'n kusu, kɛ Nyanmiɛn kle i kɛ ɔ ti yalɛfuɛ'n, man ɔ fɛ i yalɛ'n di i nuan. Afin anyanbeunfuɛ'n ti kɛ waka nyrɛ sa, ɔ cɛ-man.

Nyanmien nde Ufle

¹⁰ Ye anyanbéunfue'n kusu, ke Nyanmien klé i ke o ti yalefue'n, mon o fe i yale'n di i nuan. Afin anyanbéunfue'n ti ke waka nyre sa, o tyeman.

Jacques 1:10 ပူးပေါင်းရင်းမြစ်များ

Zɔb I Nyrɛnnɛn Wunlɛ 14:2

Klɔ sran'n ɔ ti kɛ waka nnyrɛ b'ɔ kpuke'n sa. Kɛ ɔ cɛ kan'n, kpɛkuun waka nnyrɛ sɔ'n ɔ'a kpɔ ɔ'a tɔ. Klɔ sran'n ɔ sin ndɛndɛ kɛ fɔnvɔ sa, ɔ cɛ-man.

Jue Mun 102:11

Ɔ ya bɔ a fɛli i min wun b'ɔ ɔ'a fɛ-mɛn i blɛblɛ'n ti a mannin min su yili min blo mmua.

Jue Mun 103:15

Klɔ sran'n i nguan'n ɔ ti kɛ ijre sa. Ɔ ti kɛ blo lɔ ijre nnyrɛ'n b'ɔ kpuke'n sa.

Jue Mun 37:2

Afin be ti flɛkpɛɛ kɛ ijre bɔ be kpɛ'n sa. Be wu kee ndɛndɛ kɛ ijre nɔnman sa.

Jue Mun 39:6

Min nguan nyanman'n i tɛnndɛn'n ɔ ti kɛ bé sa klun'n i tɛtrɛ nun'n sa. Min nguan'n ti-man like fi ɔ nyrun. Man klɔ sran'n ɔ yo juejuejue sɛ, sanngɛ ɔ ti kɛ aunngban sa.

Ezai 40:6

Sran nɛn kun se kɛ: «Kan!» Yɛ n tɛli su kɛ: «?Nguɛ ndɛ yɛ n `kan-an?» Sran nɛn sɔ'n tɛli su kɛ: «Sran'm be kwlaa be ti kɛ ijre sa. Yɛ be nyrun nga be lɛ i'n, ɔ ti kɛ ijre'n i nyrɛ'n sa.

Ezai 40:7

Kɛ Anannganman i aunngban'n ko fita ijre'n su'n, ɔ wu, yɛ i nyrɛ'n ɔ gua. Sakpa, sran'm be ti kɛ ijre sa.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 66:2

Ninnge nga amun wun be yɛ'n, m bɔbɔ ń sa yɛ n fa yoli be kwlaa-a. N se amun kɛ yo, i kwlaa sɔ'n ti ń sa nuan like. Sanngɛ amun `nian, sran nga i ndɛ lo min'n, yɛlɛ sran nga i wla ti bowa b'ɔ kɛn i wun ase b'ɔ fa min nuan ndɛ'n su'n .

Matthieu 5:3

«Be nga be si kɛ be di Nyanmiɛn ninnge'm be yalɛ'n, be liɛ su ti ye, afin Nyanmiɛn yɛ ɔ sie be sakpa-a!

Matthieu 6:30

?Sɛ Nyanmiɛn yo ijre'n bɔ ndɛ ɔ o blo lɔ bɔ ainman be ´guɛ i sin nun'n i klanman kɛ nga sa'n, ɔ su kata-man amún wun sɔ kpɛ blu? ?An lafi-man Nyanmiɛn su?

1 Korɛntfuɛ Mun 7:31

yɛ be nga be fa mɛn'n nun ninnge'n yo bé wun sa ye'n, nán man bé nyin blo i kunndɛlɛ su ngboko, afin mɛn ng'ɔ o yɛ'n ɔ cɛ-man.

Filipfuɛ Mun 3:8

Nanwlɛ, kɛ m bu min Min Krist-Jésus i silɛ bɔ n si i'n like kpa sakpa'n ti, ɔ man m bu-man like'n wie fi like. I ti m'an yaci like'n kwlaa kɛ ɔ ´yo nan Krist a yo n like kpa nan min nin i y'a kaci sran wunmuan'n ti, yɛ m bu like'n kwlaa kɛ wla sa. Sran kpa bɔ n ti'n, ɔ fin-man m bɔbɔ min nzuɛn'n nun mmla'n i sufalɛ'n ti, sanngɛ ɔ fin Krist su bɔ n lafi'n. Sran kpa yolɛ sɔ'n fin Nyanmiɛn i su bɔ be lafi'n ti.

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.

Jacques 4:14

An si-man like ng'ɔ ´yo amun ainman'n. An ti kɛ bɔlɛ'n b'ɔ gua kaan, sanngɛ kɛ ɔ ´yo kan'n, wuun ɔ'a titi'n sa .

1 Piɛr 1:24

Afin be klɛli i Nyanmiɛn Ndɛ'n nun kɛ: «Sran'm be kwlaa be ti kɛ ijre sa, yɛ be nyrun nga be lɛ i'n ti kɛ ijre'n i nyrɛ'n sa. Ijre'n wu, yɛ i nyrɛ'n gua.

1 Jean 2:17

Mɛn'n nin i nun ninnge kwlaa bɔ sran nyin blo su'n, be ´wie, sanngɛ sran ng'ɔ yo Nyanmiɛn klun sa'n, ɔ ´ka lɛ tititi.