Ndɛ Nga Nyanmiɛn I Nuan Ijɔfuɛ Oze Kannin'n 9:8 - NYANMIƐN NDƐ'N 1998

⁸ Nyanmiɛn nuan ijɔfuɛ'n bɔ sasa Efraim'n, b'ɔ nin Nyanmiɛn yɛ be nanti'n, kan kwlaa ng'ɔ ´kɔ'n, be suɛ i wun aya kpan! Nyanmiɛn i sua'n nun kpɔlɛ'n cɛ yɛ be kpɔ i-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 9:8 ပူးပေါင်းရင်းမြစ်များ

1 Famiɛn Mun 17:1

Eli b'ɔ fin Galaad i klɔ nga be flɛ i Tisbɛ'n su'n, ɔ seli Akab kɛ: «N kan Nyanmiɛn! Anannganman b'ɔ ti Izraɛl Nyanmiɛn, bɔ n su i'n, i dunman nun n ´kan kle wɔ kɛ afuɛ nga be ´ba yɛ'n, bɔlɛ su gua-man nan se kɛ nzue yɛ ɔ tɔ-ɔ. San m'an srɛ Nyanmiɛn kɛ ɔ `tɔ, yɛ ɔ ´tɔ-ɔ .»

1 Famiɛn Mun 18:1

Kɛ ɔ yoli sɔ'n, ɔ cɛli kpa bɔ lɔun, kpɛkuun Anannganman wa kan ndɛ kleli Eli. Kɛ nzue'n jrannin'n, i afuɛ nsan su yɛ Anannganman i nuan toli Eli-ɔ. Ɔ seli i kɛ: «Kɔ, fa ɔ́ wun kle Akab, afin n su wa tɔ nzue asiɛ'n su.»

1 Famiɛn Mun 18:19

I sɔ'n ti sunman sran man be ko sese Izraɛlfuɛ'm be kwlaa kɛ e `yia Karmɛl oka'n su lɔ. Baal i nuan ijɔfuɛ ya-nnan-ablenun, ɔ nin waka nga be taka bɔ be sɔ'n i nuan ijɔfuɛ ya nnan bɔ bé nin Zezabɛl be yia be di like'n, man be bla wie.»

1 Famiɛn Mun 22:11

Be nun kun suan Sedesias, Kɛnana i wa-a. Ɔ fali blalɛ fa boli like kɛ nnɛn wɛ sa, kpɛkuun ɔ seli kɛ: «Anannganman waan: ‹A ´fa nnɛn wɛ nga ´bo Sirifuɛ mun lele a ´nunnun be.› »

1 Famiɛn Mun 22:22

I waan: ‹N ´ko yo ato wawɛ, n ´wlu famiɛn'n i wunnzue yifuɛ'm be nun, ɔ man be ´bua ato.› Yɛ Anannganman seli i kɛ: ‹Sakpa, sɛ a yo i sɔ'n, a ´nyɛn i mlɔnmlɔnmlɔn. Kɔ nan yo i sɔ.›

1 Famiɛn Mun 22:28

Yɛ Mise waan: «Sɛ a sa ɔ́ sin ba juejuejue'n, wuun nán Anannganman yɛ ɔ fa ndɛ wlali mín nuan yɛ n kannin-ɔn.»

1 Famiɛn Mun 22:6

Izraɛl famiɛn'n yiali i wunnzue yifuɛ ko ju ya nnan mun. Ɔ usali be kɛ: «?N wɔ Galaad mɛn'n nun lɔ n ko kun alɛ Ramɔt lɔ annzɛ nán n wɔ?» Be tɛli i su kɛ: «Kɔ! Anannganman ´fa Ramɔt klɔ'n man wɔ!»

2 Famiɛn Mun 13:21

Le kun sran wie'm be ɔli fuɛn sielɛ. Be ´nian-an, Moabfuɛ wie mun yɛ be ´ba yɛ. Be toli fuɛn'n yili i Elize i asieliɛ'n nun, fuɛn'n ko kannin Elize i owie'n, kpɛkuun ɔ'a cɛn. Ɔ jaso jrannin.

2 Famiɛn Mun 2:14

Yɛ ɔ fali Eli i tralɛ ng'ɔ yili i ase'n finnin nzue'n su. I waan: «?Anannganman b'ɔ ti Eli i Nyanmiɛn'n wo nin?» Kɛ ɔ fali tralɛ'n finnin nzue'n su'n, kpɛkuun nzue'n nun kpacili bue nnyɔn wie, bue kun o wa, bue kun o wa. Yɛ Elize sinnin-ɔn.

2 Famiɛn Mun 2:21

Elize ɔli kan nzue'n i ti'n wo lɛ'n. Ɔ fali njin'n guɛli i nzue'n nun, nan ɔ'a se kɛ: «Anannganman waan: ‹M'an yo nzue nga kpa. Siɛn'n, ɔ su kun-man sran fi annzɛ nnɛn fi kun, yɛ ɔ su tannin-man asiɛ'n kɛ nán ɔ yo ninnge'm be ye kun.› »

2 Famiɛn Mun 4:41

Yɛ Elize waan: «Amun `blɛ min ble sanmlɛn.» Be fa blɛli i. Yɛ ɔ fali wie guɛli i tro'n nun-ɔn. Ɔ seli i sufuɛ'n kɛ: «Sasa tro'n man be man be nɔn.» Like tɛ ng'ɔ o sɛ'n nun'n, bɔ i ti yɛ be di-ɔ, ɔ di-man'n, ɔ tuli nun.

2 Famiɛn Mun 4:43

I sufuɛ'n usɛli i kɛ: «?Like kɛ nga sa'n, n ´yo sɛ yɛ n ´cɛcɛ nun m ´man sran ya b'ɔ ´yo ye-ɔ?» Elize waan: «Cɛcɛ nun fa man be kwlaa man be di, afin Anannganman waan be wa di yɛ i wie ´ka.»

2 Famiɛn Mun 5:14

Naaman ɔli Zurdɛn'n su lɔ, ɔ jrali nun kpɛ nso ɔ wunnzinnin kɛ Nyanmiɛn i nuan ijɔfuɛ'n seli i kɛ ɔ yo'n sa. Yɛ i wunnɛn'n yoli weiin, ɔ kacili kɛ bakan wunnɛn sa .

2 Famiɛn Mun 5:27

Nian, Naaman i kokowe'n, ɔ ´yo wɔ nin wɔ osu'n nunfuɛ mun, yɛ ɔ ´ka amún wun sɔ tititi.» Yɛ Geazi fiteli-ɔ. Kɛ ɔ fɛ i Elize wun lɛ b'ɔ ´kɔ'n, kokowe'n ɔ'a yo i. I wunnɛn'n yoli ufue fuaii.

2 Famiɛn Mun 7:19

Yɛ sonja'n tɛli Nyanmiɛn sran'n su kɛ: «?Kannzɛ Anannganman kpɛ toklo nyanmiɛn'n su lɔ bɔbɔ'n, i sɔ like'n kwla yo?» Elize kusu tɛli i su kɛ: «Ɔ nyinma'n ɔ ´wun i, sanngɛ ɔ́ nuan su kɛn-mɛn i.»

2 Famiɛn Mun 7:2

Famiɛn'n i sonja'm bé su kpɛn ng'ɔ mantan famiɛn'n kpa'n, b'ɔ famiɛn'n kisɛ i sa su'n, tɛli Nyanmiɛn i sran'n su kɛ: «?Kannzɛ Anannganman kpɛ toklo nyanmiɛn su lɔ bɔbɔ'n, i sɔ like'n kwla yo?» Yɛ Elize seli i kɛ: «Ɔ nyinma'n ´wun i, sanngɛ ɔ́ nuan su kɛn-mɛn i.»

Jue Mun 124:7

E yoli kɛ anunman bɔ b'a to i wun tɛ b'a trɛ kpɛkuun ɔ'a fin tɛ sɔ'n nun ɔ'a fite'n sa. Tɛ'n tili, kpɛkuun yɛ e nyannin e ti-ɔ.

Akunndanfuɛ'n 9:12

Kɛ kpatra'n b'ɔ ´wun i wun-ɔn, lala ɔ'a trɛ i'n, annzɛ anunman'n b'ɔ ´wun i wun-ɔn, aya ɔ'a trɛ i'n, kɛ klɔ sran'n kusu ɔ ti sɔ-ɔ, ɔ si-man cɛn nga nyrɛnnɛn'n ɔ wa tɔ i su-ɔ. Blɛ wie'n, sran'n sunnzun-man kɛ sa su wa nyɛn i, kpɛkuun sa wie ɔ'a tɔ i su ɔ'a blɛblɛ i wun.

Ngɔjue Fɛfɛ Kpa'n 3:3

E nin klɔ'n su nianfuɛ nga be wlan klɔ'n nun'n e yiali, n usali be kɛ: «?Amun wunnin n sran bɔ n klo i'n?»

Ezai 62:6

Zerizalɛm, n fali be bɔ be kpla klɔ'n be wie sieli ɔ talɛ'n su. Kɔnguɛ nin wia su be su muan-man bé nuan. Amun nga amun yo bɔ Anannganman i wla kpɛn Zerizalɛm su'n, nán amun de wunmiɛn.

Zeremi 11:19

Laa n ti kɛ bua nga ɔ'a kpɛ cro wie bɔ be ´fɛ i kɔ i kunlɛ-ɔ ɔ kpli-man'n sa. Min wun akunndan tɛtɛ wla nga be ´bu'n, n si-man nun. Be ko se kɛ: «E `kun waka'n nin i mma mun, man be jaso lɛ. Nán be bo be ndɛ su di jɔlɛ kun.»

Zeremi 14:13

Yɛ n tɛli su kɛ: «Ee! Anannganman Nyanmiɛn kpli, Nyanmiɛn nuan ijɔfuɛ'm be seli be kɛ: ‹Alɛ su tɔ-man amun su. Awe su kpɛn-man amun su. Nyanmiɛn'n ´yo man amun ´nyan fɔundi dan lika nga nun wa.› »

Zeremi 23:13

«Like nga Samari lɔ be nga be tɔn be wun suɛn kɛ be ti min nuan ijɔfuɛ'n be yoli bɔ n wunnin i'n, n waan m'an wun wie ngboko. Baal nuan yɛ be ijɔ be mlin Izraɛlfuɛ bɔ be ti min sran mun-ɔn,

Zeremi 31:6

Cɛn wie lele gladi difuɛ'm be ´jran Efraim oka'm be su be ´kpan kɛ: ‹An `jaso man e wɔ Siɔn. E wɔ Anannganman e Nyanmiɛn'n i wun.› »

Zeremi 6:14

Be ´fua min nvlefuɛ'm bé kannin nin-ɔn, be fa yo ngowa. Be waan sa fi su ju-man. Be waan lika'n ti fɔun, kusu wuun lika'n ti-man fɔun.

Zeremi 6:17

N sieli sasafuɛ mun klɔ'n su kɛ be `se be kɛ: «An `sie amún su, awɛ'n tɛ.» Sanngɛ be waan: «E sie-man é su.»

Ngwlɛ Yilɛ 2:14

Ɔ Nyanmiɛn nuan ijɔfuɛ'm be ndɛ nga be kan kleli wɔ'n, ɔ ti finfin ndɛ, ɔ ti ato. B'a kan-man sa tɛ nga a yoli'n b'a kle-man wɔ weiin nan kanga kɔlɛ'n ɔ'a to ɔ'a fuan wɔ-ɔ. Sa nga be waan be wunnin i ɔ́ wun'n, bɔ be kan kleli wɔ'n, ɔ ti ato ngunmin, nán ndɛ kpa yɛ be kannin-ɔn.

Ngwlɛ Yilɛ 4:13

Sa yalɛ'n b'ɔ juli'n, ɔ fin Nyanmiɛn i nuan ijɔfuɛ'm bé sa tɛtɛ'n nin Nyanmiɛn i nyrun jranfuɛ'm be aeliɛ tɛtɛ'n. Afin sran nga be ti sran kpa mun'n, Nyanmiɛn i sran sɔ'm be trali be klɔ'n nun be kunnin be.

Ezekiɛl 3:17

«Klɔ sran, n ´fa wɔ n sie Izraɛl nvle'n su kɛ gladi difuɛ sa. Tie ndɛ nga n kan kle wɔ'n, bo su kle Izraɛlfuɛ mun .

Ezekiɛl 33:7

Klɔ sran, wɔ yɛ n sieli wɔ kɛ gladi difuɛ sa Izraɛlfuɛ'm be jɔ bolɛ'n ti. Sie ɔ́ su nan tie min ndɛ nan bo sa nga be wa ju'n be jɔ kle Izraɛlfuɛ mun.

Ndɛ Nga Nyanmiɛn I Nuan Ijɔfuɛ Oze Kannin'n 5:1

«Nyanmiɛn nyrun jranfuɛ mun, amun `sie amún su be `tie ndɛ nga kpa! Izraɛlfuɛ mun, amun `sie amún su kpa! Famiɛn i awlofuɛ mun, an `sie amún su! Ndɛ nga ti amun liɛ, yɛlɛ kɛ Mizpa lɔ'n, amun kacili kɛ aya sa min sran'm bé bo, amun kacili kɛ tɛ bɔ b'a guɛ i Tabɔr oka'n su'n sa.

Ndɛ Nga Nyanmiɛn I Nuan Ijɔfuɛ Oze Kannin'n 9:7

Amun fɔ tulɛ nga Anannganman'n kɛnnin i ndɛ'n, i blɛ'n ɔ'a wie ju. Yɛ amun kalɛ tualɛ blɛ'n kusu ɔ'a wie ju. I sɔ blɛ nun'n, Izraɛl wa si kɛ sa ti-ɔ. An ko se kɛ: «Nyanmiɛn nuan ijɔfuɛ'n ɔ'a bo fia, sran sɔ'n b'ɔ nin Nyanmiɛn be ijɔ'n i ti ɔ'a saci.» Sɛ ɔ bo fia'n, ɔ fin amun sa tɛtɛ beblebe'n, ɔ fin abɔlɛ kpɔlɛ nga amun kpɔ i'n .

Ndɛ Nga Nyanmiɛn I Nuan Ijɔfuɛ Oze Kannin'n 9:9

An yoli sa tɛtɛ'n lele ɔ'a bobo su kɛ Gibea blɛ su'n sa, i sɔ sa tɛ liɛ'n, Anannganman'n su bu-man nnya gua-man su, ɔ ´tu amun fɔ sa tɛ sɔ'm be ti .

Mise 7:4

Be nun kun ng'ɔ flunman kan'n, i like b'ɔ fɛ i'n yɛlɛ ako owie. Be nun nanwlɛfuɛ'n i gblɛ'n i tɛ'n tra agualɛ. Amun fɔ tulɛ cɛn nga amun klɔ sasafuɛ'm be kɛnnin i ndɛ'n kusu yɛ ɔ ´ba lɛ. Nanwlɛ, kɛ e ´se yɛ'n, amun klun titi amun.

Jean 15:24

Sɛ m'an yo-man like nga sran fi nian yo-mɛn i le be nyrun b'a wun-mɛn i'n, wuun be su bu-man bé sa tɛ yofuɛ. Sanngɛ kɛ n wa yoli bɔ be wunnin i'n ti'n, be kpɔ min nin n Si.

Rɔmfuɛ Mun 3:7

?Sanngɛ sɛ min ato'n man be wun i weiin kpa kɛ Nyanmiɛn di nanwlɛ b'ɔ i nun ɔ nyan dunman'n, ɔ yo sɛ ti yɛ be tɛ bu min sa tɛ yofuɛ-ɔ?

Hébreu 13:17

Man amún nyin yi amun kpɛnngbɛn mun, an `bu be sran. Be nian amún su titi, afin be wa kan be junman'n i su ndɛ kle Nyanmiɛn. An `yo sa nga b'ɔ man be klun ´jɔ be junman'n su'n. Sɛ amu'an yo-mɛn i sɔ bɔ be oto'n, ɔ man be su kwla uka-man amun.