Ndɛ Nga Nyanmiɛn I Nuan Ijɔfuɛ Oze Kannin'n 9:7 - NYANMIƐN NDƐ'N 1998

⁷ Amun fɔ tulɛ nga Anannganman'n kɛnnin i ndɛ'n, i blɛ'n ɔ'a wie ju. Yɛ amun kalɛ tualɛ blɛ'n kusu ɔ'a wie ju. I sɔ blɛ nun'n, Izraɛl wa si kɛ sa ti-ɔ. An ko se kɛ: «Nyanmiɛn nuan ijɔfuɛ'n ɔ'a bo fia, sran sɔ'n b'ɔ nin Nyanmiɛn be ijɔ'n i ti ɔ'a saci.» Sɛ ɔ bo fia'n, ɔ fin amun sa tɛtɛ beblebe'n, ɔ fin abɔlɛ kpɔlɛ nga amun kpɔ i'n .

Ndɛ Nga Nyanmiɛn I Nuan Ijɔfuɛ Oze Kannin'n 9:7 ပူးပေါင်းရင်းမြစ်များ

2 Famiɛn Mun 9:11

Zei fiteli ɔ ko toli sonja su kpɛn kun nga'm be lɔ. Yɛ be usɛli i kɛ: «?Nguɛ sa-a? ?Fiaunfuɛ sɔ'n i waan nzɛ ti yɛ ɔ ba ɔ́ wun wunlɛ-ɔ?» Ɔ tɛli be su kɛ: «Amun si sran sɔ'n i wafa'n, yɛ amun si i nuan nun ndɛ'n.»

Ezai 10:3

?Fɔ bulɛ cɛn nun'n, nin nyrɛnnɛn ng'ɔ fin mmua ba'n i cɛn nun'n, amun ´yo i sɛ? ?Wan yɛ amun ´wanndi ko talo i-ɔ? ?Yɛ nin yɛ amun ´yaci amun anyanbeun ninnge mun-ɔn?

Ezai 26:11

Anannganman, a man ɔ́ sa'n su nglo fa wlanwlan be, sanngɛ be wun-mɛn i. Be ´wun klolɛ nga a fa klo ɔ nvle'n nunfuɛ mun'n, yɛ nyannzuɛn ´kun be. Yɛ sin ɔ ´yra ɔ kpɔfuɛ mun.

Ezai 34:8

Cɛn sɔ'n, ɔ ti Anannganman'n i klunngbɔ tulɛ cɛn. Afuɛ sɔ'n ɔ ti Siɔnfuɛ'm be ti ngondin tulɛ afuɛ.

Ezai 44:25

Ato nzɔliɛ nga be kan be ndɛ'n min yɛ man be kpɛ be bo-ɔ. Min yɛ n yo man wunnzue yifuɛ'm be kan ndɛ finfin mun nin-ɔn. N ´yo man ngwlɛlɛfuɛ'm be ´cuɛn kɔ siɛn, yɛ bé sa nga be si i'n, ɔ ´kaci sinnzin like .

Zeremi 10:15

Be ti ninnge finfin, be nin finfin yolɛ fata. Cɛn nga Anannganman'n ´tu be fɔ'n, be ´wie nunnun.

Zeremi 11:23

Nyrɛnnɛn nga n wa fa yi i Anatɔtfuɛ'm be su'n, be nun kun sa su fite-man nun.»

Zeremi 16:18

N ´dun mmua m ´man bé sa tɛ'n i akatua sɔ fa nnyɔn min mɛn bɔ be yoli i fiɛn'n ti, ɔ nin be tete like bɔ be lɛ-man nguan bɔ be fa bali min lika'n nun'n ti.»

Zeremi 23:13

«Like nga Samari lɔ be nga be tɔn be wun suɛn kɛ be ti min nuan ijɔfuɛ'n be yoli bɔ n wunnin i'n, n waan m'an wun wie ngboko. Baal nuan yɛ be ijɔ be mlin Izraɛlfuɛ bɔ be ti min sran mun-ɔn,

Zeremi 25:14

Babilɔnifuɛ'm be bɔbɔ be wa su nvle wie mun bɔ be lɛ wunmiɛn kpa'n, be ´su famiɛn dandan kpa mun. Sa nga be yoli'n, n ´nian su n ´yo be wie.› »

Zeremi 29:26

«Sofoni, Anannganman'n fali wɔ sieli i Zɛozada osu kɛ a `yo Nyanmiɛn nyrun jranfuɛ kɛ ɔ ko yo nan w'a nian Nyanmiɛn i sua'n su, nan sran nga be ijɔ finfin'n bɔ be blɔ bé wun kɛ be ti Nyanmiɛn nuan ijɔfuɛ'n, w'a ci be kwlaa nin jrɔkɔ, nan w'a wla be kɔmin kaa'n ti.

Zeremi 46:21

Sonja nga Eziptfuɛ'm be fali be bɔ be tannin be kalɛ'n, be nian-man be lika ngɔwi. Sanngɛ b'a ju-man nun, be kacili bé ja sin wie. Ɔ lɛ-man be nun kun. Cɛn kekle nun'n, kɛ e nin be e yiali nun'n, be jrannin min nyrun-ɔn ɔ'a yo-man ye.

Zeremi 6:14

Be ´fua min nvlefuɛ'm bé kannin nin-ɔn, be fa yo ngowa. Be waan sa fi su ju-man. Be waan lika'n ti fɔun, kusu wuun lika'n ti-man fɔun.

Zeremi 8:11

Be fa min nvlefuɛ'm bé kannin'n i fualɛ'n fa yo ngowa. Be waan: ‹Sa fi su ju-man. Lika'n ti fɔun.› Kusu wuun lika'n ti-man fɔun.

Ngwlɛ Yilɛ 2:14

Ɔ Nyanmiɛn nuan ijɔfuɛ'm be ndɛ nga be kan kleli wɔ'n, ɔ ti finfin ndɛ, ɔ ti ato. B'a kan-man sa tɛ nga a yoli'n b'a kle-man wɔ weiin nan kanga kɔlɛ'n ɔ'a to ɔ'a fuan wɔ-ɔ. Sa nga be waan be wunnin i ɔ́ wun'n, bɔ be kan kleli wɔ'n, ɔ ti ato ngunmin, nán ndɛ kpa yɛ be kannin-ɔn.

Ezekiɛl 13:10

Be nga be tɔn be wun suɛn kɛ be ti min nuan ijɔfuɛ'n be laka min sran mun, be se be kɛ: ‹Aunjuɛ'n su ba!› Kusu wuun aunjuɛ nun-man lɛ. Min nvle'n i nun sran'm b'a kplan talɛ kun, kpɛkuun be nga be tɔn be wun suɛn sɔ'm be liɛ nga be si i'n yɛlɛ i ayre kanlɛ'n bɔ ngunmin cɛ.

Ezekiɛl 13:3

Anannganman Nyanmiɛn wan yoo: Be nga be tɔn be wun suɛn kɛ be ti min nuan ijɔfuɛ bɔ be ti sinnglinfuɛ nga be bɔbɔ be kpɛ be klun be kan sa mun, kpɛkuun be yo kɛ b'a wun aolia nun like sa'n, be yako.

Ezekiɛl 25:17

Min klunngbɔ nga n wa tu'n ɔ nin sa nga n wa fa wla be nun'n, be su yo-man blɛblɛ. Blɛ bɔ n ko yo be sa kekle sɔ'n ko wie'n, be wa si jrɛiin kɛ min yɛ n ti Anannganman nin-ɔn.› »

Ezekiɛl 38:23

N wa yi min dan bɔ n ti nin min nzuɛn b'ɔ nin klɔ sran liɛ ti-man kun'n be nglo. N ´yi mín wun nglo nvle kpanngban be nyrun, yɛ be wa si jrɛiin kɛ min yɛ n ti Anannganman nin-ɔn.»

Ezekiɛl 9:10

Min kusu n su wun-man be aunnvuɛ, n su yo-man be blɛblɛ. Bé sa nga be yoli'n, n ´yo nan be fɛ i nuan afɛ'n.› »

Ndɛ Nga Nyanmiɛn I Nuan Ijɔfuɛ Oze Kannin'n 14:1

Samarifuɛ'm be jasoli be Nyanmiɛn'n i wun, be wa fɛ i su afɛ'n. Alɛ'n wa di be, be ´wie be mma'm be nunkun, be ´kpaci be yi'm bɔ be ti wunnzɛfuɛ'm be klun nun.

Ndɛ Nga Nyanmiɛn I Nuan Ijɔfuɛ Oze Kannin'n 5:9

Fɔ tulɛ cɛn'n nun, Efraim mɛn'n ´bo. Ndɛ nga n su kan kle Izraɛl akpasua mun yɛ'n, ɔ ´ju sakpa.

Ndɛ Nga Nyanmiɛn I Nuan Ijɔfuɛ Oze Kannin'n 8:13

Nnɛn dilɛ klolɛ ti kɛ be jin min sɔlɛ'n su sa. Sanngɛ i sɔ tɛ nga be ´yi i lɛ'n, ɔ ti min nyrun sɔ saa. Nán kɛ ń wla wa fi bé sa tɛ sɔ nin-ɔn. N ´tu be fɔ. Be wa sa be sin Ezipt lɔ ekun.

Ndɛ Nga Nyanmiɛn I Nuan Ijɔfuɛ Oze Kannin'n 9:8

Nyanmiɛn nuan ijɔfuɛ'n bɔ sasa Efraim'n, b'ɔ nin Nyanmiɛn yɛ be nanti'n, kan kwlaa ng'ɔ ´kɔ'n, be suɛ i wun aya kpan! Nyanmiɛn i sua'n nun kpɔlɛ'n cɛ yɛ be kpɔ i-ɔ.

Amɔs 8:2

Ɔ usali min kɛ: «?Amɔs, nguɛ yɛ a wun i-ɔ?» Yɛ n tɛli su kɛ: «N wun waka mma blowa gbogbo kun.» Kpɛkuun Anannganman'n seli min kɛ: «Min nvle Izraɛl ɔ'a blo kɛ ɔ `ti tɔ sa. Sa nga i nunfuɛ'm be yo'n, n su yaci-man wie fi cɛ-man be kun.»

Mise 2:11

Sɛ sran wie kpɛ i ti nun se kɛ: «Nyanmiɛn waan: ‹Amun ´nyan nzan nin nzan kekleekle mun'n,› i sɔ sran finfinfuɛ liɛ'n yɛ an bu i Nyanmiɛn nuan ijɔfuɛ-ɔ .»

Mise 7:4

Be nun kun ng'ɔ flunman kan'n, i like b'ɔ fɛ i'n yɛlɛ ako owie. Be nun nanwlɛfuɛ'n i gblɛ'n i tɛ'n tra agualɛ. Amun fɔ tulɛ cɛn nga amun klɔ sasafuɛ'm be kɛnnin i ndɛ'n kusu yɛ ɔ ´ba lɛ. Nanwlɛ, kɛ e ´se yɛ'n, amun klun titi amun.

Sofoni 3:4

I su Nyanmiɛn nuan ijɔfuɛ mun'n, be kwla lafi-man bé su fa-man like wla-man be sa nun kɛ be `yo, be yo-man like nga be kle be'n. I su Nyanmiɛn nyrun jranfuɛ'm be yo Nyanmiɛn i ninnge'm be finfin. Be fa-man mmla'n su .

Marc 3:21

Kɛ Jésus i osufuɛ'm be tili i sɔ'n, be bɛli i falɛ, afin be waan: «I ti a saci.»

JÉSUS-CHRIST I DYASIN FE'N BO LUC KLELI'N 21:22

Kɛ ɔ ´yo nan ndɛ nga be klɛli'n i kwlaa ɔ'a kpɛn su'n, blɛ sɔ'n nun'n, Nyanmiɛn wa tu sran'm be fɔ dan kpa .

2 Korɛntfuɛ Mun 5:13

Sɛ e fa sran bɔ b'a nɔn blɔlɔ nzan'n, Nyanmiɛn ti yɛ e ti sɔ-ɔ, sanngɛ sɛ e ti sran nyin klouunfuɛ'n, amun ti yɛ e ti sɔ-ɔ.

Sa nglô yile 16:19

Klɔ dan'n bubuli nun nsan. Yɛ mɛnmɛn'm be kwlaa be nun klɔ'm be sacili. Nyanmiɛn wla a fi-man Babilɔni klɔ dan'n su, ɔ man ɔ nɔnnin nzan b'ɔ o i klowa'n nun'n kɛ sran sa. Nzan sɔ'n yɛlɛ i ya dan'n.