Ndɛ Nga Nyanmiɛn I Nuan Ijɔfuɛ Oze Kannin'n 9:6 - NYANMIƐN NDƐ'N 1998

⁶ Kɛ amun mɛn'n ko saci bɔ an ´jaso nun kɔ'n, Eziptfuɛ'm be ´sɔ amun nun li bɔ cɛ, sanngɛ Mɔf klɔ'n yɛ ɔ ´yo amun asieliɛ-ɔ. Amun sika'n ɔ ´ka ijre afiɛn. Owie yɛ ɔ wa fu amun sua'm be nun-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 9:6 ပူးပေါင်းရင်းမြစ်များ

2 Famiɛn Mun 13:7

Sran nga be kali Zɔakaz sa nun'n be ti sonja akpi blu (10.000), be nanti bé ja, yɛ nnɛn kpanngɔ fufuɛ ablenun. Like ng'ɔ yacili i bé sa nun ekun'n yɛlɛ kakaklolo blu. Siri famiɛn'n nunkunnin be nga'm be ngba. Be flɛ kɛ ɔ nantili be su, be yoli kɛ ndutre sa.

Jue Mun 107:34

Ɔ fa mɛn bɔ i asiɛ'n ɔ ti kpa'n ɔ kaci njin lika , i nunfuɛ'm be wlɛ'n ti.

Nyanndra Mun 24:31

N ´nian-an, yaokanndrɔwa nin ijre tɛtɛ mun b'a de i fie wunmuan'n. Ɔ lɛ-man i lika kun. Jasa ng'ɔ sili'n kusu ɔ'a bu.

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 19:13

Zɔan lɔ famiɛn i awlo lɔ sran dandan'm b'a kaci sinnglinfuɛ mun, Nɔf lɔ wlengbi'm be su laka bé wun. Akpasua sɔ'm be su kpɛnngbɛn'm be su mlin Ezipt mɛn'n.

Ezai 27:12

I cɛn sɔ nun'n, waka nga be o nzue dan'n i nuan lele fa ju Ezipt nzue ba'n i nuan'n, Anannganman ´keje waka sɔ mun sa uya-uya-uya. Yɛ amun Izraɛlfuɛ mun, ɔ ´isa amun kunngunngun.

Ezai 32:13

Min nvle'n nunfuɛ'm be asiɛ'n, ndre tɛ'n yɛ ɔ'a fu nun siɛn nin-ɔn, yɛ owie-owie'm b'a fifi nun. Klɔ'n bɔ be si able su'n, ndre tɛ sɔ'n ɔ'a fu nun wie, yɛ owie sɔ'm b'a fifi nun wie.

Ezai 34:13

Famiɛn'm bé sua'm be wa kaci susrɛ. Flɔn nin owie-owie'm be ´fifi fiawlɛ sua'm be nun. Nsoso mun yɛ be ´tran sua sɔ'm be nun-ɔn, klɔnsoklo mun yɛ be ´la lɛ-ɔ.

Ezai 5:6

N ´saci i, be su kpɛkpɛ-man vinyi'n su kun, be su tutu-man fie'n nun kun. Flɔn nin owie'm be ´fifi nun, yɛ n ´se nzue ng'ɔ mlan'n kɛ nán ɔ tɔ su.

Ezai 7:23

Blɛ sɔ nun'n, vinyi fie bɔ i su vinyi ja'n ti akpi'n, bɔ bé gua kwla ju jɛtɛ ufue akpi'n, be ´ka owie-owie nin flɔn'm be nun.

Zeremi 2:16

Mɛnfisfuɛ mun nin Tapanɛsfuɛ mun bɔbɔ b'a kpu Izraɛlfuɛ'm bé ti'm be su.

Zeremi 42:22

I sɔ'n ti, man amun `si weiin kpa kɛ mɛn nga amu'an wu i ti kɛ amun ´ko fia nun lɔ'n, sɛ alɛ ɔ'a di-man amun'n, awe'n ´kun amun. Sɛ awe ɔ'a kun-man amun'n, tukpacɛ b'ɔ sa ndɛndɛ'n ´kun amun lɔ.»

Zeremi 44:1

Anannganman fali ndɛ kun wlali Zeremi nuan kɛ ɔ kan kle Zuif nga be ɔli Ezipt bɔ be tran Migdɔl nin Tapanɛs, nin Nɔf, ɔ nin Patrɔs nvle nun lɔ'n. I waan Zeremi `kan kle be kɛ:

Zeremi 44:12

Zida nvle'n nun sran onga kan bɔ be kali lɛ bɔ be waan be wu be bla nan san Ezipt yɛ be ´wanndi kɔ'n nan be ´kɔ tran lɔ'n, n ´fa be, be kwlaa be ´wu. Be ´wu Ezipt asiɛ'n su. Sɛ nán alɛ'n yɛ ɔ di be'n, awe'n yɛ ɔ ´kun be-ɔ. Ɔ lɛ-man be nun kun, be kwlaa'n be ´wu kpan. Sɛ sran wie waan ɔ su bo sannzan, sɛ sran wie waan ɔ ´kan sa sroesroe wie ndɛ'n, annzɛ sɛ ɔ su kan like wie b'ɔ lɛ-man nyrun annzɛ b'ɔ yo nyannzuɛn'n i ndɛ'n, amun dunman yɛ ɔ ´bo-ɔ.

Zeremi 44:13

Be bɔ be wanndi bali Ezipt'n, sa nga n fa wlali Zerizalɛmfuɛ'm be nun'n, i kunngba'n yɛ n ´fa wla be nun-ɔn. Alɛ, nin awe, annzɛ kusu tukpacɛ b'ɔ sa ndɛndɛ'n wie yɛ n ´fa yi be su-ɔ.

Zeremi 46:14

«Be `bo jasin yɛ'n Ezipt mɛn'n nun lɔ. Be `bo i jɔ Migdɔl lɔ. Be `bo i jɔ Nɔf nin Tapanɛs lɔ. Be `se be kɛ: ‹Alɛ'n ɔ'a di amun mantanfuɛ mun, i ti an `ko jranjran. An `siesie amun wun.›

Zeremi 46:19

Ɔ man i ti Eziptfuɛ mun, an `wla amun kanga trɔ mun, afin be su wa tra amun kɔ. Nɔf klɔ'n ɔ wa tɔ srolo, be ´wɔ nun, sran kun sa su tran-man su kun.

Ezekiɛl 30:13

Anannganman Nyanmiɛn wan yoo: ‹N ´yo man amuɛn'm be kwlaa be mlin. N ´yiyi Nɔf lɔ amuɛn mun. Be su nyan-man famiɛn Ezipt lɔ kun, yɛ n wa yo man srɛ wa kun sran mun Ezipt mɛn'n nun.

Ezekiɛl 30:16

N ´fa sin n ´yi Ezipt mɛn'n nun, Sin klɔ'n ɔ wa keje, No asiɛ'n i nun wa kpaci kpla, yɛ Nɔf i kpɔfuɛ'm be wa utu i wia klengle kpa'n nun.

Ndɛ Nga Nyanmiɛn I Nuan Ijɔfuɛ Oze Kannin'n 10:8

Bɛt-Avɛn lɔ amuɛn bo nga Izraɛlfuɛ'm be yo be sa tɛtɛ nun'n, be kwlaa be ´saci. Ijre tɛtɛ mun nin owie'm b'a di sraka yiwlɛ bɔ be o kpɔlɛ lika'm be su mun. I sɔ blɛ liɛ nun'n, be wa se kɛ: «Oka mun ee! An `kata e su o! Kpɔlɛ mun ee! An `tɔ e su o !»

Ndɛ Nga Nyanmiɛn I Nuan Ijɔfuɛ Oze Kannin'n 11:11

Wie'm be ´fin Ezipt yɛ be ´ba-a. Be ´lɔngɔ su be ´ba kɛ anunman mun sa, be ´fin Asiri be lɔngɔ su be ´ba kɛ auble mun sa. «Be ba-a, n ´fa be n ´kɔ be tranwlɛ'm be nun.» Anannganman'n yɛ ɔ kan i sɔ ndɛ nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 2:6

Kpɛkuun n su bua-man i mma'm be ndɛ nun, afin be ti gua su ba.

Ndɛ Nga Nyanmiɛn I Nuan Ijɔfuɛ Oze Kannin'n 7:11

Efraimfuɛ'm be ti kɛ auble wie mun bɔ be si-man ngwlɛlɛ bɔ akunndan nun-man bé ti nun'n sa. Be kpan flɛli Eziptfuɛ mun, kpɛkuun b'a sin b'a ɔ Asiri.

Ndɛ Nga Nyanmiɛn I Nuan Ijɔfuɛ Oze Kannin'n 7:13

Efraimfuɛ'm be yako! Nian, be su wanndi min. Nyrɛnnɛn nga be wa wun i'n ti beblebe ngbɛn, afin bé nyin ɔ'a yi-man min. Blɛ nga min waan n ´de be'n, kpɛkuun be tɔnnin min suɛn.

Ndɛ Nga Nyanmiɛn I Nuan Ijɔfuɛ Oze Kannin'n 7:16

Ɔ lɛ be sran nga be sa bé sin be bɛ i sin'n, nán min-ɔn. Be ti kɛ ta b'ɔ ti-man kpa'n sa. Bé famiɛn i awlo lɔ sran dandan mun bé nuan nun ndɛ dandan'n ti be ´wu alɛ'n nun, ɔ man be ´fa be kpɛ flɛn Ezipt lɔ.»

Ndɛ Nga Nyanmiɛn I Nuan Ijɔfuɛ Oze Kannin'n 8:13

Nnɛn dilɛ klolɛ ti kɛ be jin min sɔlɛ'n su sa. Sanngɛ i sɔ tɛ nga be ´yi i lɛ'n, ɔ ti min nyrun sɔ saa. Nán kɛ ń wla wa fi bé sa tɛ sɔ nin-ɔn. N ´tu be fɔ. Be wa sa be sin Ezipt lɔ ekun.

Ndɛ Nga Nyanmiɛn I Nuan Ijɔfuɛ Oze Kannin'n 9:3

Efraimfuɛ mun, amun su kwla ka-man Anannganman'n i mɛn'n nun. Amun ´sa be sin Ezipt lɔ, yɛ amun ko di aliɛ ng'ɔ ti fiɛn'n Nyanmiɛn nyrun. Asiri lɔ yɛ amun ko di i sɔ nin-ɔn .

Saun Yolɛ 26:33

N ´fa alɛ n yi amún su, yɛ n ´yo man amun bo sanndi mɛn uflɛ'm be nun. N ´nunnun amun klɔ mun, m ´bo amun mɛn'n.

Sofoni 1:11

«Amun nga amun tran ngua lɔ'n, an `bo awuyomo, afin aata difuɛ'm be kwlaa be su wa wu, sika kunndɛfuɛ'm be kwlaa bé ja su wa mlin be bo asiɛ'n su.

1 Samiɛl 13:6

Izraɛlfuɛ'm be ´nian-an, Filistifuɛ mun b'a mantan be koko kpa, kɛ be wun-man bé wun fɛ'n, be ko fiali yɛbuɛ buɛ'm be nun, wie'm be ko fiali susrɛ'm be nun, nin yɛbuɛ dandan'm be afiɛn, nin lika nga be sisili bé wun'n be nun, ɔ nin nzue gbo'm be nun lɔ.