Ndɛ Nga Nyanmiɛn I Nuan Ijɔfuɛ Oze Kannin'n 9:4 - NYANMIƐN NDƐ'N 1998

⁴ Ɔ man Efraimfuɛ'm be su kwla gua-man nzan man-man Anannganman'n kun. Anannganman su sɔ-man be tɛ nga be yi'n be nun kun. Aliɛ nga be ´di'n, ɔ wa kaci kɛ sɛ bo aliɛ sa, sran ng'ɔ di'n, fiɛn ´kɛn i. Be ´di aliɛ man be ku'n, sanngɛ be su kwla fa-man aliɛ sɔ'n be wlu-man Anannganman'n i sua'n nun lɔ.

Ndɛ Nga Nyanmiɛn I Nuan Ijɔfuɛ Oze Kannin'n 9:4 ပူးပေါင်းရင်းမြစ်များ

Ezipt Lɔ Tulɛ'n 29:40

Kɛ be ´fa nglɛmun nun bua liɛ'n be ´kɔ yi tɛ'n, man be fa ble sanmlɛn kilo nsan. Man be bo sanmlɛn'n nin olivie ngo litri kun nin sin. Man be fa nzan litri kun nin sin. Ɔ ti ase gualɛ liɛ.

Ezipt Lɔ Tulɛ'n 40:23

Be fali kpaun nga be fa man Anannganman'n be siesieli su kɛ Anannganman kan kleli Moiz kɛ ɔ `yo'n sa.

Ezai 57:6

Izraɛlfuɛ mun, nzue ba'm be nun yɛbuɛ mlɔnnɔn-mlɔnnɔn'm be yɛ be ti amun like kpa nin-ɔn. Amun like liɛ'n yɛ o lɛ-ɔ. Be yɛ amun gua nzan ase man be-ɔ. Tɛ nga be yra be nnɛn'n kɔlikɔli'n, be yɛ amun yi man be-ɔ. ?Kɛ b'ɔ ti sɔ nin-ɔn, n ´fɔnvɔ mín wun sɛ cɛ yɛ ɔ ´yo ye-ɔ?

Ezai 66:3

Sran ng'ɔ kun nannin fa yi tɛ'n, ɔ ti kɛ ɔ'a kun sran sa. Sran ng'ɔ kpɛ bua kɔmin'n, ɔ ti kɛ ɔ'a fin alua kɔmin sin like ɔ'a kun i sa. Sran ng'ɔ fa ble sanmlɛn yi sraka'n, ɔ ti kɛ ɔ'a fa kɔkɔti mmoja a yi sraka sa. Sran ng'ɔ yra ansans'n, ɔ ti kɛ ɔ su yɛyɛ amuɛn sa. Kɛ bɔ sran sɔ'm be waan atin ng'ɔ o lɛ'n yɛ be ´fa'n, kɛ bɔ tete sa'm be yolɛ'n yɛ ɔ yo be fɛ'n,

Zeremi 16:7

Sran fi nin i sɔfuɛ'm be su di-man aliɛ kɛ be ´fa fɔnvɔ be. Sran nga i si annzɛ i nin wuli'n, ɔ su nyan-man sran b'ɔ ´mɛn i nzan ´yo i yako-ɔ.

Zeremi 6:20

?Ansans nga an ko fɛ i Seba'n, ɔ fata min nguɛ? ?Ayre fanninfannin nga amun ko fɛ i mɛn wie nun mmua lɔ ba'n, ɔ fata min nguɛ? Nnɛn nga an fa yi tɛ nga be yrɛ i nnɛn'n kɔlikɔli'n, be yo-man min klanman. Amun sraka'm be jɔ-man min klun.

Ezekiɛl 24:17

Fɛfɛ ɔ klun lɔ, nán yo sɛ, fa ɔ kle'n, yɛ wla ɔ ngbabua'n kɛ titi'n sa. Nán kata ɔ nyrun, nán di sɛ aliɛ.»

Ezekiɛl 24:22

Yɛ amun wa yo kɛ Ezekiɛl fa yoli'n sa. Amun su kata-man amun nyrun, yɛ amun su di-man sɛ aliɛ.

Daniɛl 1:8

Daniɛl waan sɛ be ´wu be ´ba o, i liɛ'n, ɔ su di-man famiɛn'n i aliɛ ng'ɔ di'n wie, yɛ ɔ su nɔn-mɛn i nzan ng'ɔ nɔn'n wie nan ɔ'a yo fiɛn . Ɔ srɛli famiɛn'n i junman difuɛ'm bé su kpɛn'n kɛ nán man ɔ miɛn i kɛ ɔ di aliɛ sɔ'n nan ɔ yo fiɛn.

Ndɛ Nga Nyanmiɛn I Nuan Ijɔfuɛ Oze Kannin'n 3:4

Afin Izraɛlfuɛ'm be wa ka sa lele be su nyan-man famiɛn kun, be su nyan-man famiɛn i awlo sran dan kun, be su yi-man tɛ kun, be su sɔ-man yɛbuɛ kun. Kpɛkuun ninnge nga be fa si Nyanmiɛn i klun sa'n, be su nyɛn-mɛn i kun.

Ndɛ Nga Nyanmiɛn I Nuan Ijɔfuɛ Oze Kannin'n 7:16

Ɔ lɛ be sran nga be sa bé sin be bɛ i sin'n, nán min-ɔn. Be ti kɛ ta b'ɔ ti-man kpa'n sa. Bé famiɛn i awlo lɔ sran dandan mun bé nuan nun ndɛ dandan'n ti be ´wu alɛ'n nun, ɔ man be ´fa be kpɛ flɛn Ezipt lɔ.»

Ndɛ Nga Nyanmiɛn I Nuan Ijɔfuɛ Oze Kannin'n 8:13

Nnɛn dilɛ klolɛ ti kɛ be jin min sɔlɛ'n su sa. Sanngɛ i sɔ tɛ nga be ´yi i lɛ'n, ɔ ti min nyrun sɔ saa. Nán kɛ ń wla wa fi bé sa tɛ sɔ nin-ɔn. N ´tu be fɔ. Be wa sa be sin Ezipt lɔ ekun.

Zoɛl 1:13

Nyanmiɛn nyrun jranfuɛ mun, an `wla bajɛ tralɛ, amun `koko. Amun bɔ be jran Nyanmiɛn nyrun'n, an `bo awuyomo. Nyanmiɛn i junman difuɛ mun, an `tran awlaboɛ nun kɔnguɛ lele man aliɛ'n cɛn amun. Yɛlɛ kɛ like nga be fa ko mɛn i i sua nun lɔ'n, ɔ nin nzan nga be guɛ i ase be mɛn i'n, ɔ nun-man nun sɔ kun.

Zoɛl 1:9

Ninnge nga be fa ko man Anannganman i sua'n nun lɔ'n, ɔ nin nzan nga be guɛ i ase lɔ'n kwlaa ɔ'a wie siɛn'n. Ɔ man Nyanmiɛn nyrun jranfuɛ'm be o sɛ nun, Nyanmiɛn i sufuɛ nga be jrɛn i nyrun'n, be o sɛ nun.

Zoɛl 2:14

Atrɛkpa-a, ɔ ´kwla kaci aniɛn, kpɛkuun ɔ ´yo amun ye. Kpɛkuun siɛn'n, an ´kwla fa ble nin nzan be ko mɛn i.

Saun Yolɛ 17:11

Afin like kwlaa ng'ɔ de wunmiɛn'n, i mmoja'n nun yɛ i nguan'n wo-ɔ. I sɔ'n ti yɛ man m mannin amun atin kɛ mmoja yɛ amun fa be `se min yaci min sɔwlɛ'n su nan m'an kplin amun ngbata'n su nin-ɔn. Mmoja'n yɛ man sɛ be kpata-a be kplin su-ɔ, afin mmoja'n, i yɛ ɔ ti nguan nin-ɔn .

Saun Yolɛ 21:17

I waan: «Ɔ osu'n i nunfuɛ nga bɔ lɛ o i wun'n, ɔ lɛ-man atin ɔ jran-man min sɔwlɛ'n nun ɔ yi-man tɛ man-man min.

Saun Yolɛ 21:21

Aarɔn i mma mun nin i anunman'm be nun sran nga i lika wie ti saciwa'n, ɔ lɛ-man atin sin jran-man kɛ ɔ ´yi tɛ.

Saun Yolɛ 21:6

Ɔ fata-man kɛ min dunman b'ɔ o bé su'n, be yo i finfin. Ɔ man i ti nán be kan fiɛn, man be yo saun be man min, afin be yɛ be yi tɛ'n be man min-ɔn, yɛ be yɛ be fa min aliɛ'n be man min-ɔn. Ɔ man i ti ɔ fata-man kɛ fiɛn kan be.

Saun Yolɛ 21:8

Ɔ fata kɛ Izraɛlfuɛ kun nyin yi min nyrun jranfuɛ mun, afin aliɛ nga bɔ amun waan amun ´fa man min bɔ n ti amun Nyanmiɛn'n, be yɛ be fa man min-ɔn. Nán sran fi i nuan to be. M bɔbɔ min bɔ n ti Anannganman'n, n fali Izraɛl mɛn'n kɛ nán sa tɛ tran nun. M bɔbɔ min kusu fiɛn nun-man mín wun.

Amɔs 5:22

Tɛ nga be yrɛ i nnɛn'n kɔlikɔli'n bɔ an ´yi man min'n, ɔ nin nnɛn nga amun kun be be man min ekun'n, b'a flan min. Nannin lowa nga an fa yi bo kun yolɛ i su tɛ'n, min ndɛ nun-man nun.

Malasi 2:13

Amún sa kun ekun bɔ amun yo i siɛn'n, yɛlɛ amun nyinmuɛn'n, amu'an fa gua Nyanmiɛn i sɔwlɛ'n su lele ɔ'a jran su dannguun! Sunlɛ nin kokolɛ yɛ ɔ'a kaci amun junman-an. Like nga bɔ amun fa ba Anannganman i manlɛ b'ɔ sɔ-man nun'n ti.

Kalɛ 19:11

«Sran kwlaa ng'ɔ kan fuɛn'n, ɔ ´yo fiɛn lele cɛn ba nso.

Kalɛ 28:2

ɔ `kan ndɛ yɛ mun kle Izraɛlfuɛ mun. I waan: «Amun `nian su kpa nan sɛ i blɛ'n ju'n, amun `fa tɛ ng'ɔ ti min liɛ'n i aliɛ nga be yrɛ i b'ɔ bɔn min bue nun fannin be man min.

Kalɛ 4:7

Be `fa tannin ble nzue-nzue be `sɛ i tabli nga be sie su kpaun be man min'n i su. Man be fa pla mun, nin klowa mun, nin satro mun, ɔ nin klowa nga be fa gua nzan ase'n mun sie su. Man kpaun tran su tititi.

Jean 6:51

M bɔbɔ n ti kpaun b'ɔ man nguan, n fin nyanmiɛn su lɔ yɛ m bali-ɔ. Sran ng'ɔ di kpaun sɔ'n wie'n, ɔ su wu-man mlɔnmlɔn, min nnɛn'n yɛ ɔ ti kpaun sɔ'n bɔ n ´fa man nin-ɔn. N ´fa man sɔ nan mɛnmɛnfuɛ'm be `nyan nguan.»

Mmla'n 26:14

M'an se-man kɛ sɛ ɔ'a tɔ mín su ti nan n ´di. Kɛ fiɛn'n kannin min'n, m'an kan-man blusu sɔ'n. M'an fa-man wie m'an sie-man nziɛ. Anannganman min Nyanmiɛn, n fali ɔ́ nuan su ndɛ'n su, n niannin i kwlaa nga a kannin'n su n yoli.