Ndɛ Nga Nyanmiɛn I Nuan Ijɔfuɛ Oze Kannin'n 9:12 - NYANMIƐN NDƐ'N 1998

¹² Ba kunngun nga be ´nyan be bɔ be ´ta be'n, n ´yo man ba sɔ'm be su nyan-man bé ti yo-man sran bɔ ngbɛn. N ´de be bé sa nun. Ee, cɛn nga n ko kaci mín sin n ko si be'n, be yako wie!

Ndɛ Nga Nyanmiɛn I Nuan Ijɔfuɛ Oze Kannin'n 9:12 ပူးပေါင်းရင်းမြစ်များ

2 Famiɛn Mun 17:18

Anannganman wa fali ya dan kpa Izraɛlfuɛ'm bé wun, nan ɔ'a fuan be. San Zida akpasua'n kunngba cɛ yɛ ɔ kali lɛ-ɔ.

2 Famiɛn Mun 17:23

I sɔ'n ti, Anannganman niannin ndɛ ng'ɔ fa wlɛli i sufuɛ bɔ be kɛn i nuan su ndɛ'n, ɔ fuannin Izraɛlfuɛ mun. Be fali be ɔli Asiri. Mɛn sɔ'n wo be liɛ'n i wun mmua kpa. Be tɛ o lɔ lele ndɛ.

Zɔb I Nyrɛnnɛn Wunlɛ 27:14

i mma'm be ´sɔn-ɔn be ´sɔn ngbɛn, alɛ'n ´di be kwlakwla. Be su nyan-man aliɛ b'ɔ ´yi be ku-ɔ.

Zeremi 15:7

N kpajali n sran mun kɛ be kpaja awie nun'n sa. N kpajali be n guali mɛn'n i sin lɔ. N fali be mma mun n wɔli. N yoli man min sran sɔ'n, wie'm be wuli, sanngɛ b'a kaci-man be ajalɛ'n.

Zeremi 6:8

Zerizalɛm: ‹Nian ɔ́ wun. Ɔ'a yo-man sɔ-ɔ, e nin wɔ e ´bu. N ´fa wɔ n kaci aawlɛ flɛnnɛn, sran fi su tran-man wɔ su.› »

Ngwlɛ Yilɛ 2:20

Anannganman, sran nga a yoli be sa ya lɛ'n, nian be kpa nian. ?Bla kun bɔbɔ i klun ba b'ɔ cuɛnnin wuli i'n, b'ɔ yɛyɛli i lele'n, kɛ ɔ ´kun i di i sa-a? ?Kɛ be ´kun ɔ nyrun jranfuɛ nin ɔ nuan ijɔfuɛ mun ɔ́ sua nun'n sa-a?

Ngwlɛ Yilɛ 2:22

Kɛ a fali ya'n, a flɛflɛli min kpɔfuɛ mun kɛ wienun-ɔn be su kɔ cɛn dilɛ sa. Be kwlakwla'n bé ti yiali mín wun. Min mma'm bɔ n yɛyɛli be lele'n, be kpɔfuɛ'm be wa nunnunnin be ngba. Be nun kun sa ɔ'a nyan-man wanndiwlɛ. Be nun kun sa ɔ'a fite-man nun.

Ndɛ Nga Nyanmiɛn I Nuan Ijɔfuɛ Oze Kannin'n 7:13

Efraimfuɛ'm be yako! Nian, be su wanndi min. Nyrɛnnɛn nga be wa wun i'n ti beblebe ngbɛn, afin bé nyin ɔ'a yi-man min. Blɛ nga min waan n ´de be'n, kpɛkuun be tɔnnin min suɛn.

Ndɛ Nga Nyanmiɛn I Nuan Ijɔfuɛ Oze Kannin'n 9:13

Efraimfuɛ mun bɔbɔ, kɛ n niɛn i lɛ'n, be wu be wa liɛ'n fa yo alɛ nnɛn. Be su fa be minndɛ sran ng'ɔ ´kun be mun.»

Ndɛ Nga Nyanmiɛn I Nuan Ijɔfuɛ Oze Kannin'n 9:16

Sɛ n ´kwla se'n, b'a bo Efraimfuɛ'm be kannin, be olui'm b'a wu kee, ɔ su su-man mma kun. Sɛ bla'm be nyan ba ekun'n, n ´kun be anwlɛn su ba sɔ bɔ be yɛyɛ be mun. N'yo man wie'n wa fa be.»

Malasi 2:12

Sran ng'ɔ yo i sɔ sa'n, nán Anannganman mɛn i atin man ɔ nyan Zakɔb i osu'n nun sran nan ɔ jrɛn i sin, wie kusu-ɔ, nán ɔ ko jrɛn i nuan yi tɛ man Anannganman b'ɔ sie mɛn wunmuan'n.

Kalɛ 14:34

Amun fali cɛn ba ablanan yɛ amun fa nian-niannin mɛn nin-ɔn. N kusu n ´fa afuɛ ablanan n ´fa tu amun fɔ, afuɛ kun afɛ'n ɔ ti cɛn kun nun nyin kekle'n i akatua. Kpɛkuun amun ´si kɛ sɛ bé nyin yi-man min'n ɔ ti like tɛ.

Kalɛ 26:65

Afin Anannganman dun mmua seli be kɛ be nun kun sa su ka-man lɛ, nan be kwlaa be ´wu aawlɛ flɛnnɛn'n nun lɔ, san Zɛfine i wa Kalɛb nin Nɛn i wa Zozie yɛ be kali lɛ-ɔ.

Mmla'n 28:18

Amun su wu-man ba kaka, amun fie'm be su yo-man ye, amun nannin mun, nin amun bua mun, ɔ nin amun boli'm be su trɛ-man.

Mmla'n 28:32

Be ´fa amun mma yasua mun nin amun mma bla mun be ´man nvle wie nunfuɛ mun amun bɔbɔ amun nyrun lɛ. Amun wa minndɛ be balɛ'n lele ngbɛn, amun su kwla-man sa fi yo .

Mmla'n 31:17

Kɛ be ko yo sɔ'n, n wa fa ya bé wun, n ´yi be ase, n ´kaci mín sin n ´si be. Nvle kun nga'm be ´nunnun be. Sa yalɛ sunman kpa nin nyrɛnnɛn sa'm be wa tɔ bé su. Kpɛkuun be wa wun i wlɛ kɛ Nyanmiɛn b'ɔ nun-man be afiɛn'n i ti yɛ sa sɔ'm be tɔ bé su nin-ɔn.

Mmla'n 32:25

Be ´fa tokofi be ´kun sran mun klɔ nun atin'm be nun. Sran nga be o awlo'm be nun'n, be kusu, srɛ'n ɔ ´kun be kpo. Wie'n su yaci-man sran fi lɛ, i gbanflɛn mun o, i talua mun o, i ba nɔnman mun o, i oke mun o, ɔ ´wlu be kwlakwla be nun.

Jɔlɛ Difuɛ Mun 4:16

Barak suli kakaklolo nin alɛ kunfuɛ'm be su lele juli Arɔsɛt-Gɔim. Kɛ be ´ju lɛ'n, wuun b'a wie Sizɛra i alɛ kunfuɛ'm be kwlaa be kun. Be nun kun sa a ka-man lɛ.

1 Samiɛl 16:14

Kɛ ɔ ´yo sɔ'n, wuun Anannganman i Wawɛ'n ɔ'a jaso Sail su. Anannganman sunmannin wawɛ tɛ kun, yɛ wawɛ tɛ sɔ'n ɔ kleli i yalɛ.