Ndɛ Nga Nyanmiɛn I Nuan Ijɔfuɛ Oze Kannin'n 9:10 - NYANMIƐN NDƐ'N 1998

¹⁰ Anannganman'n waan: «Laa Izraɛl ti min nyrun kɛ aawlɛ flɛnnɛn wie nun vinyi mma sa. Kɛ n niannin amun nannan mun'n, n wunnin kɛ be like bɔ be fɛli i'n blɛ sɔ nun'n, yɛlɛ figie mma klikli nga be nyɛn i figie'n su'n. Sanngɛ be Baal-Pɛɔr lɔ julɛ yɛ, bé wun Baal b'ɔ ti nyannzuɛn like'n i sa nun fa wlalɛ yɛ. Be fali bé wun wlali amuɛn sɔ'n i sa nun, ɔ man be bɔbɔ be kacili tete like kɛ be soman uflɛ sɔ'n sa.

Ndɛ Nga Nyanmiɛn I Nuan Ijɔfuɛ Oze Kannin'n 9:10 ပူးပေါင်းရင်းမြစ်များ

1 Famiɛn Mun 16:31

Nɛbat i wa Zeroboam i sa tɛ b'ɔ yoli'n, i kunngba'n yɛ ɔ yoli-ɔ. Ɔ'a ka-man ng'ɔ o lɛ'n su, ɔ jali Ɛtbaal b'ɔ ti Sidɔnfuɛ'm be famiɛn'n i wa bla bɔ be flɛ i Zezabɛl'n, kpɛkuun ɔ ko kotoli Baal bo, yɛ ɔ sɔli i.

2 Famiɛn Mun 17:11

Be yrali ansans amuɛn sɔwlɛ sɔ'm be kwlaa be su kɛ nvle nga Anannganman fuannin be be nyrun'n be yoli'n sa. Be yoli sa tɛtɛ nga be kun Anannganman ya'n.

Jue Mun 115:8

Be nga be yo i sɔ amuɛn liɛ mun'n, bɔ be fa be wla gua bé su'n, be ti kɛ amuɛn sɔ'm be sa .

Jue Mun 81:12

Sanngɛ min sran'm b'a ti-man min aniɛn, Izraɛlfuɛ'm be kacili be sin sili min.

Ngɔjue Fɛfɛ Kpa'n 3:6

?Nguɛ yɛ ɔ fin aawlɛ flɛnnɛn'n nun ba kɛ sin wɛnsrɛn sa nin-ɔn. ?Nguɛ yɛ ɔ ´ba wuun mir nin ansans fanninfannin, ɔ nin parfɛn kpakpa'n kwlakwla be ´bɔn su i su sɔ nin-ɔn?

Ezai 28:4

Amun `nian, klɔ b'ɔ o kongo bɔ be yo nun like-ɔ ɔ yo ye'n i nglo'n, waka nyrɛ b'ɔ ɔ'a glɔ b'ɔ fa fɛfɛ i wun kɛ like kpa wie sa'n, be ´tiatia su. Samari klɔ'n ɔ ´yo kɛ figie mma b'ɔ blo ndɛ nun, bɔ sran ng'ɔ dun mmua wun i'n, ɔ ti, kpɛkuun ɔ kalɛ di i ndɛndɛ'n sa.

Zeremi 11:13

Zidafuɛ'm be amuɛn'm be kpanngban nin be klɔ'm be nuan'n sɛ. Yɛ kɛ be klɔ'm be akpɔ'm be nuan'n fa ti'n, i su yɛ be nian be taka be nyannzuɛn like kɛ Baal sa'n i sɔwlɛ mun-ɔn.

Zeremi 24:2

Gbogbo'n kun nun figie mma liɛ'm be kpa'n ti kɛ figie mma klikli nga kɛ wawa'n kpɛn-ɔn be su'n sa. Gbogbo kun'n kusu i nun figie mma liɛ'n ti-man kpa mlɔnmlɔn. Be di-ɔ ɔ yo-man ye bɔbɔ.

Zeremi 3:24

Kɛ ɔ fin e kaan nun lele'n, nyannzuɛn like sɔ'n dili ninnge nga é si'm be nyɛnnin i'n. Ɔ dili bé boli nin be bua, ɔ nin be nannin mun. Ɔ dili be mma yasua nin bla mun.

Zeremi 3:25

E la nyannzuɛn nun siɛn'n. Nyannzuɛn'n yɛ e fa kata e su kɛ kondro sa-a. Afin kɛ ɔ fin e kaan nun b'ɔ ´fa ju ndɛ'n, e nin é si mun e fɔnnin Anannganman e Nyanmiɛn'n i wun. Y'a tie-man Anannganman e Nyanmiɛn'n i aniɛn'n.»

Zeremi 31:2

Anannganman'n wan yoo: «Sran nga be fin alɛ'n nun fiteli bɔ be wo aawlɛ flɛnnɛn'n nun lɔ'n, n yoli be ye. Ɔ man Izraɛl wa di alaje.»

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Ezekiɛl 20:8

Sanngɛ be jasoli mín wun, yɛ bé nyin ɔ'a yi-man min. Be nun kun sa ɔ'a yi-mɛn i tete sa nga i nyin blo su'n i wie fi ase. B'a yaci-man Eziptfuɛ mun be amuɛn'm be sɔlɛ. M buli akunndan kɛ n ´fa bé wun ya nan n ´fa ya sɔ'n lele n guɛ i bo Eziptfuɛ'm be afiɛn lɔ.

Ndɛ Nga Nyanmiɛn I Nuan Ijɔfuɛ Oze Kannin'n 11:1

«Kɛ Izraɛl tɛ yo sɛsɛ kan'n, yɛ n sɔli i klolɛ-ɔ, i nun sɔ'n nun yɛ n flɛli mín wa'n kɛ ɔ jao Ezipt lɔ bla-a .

Ndɛ Nga Nyanmiɛn I Nuan Ijɔfuɛ Oze Kannin'n 13:5

Blɛ bɔ amun o aawlɛ flɛnnɛn'n nun lɔ'n, bɔ amun o mɛn bɔ be nyan-man nzue nun'n nun lɔ'n, min yɛ n trali amun sa-a.

Ndɛ Nga Nyanmiɛn I Nuan Ijɔfuɛ Oze Kannin'n 2:15

Baal sɔlɛ b'ɔ sɔ i'n, bɔ sɛ i cɛn'n ko ju-ɔ, ɔ fɛfɛ i wun klanman, ɔ fa nzɛ wlɛ i sa'n, yɛ ɔ wla i kɔmin nyanman nglanman mun'n, i ti e nin e wa nyɛn i. Ɔ su i soman'm bé su kpɛkuun i wla fi mín su.» Anannganman yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 4:14

Ɔ man amun mma mmla nga be sili tekle'n, n su yo-man be sa fi, amun sewi nga be kunndɛli be wiengu'm bé wun mun'n, n su yo-man be sa fi. Amun yɛ e nin amun y'a nyɛn i-ɔ. Afin amun yasua'm be bɔbɔ yɛ amun cuɛn mmla'm be kɔ klɛ nun, yɛ ninnge nga amun fa man amuɛn mun'n yɛ amun nin tekle nga be o sua'm be nun'n be di-ɔ. Be bu be nyanndra be se kɛ: «Nvle nga ngwlɛlɛfuɛ nun-man nun'n, i sɔ nvle liɛ'n ti mlinfuɛ.»

Ndɛ Nga Nyanmiɛn I Nuan Ijɔfuɛ Oze Kannin'n 4:18

Kɛ be wie nzan nɔn cɛ'n, man be fa bé ti be tin i tekle silɛ'n nun. Kuakualɛ yɛ bé su ngbɛn'm be klo i-ɔ.

Amɔs 4:5

Kpaun nga kpaun ayre o nun'n, an `yrɛ i be `fa yi bo kun yolɛ'n i su tɛ be fa man min. Amun klun klo like nga amun waan amun ´fa man'n, an `bo i ndolo. Afin nga amun waan be `fa man amun nan amun yo'n yɛ ɔ o lɛ-ɔ.» Anannganman'n yɛ ɔ kan sɔ kle amun-ɔn.

Mise 7:1

Be `nian nyrɛnnɛn bɔ n wo nun-ɔn! M'an yo kɛ sran bɔ b'a ti waka mma b'a sin, kpɛkuun ɔ'a ɔ i osu nun nian-nianlɛ'n sa. M'an ɔ vinyi sɔsɔwa kunndɛlɛ. N ´ju lɔ-ɔ vinyi sɔsɔwa waan: ?A sieli min nin? Figie mma nga min konvi o su'n ɔ'a tu anunman.

Kalɛ 15:39

Tralɛ ng'ɔ lɛ nuan su njɔlɛ'n yɛ amun `wla-a. I liɛ'n, kɛ amun wun be'n, amún wla ´kpɛn min mmla'm bé su, kpɛkuun amun ´fa bé su. Nán amun yo amun klun klo ninnge nin konvi ninnge bɔ be fa sran wla amuɛn sɔlɛ nun mun.

Kalɛ 18:13

Ninnge kwlaa nga be fa blɛ min'n, be ti amun liɛ. Sran kwlaa ng'ɔ ti saun'n wɔ awlo nun'n, ɔ kwla di wie.

Rɔmfuɛ Mun 6:21

?Sa nga an yoli be laa bɔ siɛn'n be yo amun nyannzuɛn'n, nguɛ like yɛ an nyɛnnin i nun-ɔn? Sa sɔ'm be agualiɛ'n yɛlɛ wie.

Mmla'n 32:10

Aawlɛ flɛnnɛn'n nun lɔ yɛ ɔ ko fiteli Izraɛl'n i su-ɔ, lika sɔ'n nun lɔ'n, nnɛn mun yɛ be ti be kpanlɛ-ɔ. Ɔ ko fali Izraɛl, ɔ niɛnnin i lika, ɔ sɛsɛli i. Ɔ niɛnnin i su kpa kɛ be fa nian be nyinma ba'n su sa.

Mmla'n 32:17

Mmusu bɔ nán Nyanmiɛn yɛlɛ be'n, yɛ be sɔ be-ɔ. Amuɛn uflɛ nga b'a ju su bɔ bé si'm b'a si-man be laa'n, bɔ be bɔbɔ kusu be si-man be'n, yɛ be sɔ be-ɔ .

Mmla'n 4:3

Like nga Anannganman yoli i Baal-Pɛɔr i ndɛ'n nun'n, amun bɔbɔ amun wunnin i. Ɔ kunnin sran nga be sɔli Baal-Pɛɔr'n mun .

Jɔlɛ Difuɛ Mun 6:32

Kɛ ɔ fɛ lɛ'n, be flɛli Zedeɔn kɛ Zɛribaal. I bo'n kle kɛ man Baal nin i be kun afin ɔ'a bubu i sɔwlɛ'n.