Ndɛ Nga Nyanmiɛn I Nuan Ijɔfuɛ Oze Kannin'n 8:7 - NYANMIƐN NDƐ'N 1998

⁷ Sɛ n ´kwla se'n, aunngban yɛ amun luali-ɔ, seke b'ɔ tu'n kusu yɛ amun wa ti-ɔ. ?Ble fekle'n, be fa yi sanmlɛn sɛ yɛ ɔ yo ye-ɔ? Sɛ bɔ be fa yi sanmlɛn'n aofuɛ mun yɛ be ´di-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 8:7 ပူးပေါင်းရင်းမြစ်များ

Bo Bolɛ 41:23

I sin, ble ja kunngba'n wlɔli nso ekun. Ble mma kasiɛn'm be ti be liɛ tɛtɛ feklefekle sa. Wia afiliɛ lɔ aunngban klakla'n b'ɔ ´fita man be kpeseli.

2 Famiɛn Mun 15:19

Be o lɛ kpɛkuun Pil b'ɔ ti Asiri famiɛn'n ɔ'a wlu Izraɛlfuɛ'm be mɛn'n nun. Yɛ Mɛnaɛm fali sika tɔnun ablasan mɛnnin i kɛ ɔ ukɛ i nan i sielɛ'n `taka.

2 Famiɛn Mun 15:29

Pekak blɛ su'n, Tilgat-Pilnezɛr b'ɔ ti Asiri famiɛn'n wa fali klɔ nga be o yɛ mun: Izɔn, nin Abɛl-Bɛt-Maaka, nin Zanɔak, nin Kedɛs, ɔ nin Azɔr. Ɔ fali Galile mɛn'n, nin Galaad mɛn'n, ɔ nin Nɛftali lika wunmuan'n. Ɔ fali lika sɔ'm be nun sran mun ɔli Asiri.

Zɔb I Nyrɛnnɛn Wunlɛ 4:8

Nga m'an sie i nzɔliɛ kpa'n yɛlɛ nga: sran nga sa tɛ'n yɛ ɔ ti be junman yɛ be di'n, bɔ sa ng'ɔ ti-man su'n yɛ ɔ ti kɛ be like sa yɛ be lua'n, san be ´ti i su mma'n.

Nyanndra Mun 22:8

Sran ng'ɔ yo sa ng'ɔ ti-mɛn i nuan su'n, nyrɛnnɛn'n cɛ yɛ ɔ tɔ i su-ɔ. Afin wunmiɛn ng'ɔ lɛ i b'ɔ fa yo sa tɛtɛ'n ɔ ´wie cɛn kun.

Akunndanfuɛ'n 5:16

Ng'ɔ o su ekun'n, yɛlɛ kɛ i blɛ ng'ɔ dili i nyanmiɛn'n bo wa'n, ɔ dili i aosin, nin sa yalɛ, nin afɛ, ɔ nin klunngbɔ'n nun .

Ezai 17:11

Cɛn kunngba nga amun luali waka mma'n, ɔ fifili, kpɛkuun i nglɛmun kunngba'n nun ɔ boli nnyrɛ. Sanngɛ blɛ bɔ nyrɛnnɛn cɛn'n juli'n, fie'm be su ninnge'm be fili ɔ́ sa. Yɛ afɛ ng'ɔ tɔli ɔ su'n, ɔ'a nyan-man ayre.

Ezai 55:2

?Ɔ yo sɛ ti yɛ amun fa sika to aliɛ ng'ɔ ta-man sran nin-ɔn? ?Ɔ yo sɛ ti yɛ amun kle amún wun yalɛ be kunndɛ like ng'ɔ yi-man sran ku nin-ɔn? Sɛ amun ti ndɛ nga n kan be'n, amun ´nyan like kpa be ´di, aliɛ kpakpa mun yɛ amun ´di-ɔ .

Ezai 66:15

Afin amun `nian, Anannganman yɛ ɔ o sin kun nun ɔ su ba yɛ, i alɛ kakaklolo'm be yo kɛ aunngban dan kun b'ɔ su fita'n sa, ɔ wa yi i ya'n i nglo kekle kpa, yɛ ɔ ´fa sin taaman fa yi sa kekle nga i waan ɔ ´fa yo sran mun'n i nglo.

Zeremi 12:13

Be guali ble, sanngɛ like nga be kpɛ'n yɛlɛ owie. Be fɛli lele ngbɛn, be su nyan-man like. Anannganman i ya dan b'ɔ fali'n ti'n like nga amun luali'n i su mma nga amun tili'n ti, man nyannzuɛn ´kun amun.»

Ngwlɛ Yilɛ 5:2

Like ng'ɔ ti e aja like klonglo'n, kɛ e ´se yɛ'n, ɔ o sran wie'm bé sa nun. Sran ngbɛn'm be yɛ be tran e sua'm be nun-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 2:9

Ɔ su i soman'm be su-ɔ, ɔ su to-man be. Ɔ ´kunndɛ be lele ngbɛn, ɔ su wun-man be. Kpɛkuun ɔ wa se kɛ: ‹Sɛ ɔ ti sɔ'n, n ´sa min sin mín wun klikli fuɛ'n i wun lɔ, afin lɔ liɛ'n, n klun ´jɔ tra siɛn'n.›

Ndɛ Nga Nyanmiɛn I Nuan Ijɔfuɛ Oze Kannin'n 7:9

I wunmiɛn ng'ɔ o i nun'n, aofuɛ'm b'a fa, sanngɛ ɔ si-man sɔ. I ti'n ɔ'a bo je sanngɛ ɔ wun-man nun kɛ ɔ'a yo oke.

Ndɛ Nga Nyanmiɛn I Nuan Ijɔfuɛ Oze Kannin'n 9:16

Sɛ n ´kwla se'n, b'a bo Efraimfuɛ'm be kannin, be olui'm b'a wu kee, ɔ su su-man mma kun. Sɛ bla'm be nyan ba ekun'n, n ´kun be anwlɛn su ba sɔ bɔ be yɛyɛ be mun. N'yo man wie'n wa fa be.»

Naɔm 1:3

Anannganman fa-man ya ndɛndɛ, i wunmiɛn'n ti dan. Sran ng'ɔ yo sa tɛ'n, ɔ yaci-mɛn i lɛ ngbɛn. Kɛ ɔ ´sin'n, aunngban dan kun fita, ndutre ng'ɔ ´nanti-ɔ ɔ tu'n, sɛ e ´kwla se'n, yɛlɛ nzue ng'ɔ mlan'n .

Ndɛ Nga Nyanmiɛn I Nuan Ijɔfuɛ Aze Kannin'n 1:6

Amun fie'm bé su ninnge nga amun luali'n, ɔ'a sɔn-man ngowa, sanngɛ be su mma nga amun tili'n ti kaan sa. Aliɛ nga amun nyɛn i be di'n, ɔ ju-man amun. Nzan nga amun nyɛn i be nɔn'n, ɔ ju-man amun. Tralɛ nga amun nyɛn i be wla'n, ɔ kwla tu-man amún wun ayrɛ'n. Amun junman difuɛ'm be sika'n ɔ ti kɛ sika bɔ b'a fa sie bɔlɛ bɔ i bo ti fitiwa'n nun sa.»

Galasifuɛ Mun 6:7

Nán an laka amun wun. Be kwla yo-man Nyanmiɛn finfin, afin like nga sran kun lua'n yɛ ɔ ti-ɔ.

Galasifuɛ Mun 6:8

Sɛ sran kun lua like nga i bɔbɔ klun klo'n, i mma nga b'ɔ ti'n yɛlɛ i bɔbɔ i klun sa bɔ i agualiɛ yɛlɛ wie'n. Sanngɛ sɛ ɔ lua like nga Nyanmiɛn Wawɛ'n klo i'n, i mma nga Wawɛ sɔ'n man ɔ ti'n yɛlɛ anannganman nguan'n.

Mmla'n 28:33

Nvle nga amun si-man be'n be nunfuɛ'm be ´di amun fie'm be su ninnge nin amun junman'n i nuan ninnge'm be kwlaa. Yalɛ yɛ be ´kle amun sa tititi-ɔ, yɛ mianmianlɛ yɛ be ´mianmian amun-ɔn .