Ndɛ Nga Nyanmiɛn I Nuan Ijɔfuɛ Oze Kannin'n 8:6 - NYANMIƐN NDƐ'N 1998

⁶ Nannin ba ng'ɔ o lɛ'n, amun bɔbɔ yɛ amun kpɛli i ba-a, ajuin difuɛ'n yɛ ɔ yili-ɔ, ɔ kwla nian-man sran su. I sɔ'n ti Samarifuɛ'm be nannin ba bɔ be fa sika ɔkwlɛ be yoli'n, n wa fufu nun.

Ndɛ Nga Nyanmiɛn I Nuan Ijɔfuɛ Oze Kannin'n 8:6 ပူးပေါင်းရင်းမြစ်များ

2 Famiɛn Mun 23:15

Sraka yiwlɛ ng'ɔ o Betɛl'n, ɔ nin Nɛbat i wa Zeroboam bɔ man Izraɛlfuɛ'm be fɔnnin'n i sraka yiwlɛ lika'n b'ɔ yoli i kpɔlɛ'n su'n, Zozias bubuli be. Ɔ wɔli amuɛn sɔwlɛ'n nun ɔ kacili nzuɛn, yɛ ɔ wɔli waka nga be takali bɔ be sɔ i'n nun ekun.

2 Famiɛn Mun 23:19

Zozias bubuli Samari klɔ'n nun sraka yiwlɛ sua mun. Izraɛl famiɛn'm be yɛ be kplannin sua sɔ mun-ɔn. Kɛ be kplannin'n, ɔ yoli Anannganman ya kpa. I ti like kunngba nga Zozias yoli i Betɛl lɔ'n, i kunngba'n yɛ ɔ yoli i Samari lɔ-ɔ.

2 Be Nyoliɛ 13:8

Siɛn'n, amun waan amun ´jaso Anannganman i sielɛ b'ɔ fa wlali David nin i osu'n nunfuɛ'm bé sa nun'n i wun. Amun sonja'm be sɔnnin kpa. Yɛ amun amuɛn nga Zeroboam fali sika ɔkwlɛ yoli be kɛ nannin ba sa mannin amun'n, be o amun afiɛn.

2 Be Nyoliɛ 31:1

Kɛ cɛn dilɛ'n wieli'n, Izraɛlfuɛ nga be o lɛ'n be ɔli Zida klɔ'm be su. Be ko sacili yɛbuɛ nga be takali be'n. Be bubuli waka nga be kplannin be bɔ be sɔ be'n mun. Be sacili be nga be si-man Nyanmiɛn'n be sraka yiwlɛ lika nga be o kpɔlɛ'm be su'n mun nin amuɛn sɔwlɛ mun. Be yoli i sɔ Zida nin Bɛnzamɛn akpasua'n, nin Efraim nin Manase be akpasua'm be su. I sin be sali bé sin be ɔli be klɔ'm be su sɛsɛsɛ.

Zeremi 10:14

Sran'm be kwlaa be kaci sinnglinfuɛ. Be wun-man sa wlɛ. Ajuin difuɛ nga be yi amuɛn ba'n be wun nyannzuɛn. Be wun kɛ bé sa nuan like sɔ'n be ti finfin like. Nguan fi nun-man be nun.

Zeremi 48:13

Kɛ Izraɛl awlofuɛ'm be fali bé wla guali Betɛl lɔ amuɛn'n su bɔ bé nyin guali ase'n, yɛ Moabfuɛ'm bɔ be fa bé wla gua Kɛmɔs su'n bé nyin wa gua ase sɔ-ɔ .»

Zeremi 50:2

«Be `kan jasin'n be kle mɛnmɛn mun. Be kɛn i weiin. Be `kan, nán be fia su. Be `se kɛ: ‹Babilɔni tɔli, Bɛl i nyin ɔ'a gua ase. Mɛrɔdak bubuli. Babilɔni lɔ ninnge nga be su be'n bé nyin ɔ'a gua ase. Lɔ amuɛn'm be bubuli.›

Ndɛ Nga Nyanmiɛn I Nuan Ijɔfuɛ Oze Kannin'n 10:2

Be anwlɛn ti nnyɔn-nnyɔn, be wa sua bé sa tɛ'n i trɔ'n siɛn'n, Anannganman'n wa bubu bé sraka yiwlɛ mun, ɔ wa saci be yɛbuɛ nga be sɔ be mun.

Ndɛ Nga Nyanmiɛn I Nuan Ijɔfuɛ Oze Kannin'n 13:2

Sran sɔ'm be tɛ yo sa tɛ'n be tɛ kɔ be nyrun, be fa jɛtɛ ufue be klo i kaci amuɛn. Be kpɛ bé ti nun yɛ be yi amuɛn sɔ mun-ɔn, i sɔ amuɛn liɛ'n be kwlaa be ti ajuin difuɛ kun sa nuan like. Sanngɛ kpɛkuun be ko se kɛ yoo: «Man be yi tɛ be man be.» ?Kɛ sran'm be tɔ nannin nun liɛ'n, amu'an wun i sɔ'n wie le?

Ndɛ Nga Nyanmiɛn I Nuan Ijɔfuɛ Oze Kannin'n 14:3

An `sa amun sin bla Anannganman'n i wun. An `se i kɛ yoo: «Yaci é sa tɛ'm be kwlaa cɛ ye, manmanlɛ nga e manman wɔ'n, man ɔ yo wɔ fɛ! Nán yi ɔ́ nyin é wun, tɛ nga e ko yi e ko man wɔ'n, yɛlɛ wɔ ayɛ yilɛ nga e ´yi i yɛ'n.

Mise 1:7

I amuɛn'm be kwlaa be nun ´wie bubu. Sa tɛ junman nga i nunfuɛ'm be dili'n i nuan ninnge nga be nyɛnnin i'n, be ´to be guɛ i sin nun. Amuɛn nga be sili tekle yɛ be toli be'n, n ´saci be. Afin i sɔ amuɛn mun'n, tekle bɔ be sili'n, i nuan sika yɛ be fa toli be-ɔ. Ɔ man ninnge sɔ'm be kusu be ´yo tekle uflɛ silɛ nuan akatua.» Anannganman'n yɛ ɔ kan sɔ-ɔ.

Abakik 2:18

?Amuɛn mma'm be sɛlɛ'n yo nguɛ ye? ?Be nga be fa blalɛ be yi amuɛn ba mun'n, bɔ be yi be ayɛ be sin'n, ɔ ti-man ato? ?Like sɔ'm bɔ be si-man ijɔ, bɔ sran bɔbɔ yɛ ɔ yili be'n, ɔ yo sɛ yɛ man ɔ ko fɛ i wla'n gua be su-ɔ?

Sa nga bé yôli'n 17:29

Ɔ man sɛ e ti Nyanmiɛn mma mun'n, nán man e bu i kɛ Nyanmiɛn nin like nga sran'm be bɔbɔ be fa be akunndan be yo'n, sika ɔkwlɛ nin jɛtɛ ufue bɔ be tɔn'n, ɔ nin yɛbuɛ bɔ be sɛ'n, be ti kun.

Sa nga bé yôli'n 19:26

An wun kɛ Pɔl wlawla sran kpanngban Efɛz klɔ'n su wa, nán wa ngunmin-ɔn, sanngɛ Azi mɛn wunmuan'n nun-ɔn, ɔ man bé ti nun saci. An tili i kɛ ɔ se sran'm be kɛ, like ng'ɔ ti sran sa nuan like'n, ɔ fata-man kɛ be sɔ i.