Ndɛ Nga Nyanmiɛn I Nuan Ijɔfuɛ Oze Kannin'n 8:5 - NYANMIƐN NDƐ'N 1998

⁵ Samarifuɛ mun, amun nannin ba nga amun fali sika ɔkwlɛ yili'n, nán min nyinma wun i kun! Ɔ ti min klɔklɔlɛ like, amu'an klɔklɔ min. Kɛ an wo amun liɛ sa'n, ɔ lɛ-man kɛ b'a nyan-man amún wun ndɛ kan b'a kan-man.

Ndɛ Nga Nyanmiɛn I Nuan Ijɔfuɛ Oze Kannin'n 8:5 ပူးပေါင်းရင်းမြစ်များ

2 Be Nyoliɛ 13:8

Siɛn'n, amun waan amun ´jaso Anannganman i sielɛ b'ɔ fa wlali David nin i osu'n nunfuɛ'm bé sa nun'n i wun. Amun sonja'm be sɔnnin kpa. Yɛ amun amuɛn nga Zeroboam fali sika ɔkwlɛ yoli be kɛ nannin ba sa mannin amun'n, be o amun afiɛn.

Jue Mun 19:13

Kɛ sran yo sa'n, nɛ́n i ngba yɛ ɔ wun i kɛ nga ɔ'a yo-man kpa-a. Ɔ man sa nga n yoli bɔ m'an wun-mɛn i'n, yaci cɛ min.

Nyanndra Mun 1:22

«?Ɔo, sinnglinfuɛ mun, nan kɛ amún ti ´ka sinnzin'n nun sa bɔ tititi? ?Amun nga amun to sran mma'n, nan i su cɛ yɛ amun ´ka sa titi-ɔ? ?Amun bɔ amun wun-man sa wlɛ'n, amun kusu, nan kɛ an ´fa amún nyin ci ngwlɛlɛ'n sa?

Ezai 45:20

Nvle-nvle'm be nunfuɛ mun, amun nga amun kali lɛ'n, amun `tian amun nuan nan amun `bla, amun `wunnge wa likawlɛ. «Be nga be sua be waka sran'n, bɔ be srɛ amuɛn b'ɔ kwla de-man be'n, be sɔfuɛ'm be si-man ngwlɛlɛ.»

Zeremi 13:27

Ɔ bian bɔ a kunndɛli mín bo'n, ɔ nin ɔ bian sa ngboko'n, ɔ nin ɔ tekle dan nga a boli'n, n wunnin be kpɔlɛ'm be su nin fie'm be su. N wunnin ɔ tete ninnge mun. Zerizalɛm, yako nin ɔ́ wun saun bɔ ɔ waan a yo-man'n. ?Cɛn onin ko yɛ a ´yaci kokowa bolɛ nin-ɔn?»

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Zeremi 48:13

Kɛ Izraɛl awlofuɛ'm be fali bé wla guali Betɛl lɔ amuɛn'n su bɔ bé nyin guali ase'n, yɛ Moabfuɛ'm bɔ be fa bé wla gua Kɛmɔs su'n bé nyin wa gua ase sɔ-ɔ .»

Ndɛ Nga Nyanmiɛn I Nuan Ijɔfuɛ Oze Kannin'n 10:5

Samarifuɛ'm be yɛyɛ sika ɔkwlɛ nannin ba ng'ɔ o Bɛt-Avɛn lɔ'n. Samarifuɛ'm be yo bé wun aunnvuɛfuɛ amuɛn sɔ'n dunman nun, Be nga be tɔn bé wun suɛn kɛ be ti sraka yifuɛ'n, be sro i dan, be usu i nyrun. Sanngɛ nga be ´yo i lɛ'n ti ngbɛn. San ɔ ´tu lɛ.

Ndɛ Nga Nyanmiɛn I Nuan Ijɔfuɛ Oze Kannin'n 10:8

Bɛt-Avɛn lɔ amuɛn bo nga Izraɛlfuɛ'm be yo be sa tɛtɛ nun'n, be kwlaa be ´saci. Ijre tɛtɛ mun nin owie'm b'a di sraka yiwlɛ bɔ be o kpɔlɛ lika'm be su mun. I sɔ blɛ liɛ nun'n, be wa se kɛ: «Oka mun ee! An `kata e su o! Kpɔlɛ mun ee! An `tɔ e su o !»

Ndɛ Nga Nyanmiɛn I Nuan Ijɔfuɛ Oze Kannin'n 13:2

Sran sɔ'm be tɛ yo sa tɛ'n be tɛ kɔ be nyrun, be fa jɛtɛ ufue be klo i kaci amuɛn. Be kpɛ bé ti nun yɛ be yi amuɛn sɔ mun-ɔn, i sɔ amuɛn liɛ'n be kwlaa be ti ajuin difuɛ kun sa nuan like. Sanngɛ kpɛkuun be ko se kɛ yoo: «Man be yi tɛ be man be.» ?Kɛ sran'm be tɔ nannin nun liɛ'n, amu'an wun i sɔ'n wie le?

Ndɛ Nga Nyanmiɛn I Nuan Ijɔfuɛ Oze Kannin'n 8:6

Nannin ba ng'ɔ o lɛ'n, amun bɔbɔ yɛ amun kpɛli i ba-a, ajuin difuɛ'n yɛ ɔ yili-ɔ, ɔ kwla nian-man sran su. I sɔ'n ti Samarifuɛ'm be nannin ba bɔ be fa sika ɔkwlɛ be yoli'n, n wa fufu nun.

Amɔs 8:14

Kpɛkuun be nga bɔ be fa Samari amuɛn'm be fa ta nda'n, ɔ nin be nga be di amuɛn be se kɛ: ‹N kan Dan lɔ amuɛn'n ti'n!› annzɛ kusu: ‹N kan Beɛr-Seba amuɛn'n ti'n,› be kwlakwla sɔ'm be ´tɔ. Be tɔ kusu-ɔ be su kwla jaso-man kun.»

Mise 1:7

I amuɛn'm be kwlaa be nun ´wie bubu. Sa tɛ junman nga i nunfuɛ'm be dili'n i nuan ninnge nga be nyɛnnin i'n, be ´to be guɛ i sin nun. Amuɛn nga be sili tekle yɛ be toli be'n, n ´saci be. Afin i sɔ amuɛn mun'n, tekle bɔ be sili'n, i nuan sika yɛ be fa toli be-ɔ. Ɔ man ninnge sɔ'm be kusu be ´yo tekle uflɛ silɛ nuan akatua.» Anannganman'n yɛ ɔ kan sɔ-ɔ.

Sa nga bé yôli'n 7:41

I cɛn sɔ nun'n, be yoli nannin ba kun nan b'a sɔ i. Like sɔ'n bɔ be yoli'n ti'n, be klun jɔli.

Mmla'n 32:22

Min ya'n ɔ'a jue kɛ sin sa. Ɔ yra like mun lele ɔ kpɛn blɔlɔ lɔ. Ɔ yra asiɛ'n nin aliɛ b'ɔ fin nun fite'n. Ɔ yra lele kpɛn oka'm be takawlɛ'n i bo lɔ.