Ndɛ Nga Nyanmiɛn I Nuan Ijɔfuɛ Oze Kannin'n 8:4 - NYANMIƐN NDƐ'N 1998

⁴ Kɛ be ´sie be famiɛn mun'n, be bo-man min dunman nun, be ´sie bé su kpɛnngbɛn mun'n, n ti-man nun. Be fa jɛtɛ ufue nin sika ɔkwlɛ yɛ be yo amuɛn mun-ɔn, i sɔ'n ti kusu yɛ be wa wie nunnun nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 8:4 ပူးပေါင်းရင်းမြစ်များ

1 Famiɛn Mun 12:28

Famiɛn'n fali akunndan kun. Ɔ fali sika ɔkwlɛ fa yoli nannin ba nnyɔn yɛ ɔ seli nvle nunfuɛ'm be kɛ: «Izraɛlfuɛ mun, amu'an ɔ Zerizalɛm wie ala! Amun ninnge nga be ko fali amun Ezipt lɔ bali'n be yɛ be o yɛ .»

1 Famiɛn Mun 13:34

Nantilɛ tɛ sɔ'n man Zeroboam i awlo'n nunfuɛ'm be tɔli sa tɛ'n nun. I sɔ'n ti yɛ man osu sɔ'n i dunman'n nunnunnin mlɔnmlɔnmlɔn asiɛ'n su nin-ɔn.

1 Famiɛn Mun 16:31

Nɛbat i wa Zeroboam i sa tɛ b'ɔ yoli'n, i kunngba'n yɛ ɔ yoli-ɔ. Ɔ'a ka-man ng'ɔ o lɛ'n su, ɔ jali Ɛtbaal b'ɔ ti Sidɔnfuɛ'm be famiɛn'n i wa bla bɔ be flɛ i Zezabɛl'n, kpɛkuun ɔ ko kotoli Baal bo, yɛ ɔ sɔli i.

Zeremi 16:20

?Sran kun kwla yi like b'ɔ kwla niɛn i su-ɔ? ?Sɛ ɔ kwla yi'n, i sɔ like'n kwla niɛn i su?»

Ezekiɛl 18:31

Amun `gua sa tɛtɛ bɔ be kacili amun nzuɛn'n be blo mmua mmua lɔ. Man amun anwlɛn'n kaci uflɛ, man amun akunndan'n ɔ yo uflɛ. ?Izraɛlfuɛ mun, nguɛ ti yɛ amun klo kɛ amun ´wu-ɔ ?

Daniɛl 3:1

Famiɛn Nɛbikadnɛzar man be yoli sika ɔkwlɛ sran kun. I nglo-nglo su'n ti mɛtri ablasan, yɛ i tɛtrɛ nun'n ti mɛtri nsan. Be ko tɛkɛli i Dira lɔ lika kpɛtɛkplɛɛ'n nun Babilɔni akpasua'n su.

Ndɛ Nga Nyanmiɛn I Nuan Ijɔfuɛ Oze Kannin'n 13:1

Laa'n, kɛ Efraimfuɛ'm be ijɔ sa'n, srɛ kun sran'm be kwlaa. Izraɛl mɛn'n nun'n, be yɛ be ti Izraɛlfuɛ'm be su kpɛnngbɛn-ɔn, be yɛ be sie be-ɔ. Kpɛkuun be wa yoli sa tɛ, be sɔli Baal, yɛlɛ wulɛ bɔ be wuli'n.

Ndɛ Nga Nyanmiɛn I Nuan Ijɔfuɛ Oze Kannin'n 13:11

Yɛ min kusu m mannin amun famiɛn klunngbɔ su, kpɛkuun kɛ n fali min ya dan'n, n deli amun sa nun.

Ndɛ Nga Nyanmiɛn I Nuan Ijɔfuɛ Oze Kannin'n 13:2

Sran sɔ'm be tɛ yo sa tɛ'n be tɛ kɔ be nyrun, be fa jɛtɛ ufue be klo i kaci amuɛn. Be kpɛ bé ti nun yɛ be yi amuɛn sɔ mun-ɔn, i sɔ amuɛn liɛ'n be kwlaa be ti ajuin difuɛ kun sa nuan like. Sanngɛ kpɛkuun be ko se kɛ yoo: «Man be yi tɛ be man be.» ?Kɛ sran'm be tɔ nannin nun liɛ'n, amu'an wun i sɔ'n wie le?

Ndɛ Nga Nyanmiɛn I Nuan Ijɔfuɛ Oze Kannin'n 2:8

I sɔ'n ti m bɔbɔ min Anannganman'n, kɛ ɔ ´yo nan ɔ'a kwla wun-man atin'n ti n ´si i wun talɛ, n ´fa owie n ´tannin i.

Ndɛ Nga Nyanmiɛn I Nuan Ijɔfuɛ Oze Kannin'n 8:3

Sanngɛ kusu wuun b'a yi sa kpa yolɛ'n i blo, ɔ man kusu be ´wanndi be kpɔfuɛ'm be nyrun.

Matthieu 25:12

Sanngɛ ɔ seli be kɛ: ‹Nanwlɛ, n si-man amun.›

JÉSUS-CHRIST I DYASIN FE'N BO LUC KLELI'N 13:25

Kɛ awlo bo kpɛn'n ko to anuan nun'n, amun bɔ an ka gua su lɔ'n, amun ´bobo anuan'n amun ´se kɛ: ‹Nja, tike ye anuan!› Yɛ ɔ ´se amun kɛ: ‹N si-man amun finwlɛ.›

JÉSUS-CHRIST I DYASIN FE'N BO LUC KLELI'N 13:27

Yɛ i kusu ɔ ´se amun kɛ: ‹Amun kwlaa bɔ an yo sa tɛ'n, an `fa jao min wun lɛ, n si-man amun finwlɛ.›

Jean 10:14

N liɛ'n, n ti bua tafuɛ kpa. Kɛ n Si si min bɔ n kusu n si i'n, i kunngba nin-ɔn, n si m bua mun yɛ be kusu be si min. Yɛ m bua'm be ti n fa min wun m man.

Galasifuɛ Mun 4:9

?Sanngɛ siɛn'n, kɛ amu'an si Nyanmiɛn'n, annzɛ bɔ Nyanmiɛn bɔbɔ a si amun'n, nguɛ ti yɛ an klo kɛ amun ´sa amun sin kɔ ninnge ngbɛn-ngbɛn bɔ be kwla yo-man like fi'n bé sin ekun kɛ amun ´ko yo be akua-a?