Ndɛ Nga Nyanmiɛn I Nuan Ijɔfuɛ Oze Kannin'n 8:1 - NYANMIƐN NDƐ'N 1998

¹ An `bo awɛ be bo sran'm be jɔ. Anannganman i sran'm be kpɔfuɛ'm bé su tɔ bé su, kɛ anunman nyin tɔ like wie su'n sa. «Sa ti bɔ be tɔ bé su sɔ'n, yɛlɛ kɛ aenguɛ nga min nin be e trali'n, b'a saci i'n. I bo'n kun ekun yɛlɛ kɛ b'a bu-man min mmla'n i like fi kun.

Ndɛ Nga Nyanmiɛn I Nuan Ijɔfuɛ Oze Kannin'n 8:1 ပူးပေါင်းရင်းမြစ်များ

2 Famiɛn Mun 18:27

Safunyrɛn'n tɛli be su kɛ: «?Amun bu i kɛ amun nin amun min'n amun ngunmin yɛ e min liɛ'n sunmannin ye kɛ e wa kan ndɛ nga e kle amun-ɔn? Sran nga be o klɔ'n i wun talɛ'n su'n, be ti yɛ m bali i kanlɛ-ɔ. Ɔ cɛ kan-an, amun nin sran sɔ mun amun sewie'n yɛ amun wa di-ɔ, yɛ amun mmie'n yɛ amun wa nɔn-ɔn!»

Ezai 18:3

Amun nga amun wo mɛn wunmuan nun'n, amun bɔ amun tran asiɛ'n su'n, amun `nian nzɔliɛ nga be kplɛnnin i oka'm be su'n, amun `sie amún su kɛ be ´fita nnɛn wɛ nun'n.

Ezai 24:5

Sran nga be o asiɛ'n su'n be sacili i yɛlɛ kɛ be tɔnnin mmla'n, be kpɛli ndɛ nga be kan kleli be'n i wun, aenguɛ nga Anannganman nin be trali'n, b'ɔ ti blɛ'n kwlaa nun liɛ'n, b'a fɛ-mɛn i mmla'n su .

Ezai 58:1

Anannganman wan yoo: «Kpan kpanlɛ kpa, nán mian wɔ alowa'n!» Kpan kekle kɛ nnɛn wɛ bɔ be fita nun b'ɔ tɛ kekle'n sa, kan min nvle nunfuɛ'm bé sa tɛ'm bɔ be yo'n kle be, kan Zakɔb i osu'n nunfuɛ'm bé sa'm bɔ be yo'n kle be.

Zeremi 31:32

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ´ba'n, ɔ su yo-man kun. I sɔ aenguɛ liɛ'n be sacili i, sanngɛ kusu wuun min yɛ n ti be Min nin-ɔn.» Nga Anannganman'n kan'n yɛ ɔ o lɛ-ɔ.

Zeremi 34:18

Famiɛn'n i awlo lɔ sran dandan mun nga be o Zida klɔ'm be su'n nin be nga be o Zerizalɛm'n, be nin sran dandan mun, nin Nyanmiɛn nyrun jranfuɛ mun be kpɛli nannin kun bɔ ɔ'a kpɛ cro'n i nun nnyɔn, be sinnin i afiɛn be fa tali nda min nyrun. Sanngɛ b'a nian-man su b'a yo-man i su sa'n . I sɔ'n ti,

Zeremi 4:13

«Amun `nian, e kpɔfuɛ'n yɛ ɔ ´fu kɔ kɛ nyanmiɛn ble'n sa yɛ. I kakaklolo'm be tu kɛ seke sa, i nnɛn kpanngɔ'm be wanndi tra anunman nyin. Be `de ye o! Y'a wie mlin!»

Zeremi 4:5

«An `bo ndɛ nga n wa kɛn i yɛ'n i jɔ sin Zida mɛn'n nun. An `bo i ndolo Zerizalɛm lɔ. An `fita nnɛn wɛ'n nun mɛn'n nun. An `kpan kekle kpa be se kɛ: ‹Be `yia o! Be `yia klɔ nga be sisi be wun'n be nun o.›

Zeremi 48:40

Anannganman'n wan yoo: ‹Like'n tu sin kɛ anunman nyin sa. Ɔ trɛtrɛ i ndɛwa'n nun Moab su.›

Zeremi 49:22

Like'n ɔ'a trɛtrɛ i ndɛwa'n nun kɛ anunman nyin sa ɔ su tu sin Bɔzra lika'n su. I le kun sɔ nun'n, Edɔm lɔ sonja'm be nun kpakpa'm be anwlɛn'n ɔ ´si kpukpukpu kɛ wunnzɛfuɛ wie bɔ i klun su yo i ya'n sa.»

Zeremi 51:27

«An `kplan flanga mɛn'n nun. An `fita nnɛn wɛ'n nun nvle-nvle'm be nun lɔ. An `kpa sran kpanngban kpa man be nin Babilɔni be ko kun. An `flɛflɛ nvle-nvle'm be nunfuɛ mun. Ɔliɛ Ararat lɔfuɛ mun nin Mini lɔfuɛ mun, ɔ nin Askenazfuɛ mun. An `siesie sran man be kpa sonja i sɔ mɛn liɛ'm be nun. An `fa nnɛn kpanngɔ kpanngban kpa kɛ lalo mun sa man be nin i wɔ kunlɛ.

Zeremi 6:1

«Bɛnzamɛn i osu nunfuɛ mun, an `jaso Zerizalɛm be ko fia. An `bo awɛ Tekoa lɔ. An `sie nzɔliɛ kun Bɛt-Akerɛm lɔ. Nyrɛnnɛn dan kpa kun fin mɛn'n i nglo lɔ su ba.

Ezekiɛl 11:4

I sɔ'n ti klɔ sran, kan min nuan ndɛ'n wɔ be.»

Ezekiɛl 16:59

Afin Anannganman Nyanmiɛn'n wan yoo: «Wɔ bɔ w'a bu-man nda nga a tali'n i akunndan kun'n, kɛ a fa yoli'n, yɛ n kusu n ´fa yo wɔ-ɔ.

Ezekiɛl 17:3

Se be kɛ: ‹Anannganman Nyanmiɛn'n wan yoo: Anunman nyin dan bɔ i ndɛwa'm be ti dandan vugba-vugbaa, bɔ i ndrɛ'm be ti tɛnndɛn'n, b'ɔ ti klanman toto nun'n, ɔ ɔli lele juli Liban yɛ ɔ ko kpɛli waka nga be flɛ kɛ sɛdri i ti'n su.

Ezekiɛl 7:14

Be ´bo awɛ'n, be ´siesie bé wun, sanngɛ sran fi su kɔ-man alɛ kunlɛ, afin min ya dan'n ɔ'a jaso amun sran kpanngban sɔ'm be kwlaa bé wun.› »

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Ndɛ Nga Nyanmiɛn I Nuan Ijɔfuɛ Oze Kannin'n 5:8

«An `bo awɛ Gibea lɔ, an `bo awɛ Rama lɔ, an `bo sro Bɛt-Avɛn lɔ, Bɛnzamɛn akpasua sufuɛ mun, amun `nian amun wun kpa.

Ndɛ Nga Nyanmiɛn I Nuan Ijɔfuɛ Oze Kannin'n 6:7

«Adam klɔ lɔ yɛ amun nin min buli nun-ɔn, lɛ yɛ amun kacili amun sin sili min-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 9:15

Anannganman waan: «Ajalɛ nnyɔn-nnyɔn'n, Gilgal lɔ yɛ m boli i wunlɛ bo-ɔ, lɔ yɛ mín nyin fa cili be-ɔ. Ɔ man i ti'n, n wa kan bé bo min awlo'n nun, bé nyin kekle'n ti n su klo-man be kun. Be nin be famiɛn i awlo lɔ sran dandan'm be kwlaa yɛ n su klo-man be kun nin-ɔn.

Zoɛl 2:1

An `bo awɛ Siɔn lɔ, an `bo ndolo min oka'n su lɔ. Mɛn nga nunfuɛ mun, an `usu, afin Anannganman'n i cɛn'n wo balɛ, ɔ'a mantan koko .

Zoɛl 2:15

An `ko bo awɛ Siɔn lɔ be `flɛflɛ sran mun nan an `yia. An `yia nan an `sie nglɛmun cilɛ blɛ kun.

Amɔs 3:6

?Klɔ kun su'n sɛ be ´bo awɛ'n, sran'm be usa-man kɛ nguɛ sa-a? ?Sa onin yɛ ɔ tɔ klɔ kun su sa bɔ nán Anannganman'n yɛ ɔ mɛn i wun atin-ɔn?

Amɔs 8:3

Anannganman Nyanmiɛn wan yoo: «Min jɔlɛ dilɛ cɛn sɔ nun'n, famiɛn sua'n nun jue tofuɛ'm be ´yaci jue tolɛ be ´sun. Fuɛn'm be ´tru lika'n nun sa trutrɛɛ, kpɛkuun lika'n ´tɔ sa bliin.»

Amɔs 9:1

N ´wun Anannganman nin-ɔn, ɔ jin i sɔwlɛ'n su. I waan: «Man be bubu sua ja'm bé ti su nglo gbagblagba'n nan Nyanmiɛn sua'n i nyrun lika'n ɔ `keje. N ´kpuke sran'm be kwlakwla bé ti'n nun, sɛ be wie ka lɛ'n, n ´yo man be nunkun be. Sran fi su kwla wanndi-man. Be wie su fi-man nun fite-man.

Abakik 1:8

Be nnɛn kpanngɔ'm be kwla wanndi be tra kangale. Be wun yo mmlɛ tra blo alua'm bɔ be di kɔnguɛ koniɛn'n. Kɛ be nnɛn kpanngɔ fufuɛ'm be fin mmua lɔ be ´ba'n, be tu sa bɛiin, kpɛkuun be jra lɔ kli! Be nnɛn kpanngɔ'm be fin mmua lɔ be tu kɛ anunman nyin b'ɔ su fuan i nnɛn'n sa.

Sofoni 1:16

Sonja nga be fin lika wie be bali kɛ be nin be kpɔfuɛ mun be ´kun alɛ'n, be ´bo awɛ yɛ be ´kpan alɛ kpanlɛ. Klɔ nga be si be wun'n, bɔ be lɛ sasawlɛ sua nglo-nglo'n be nin be nunfuɛ'm bé kun.

Zakari 11:1

Liban, tike wɔ anuan mun man sin n di ɔ sɛdri waka mun.

Zakari 9:14

Anannganman'n ´fite i sran'm bé ti su nglo. I ta mma'n ɔ ´tu kɔ kɛ nyanmiɛn b'ɔ su kpa sin'n sa. Anannganman Nyanmiɛn'n ɔ ´bo awɛ, kpɛkuun ɔ ´ba mɛn'n i ngua lɔ lika'n nun lɔ aunngban dan'n i nun.

Matthieu 24:28

Lika nga like fuɛn o lɛ'n, lɛ yɛ apɛtɛkuasi'm be yia-a .»

Mmla'n 28:49

Anannganman ´yo man nvle wie nunfuɛ'm bɔ amun ti-man be aniɛn'n, be ´fɛ i mɛn'n i bue kun lɔ lele be wa tɔ amún su. Be ´jra amún su kɛ anunman nyin su jra like su sa.