Ndɛ Nga Nyanmiɛn I Nuan Ijɔfuɛ Oze Kannin'n 7:9 - NYANMIƐN NDƐ'N 1998

⁹ I wunmiɛn ng'ɔ o i nun'n, aofuɛ'm b'a fa, sanngɛ ɔ si-man sɔ. I ti'n ɔ'a bo je sanngɛ ɔ wun-man nun kɛ ɔ'a yo oke.

Ndɛ Nga Nyanmiɛn I Nuan Ijɔfuɛ Oze Kannin'n 7:9 ပူးပေါင်းရင်းမြစ်များ

2 Famiɛn Mun 13:22

Azaɛl b'ɔ ti Sirifuɛ'm be famiɛn'n kleli Izraɛlfuɛ'm be yalɛ Zɔakaz i nyin su lele fa juli Zɔakaz i wie cɛn.

2 Famiɛn Mun 15:19

Be o lɛ kpɛkuun Pil b'ɔ ti Asiri famiɛn'n ɔ'a wlu Izraɛlfuɛ'm be mɛn'n nun. Yɛ Mɛnaɛm fali sika tɔnun ablasan mɛnnin i kɛ ɔ ukɛ i nan i sielɛ'n `taka.

Nyanndra Mun 23:35

A ´se ɔ klun lɔ kɛ: «?N kpa'n, sran wie boli min kusu min lika yo-man min ya? Be boli min nin ngble, m'an wun-man nun. ?N ´yo sɛ nan m'an jaso? Sɛ n yo blɛblɛ nan n jaso'n, n ´srɛ nzan ekun n ´nɔn.»

Ezai 1:7

Amun mɛn'n ɔ'a bo, sin'n ɔ'a di amun klɔ mun. Aofuɛ'm be fɛn amun bo ninnge mun amun bɔbɔ amun nyrun lɛ. Amun mɛn'n ɔ'a yo kɛ aawlɛ flɛnnɛn'n sa, ɔ ti kɛ sran wie mun b'a wlu mɛn kun nun b'a saci i sa.

Ezai 48:8

B'a kan kle-man amun, amu'an ti-man nun ndɛ fi, amún su wa ti-man nun mlɔnmlɔn. Afin n si kɛ amun ti gblɛfuɛ. Kɛ amun wo amún nin klun bɔbɔ'n, be flɛ amun kɛ: Nyin Keklefuɛ mun.

Ezai 57:1

Sran kpa'm be wu, sanngɛ sran fi ndɛ nun-man be ndɛ nun. Sran kpakpa'm be wu, sanngɛ sran fi wun-mɛn i wlɛ kɛ kɛ ɔ ´yo nan nyrɛnnɛn ɔ'a tɔ-man sran'm be su'n, i ti yɛ man be wu sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Ndɛ Nga Nyanmiɛn I Nuan Ijɔfuɛ Oze Kannin'n 8:7

Sɛ n ´kwla se'n, aunngban yɛ amun luali-ɔ, seke b'ɔ tu'n kusu yɛ amun wa ti-ɔ. ?Ble fekle'n, be fa yi sanmlɛn sɛ yɛ ɔ yo ye-ɔ? Sɛ bɔ be fa yi sanmlɛn'n aofuɛ mun yɛ be ´di-ɔ.