Ndɛ Nga Nyanmiɛn I Nuan Ijɔfuɛ Oze Kannin'n 7:5 - NYANMIƐN NDƐ'N 1998

⁵ Cɛn nga be ´di famiɛn'n i cɛn'n, kɛ famiɛn'n i awlo lɔ sran dandan'm be ko nɔn nzan'n b'ɔ ko ti be'n, kpɛkuun ndɛ'm be su floflo bé nuan.

Ndɛ Nga Nyanmiɛn I Nuan Ijɔfuɛ Oze Kannin'n 7:5 ပူးပေါင်းရင်းမြစ်များ

Bo Bolɛ 40:20

Le nsan'n su'n, kɛ Ezipt famiɛn'n di i awuliɛ cɛn'n, ɔ flɛli i mantanfuɛ'm be kwlaa kɛ be wa di like, nan ɔ'a man nzan sufuɛ'm be su kpɛnngbɛn'n nin kpaun tɔnfuɛ'm be su kpɛnngbɛn'n bé sa su i mantanfuɛ'm be nyrun.

1 Famiɛn Mun 13:4

Kɛ famiɛn Zeroboam tili Betɛl i sraka yiwlɛ i wun ndɛ bɔ Nyanmiɛn i nuan ijɔfuɛ'n kannin'n, ɔ tinngɛli i sa'n sraka yiwlɛ'n su yɛ ɔ seli kɛ: «Be `trɛ i!» Kpɛkuun i sa b'ɔ tinngɛli nun'n kali lɛ wuli. I waan ɔ ´yi i sa nin-ɔn, ɔ yo-man ye,

Jue Mun 1:1

Sran ng'ɔ tie-man be nga be bu-man Nyanmiɛn nin i nuan ndɛ'n be like fi'n be afɔtuɛ'n, b'ɔ fa-man sa tɛ yofuɛ'm be atin'n su'n, b'ɔ nin be bɔ be yo Nyanmiɛn i finfin'n be tran-man likawlɛ'n, i liɛ su ti ye!

Jue Mun 69:12

N waan man n wla bajɛ tralɛ, sanngɛ ɔ nin i sɔ ngba'n be ´fa min kpɛ flɛn.

Nyanndra Mun 13:20

Sran ng'ɔ fɛ i wun mantan ngwlɛlɛfuɛ'n, ɔ kaci ngwlɛlɛfuɛ. Sran nga kusu b'ɔ fɛ i wun mantan sinnglinfuɛ'n, ɔ kaci sinnglinfuɛ.

Nyanndra Mun 20:1

Nzan'n man sran di tutre, nzan kekleekle mun man sran ijɔ fiaii. Sran ng'ɔ nɔn nzan ngboko'n, ɔ si-man ngwlɛlɛ .

Ezai 28:1

Samari klɔ'n b'ɔ ti kɛ famiɛn kle sa'n, bɔ Efraim nzanboɛfuɛ'm be fa di be nuan'n, sɛ ɔ ti sran'n, wuun n ´se kɛ i yako! Ɔ o kongo bɔ be yo nun like-ɔ ɔ yo ye'n i nglo, waka nyrɛ bɔ ɔ'a glɔ'n, ɔ'a fa fɛfɛ i wun kɛ like kpa wie sa. I nun sran bɔ nzan'n ɔ'a saci be'n be yako.

Ezai 28:14

I sɔ'n ti, amun nga amun yo sran'm be finfin'n, amun bɔ amun sie Zerizalɛmfuɛ mun'n, amun `sie amún su tie Anannganman i ndɛ'n.

Daniɛl 5:23

A jasoli Nyanmiɛn b'ɔ ti nglo lɔ famiɛn'n i wun. A wɔli i safle. I safle b'ɔ a wɔli i'n yɛlɛ kɛ wɔ man be ko fali i sua dan'n nun lɔ klowa mun blɛli wɔ. A nin ɔ sran dandan mun, nin ɔ́ yi mun, ɔ nin ɔ soman mun amun nɔnnin be nun nzan. Kpɛkuun a manmannin amuɛn nga be fali jɛtɛ ufue, nin sika ɔkwlɛ, nin aaba, nin blalɛ, nin waka, ɔ nin yɛbuɛ yɛ be fa yoli be'n. Sanngɛ amuɛn sɔ'm be wun-man ase, bé su ti-man sa, be si-man sa fi. Yɛ w'a bu-man akunndan kɛ a ´mɛnmɛn i bɔ ɔ nguan nyanman'n wo i sa nun'n b'ɔ si wɔ agualiɛ'n.

Ndɛ Nga Nyanmiɛn I Nuan Ijɔfuɛ Oze Kannin'n 7:3

Be klunwi aeliɛ'n jɔ famiɛn'n klun. Gblɛ nga be kpɛ'n, ɔ jɔ famiɛn'n i awlo lɔ sran dandan'm be kusu be klun.

Matthieu 14:6

Kɛ Erɔd ´di i awuliɛ cɛn'n, Erɔdias wa talua'n ɔ wa sili able be bɔ Erɔd yiali be'n be nyrun lɛ, ɔ yoli i fɛ.

Marc 6:21

Sanngɛ Erɔd i awuliɛ cɛn dilɛ nun b'ɔ yiɛli i awa junman difuɛ kaklaakla mun, nin i sonja sasufuɛ mun, ɔ nin Galile sran dandan mun kɛ be wa di cɛn'n, cɛn nga Erɔdias minndɛ'n ɔ juli.

Efɛzfuɛ Mun 5:18

Nán an nɔn nzan bo, afin ɔ yo sran wannzo, sanngɛ man Nyanmiɛn Wawɛ'n sie amun mlɔnmlɔn.