Ndɛ Nga Nyanmiɛn I Nuan Ijɔfuɛ Oze Kannin'n 7:14 - NYANMIƐN NDƐ'N 1998

¹⁴ Be kpan flɛ min kɛ n wa de be, sanngɛ min flɛlɛ sɔ'n ɔ jɔ-man be klun kpa. Kɛ be la'n, be bu-man be nyinma, be kpli be bɛ'n su kplakplakpla. Be liɛ'n be bu i kɛ, kɛ be bobo bé wun kannin'n yɛ be wa nyan aliɛ be ´di-ɔ, yɛ be ´nyan nzan lɔflɛ be ´nɔn-ɔn. Kusu wuun kɛ ɔ ´yo sɔ'n, wuun e nin be ye afiɛn'n ɔ'a saci.

Ndɛ Nga Nyanmiɛn I Nuan Ijɔfuɛ Oze Kannin'n 7:14 ပူးပေါင်းရင်းမြစ်များ

Ezipt Lɔ Tulɛ'n 32:6

Nglɛmun ndɛ kpa'n, kɛ aliɛ cɛnnin'n, be yili tɛ nga be yra be nnɛn'n kɔlikɔli'n nin bo kun yolɛ'n i su tɛ mun. Nvle'n i nunfuɛ'm be trannin ase be dili like be nɔnnin nzan, i sin be jasoli kannin ngowa .

Ezai 29:13

Anannganman waan: «Sran nga be mantan min'n, be nuan ngbɛn yɛ be fa manman min-ɔn, be yo i bé nuan bui su ngbɛn, be anwlɛn'n ɔ nun-man min su. Yɛ bé nyin bɔ be waan ɔ yi min'n, ɔ ti kɛ like yɛ sran'm be kleli yɛ be nian su be yo sa.

Ezai 52:5

?Yɛ siɛn'n, kɛ bɔ be trali min nvlefuɛ mun lomuɛn sa ngbɛn'n, nzu sa yɛ n wa yo-ɔ?» Anannganman yɛ ɔ usa sɔ-ɔ. «Yɛ be nga be kwlali min nvlefuɛ mun'n, be bo sro, ɔ lɛ-man cɛn bɔ be yo-man min dunman'n i finfin-ɔn .» Anannganman yɛ ɔ se sɔ-ɔ.

Ezai 65:14

Be klun ´jɔ lele tratra su, i ti be ´bo sro, sanngɛ amun liɛ'n, nyrɛnnɛn b'ɔ wa tɔ amun su'n ti amun ´kplin. Yɛ awlaboɛ b'ɔ ´kun amun kpo'n ti, amun ´fɛfɛ.

Zeremi 12:2

A ta be kɛ waka sa. B'a tra ndin, be su nyin, be su su mma. Ɔ dunman'n jaso-man be nuan nun le, sanngɛ wuun be anwlɛn'n nun-man ɔ su.

Zeremi 3:10

Sanngɛ ɔ nin i sɔ'n ngba'n i niaan bla Zida b'ɔ kunndɛ bian min bo'n, ɔ'a sɛ-mɛn i sin mín wun nanwlɛ su, ɔ kpɛli min gblɛ .» Anannganman'n yɛ ɔ kan sɔ-ɔ.

Ngwlɛ Yilɛ 2:18

Zerizalɛm, bo awuyomo! Sun man ɔ Min'n i su ti. Kɔnguɛ o, wia nun o, nán yaci sunlɛ'n. Sun tititi, nán lo wunmiɛn. Nán ɔ nyinmuɛn'n ɔ yaci gualɛ'n.

Ndɛ Nga Nyanmiɛn I Nuan Ijɔfuɛ Oze Kannin'n 13:6

Kɛ amun nyannin aliɛ dili bɔ amun ku yili'n, yɛ amun boli amún wun tulɛ'n bo-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 13:9

Izraɛlfuɛ mun, amun nunnunlɛ'n ɔ fin min wun bɔ amun jasoli'n. ?Wan yɛ ɔ wa uka amun-ɔn?

Ndɛ Nga Nyanmiɛn I Nuan Ijɔfuɛ Oze Kannin'n 3:1

Anannganman'n seli min kɛ: «Kɔ nan bla nga b'ɔ lɛ bian, bɔ sanngɛ bian cɛ yɛ ɔ kunndɛ i wun bo'n, a nin i be ko la ekun. Klo i kɛ m bɔbɔ min Anannganman n fa n kloli Izraɛlfuɛ mun sa, bɔ sanngɛ amuɛn mun yɛ be kpɛ be sin atin-ɔn. Yɛ vinyi mma gato dilɛ yɛ be klo-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 8:2

Be ´kpan se min kɛ: ‹E Nyanmiɛn, e ti Izraɛlfuɛ, e liɛ e si wɔ.›

Amɔs 2:8

Lika kwlaa bɔ be sɔ be amuɛn'm be lɛ'n, yalɛfuɛ'm bé wun ninnge nga be fa wlali aowa bé sa nun'n yɛ be sɛ be la su-ɔ. Nzan nga be dede i be sran'm bé sa nun'n, yɛ be nɔn i be amuɛn sua'm be nun-ɔn.

Amɔs 8:3

Anannganman Nyanmiɛn wan yoo: «Min jɔlɛ dilɛ cɛn sɔ nun'n, famiɛn sua'n nun jue tofuɛ'm be ´yaci jue tolɛ be ´sun. Fuɛn'm be ´tru lika'n nun sa trutrɛɛ, kpɛkuun lika'n ´tɔ sa bliin.»

Mise 2:11

Sɛ sran wie kpɛ i ti nun se kɛ: «Nyanmiɛn waan: ‹Amun ´nyan nzan nin nzan kekleekle mun'n,› i sɔ sran finfinfuɛ liɛ'n yɛ an bu i Nyanmiɛn nuan ijɔfuɛ-ɔ .»

Zakari 7:5

I waan n `se Nyanmiɛn nyrun jranfuɛ nin mɛn nga nunfuɛ'm be kwlaa kɛ: «?Nglɛmun nga an ci'n nin sunlɛ nga an sun afuɛ nuan kun nun anglo i nnun'n su nin anglo i nso'n su bɔ ɔ'a di afuɛ ableso yɛ'n, amun waan min yɛ an ci nglɛmun sɔ'n be man min-ɔn?

Rɔmfuɛ Mun 16:18

Afin sran wafa sɔ mun'n, nán Krist b'ɔ ti e Min'n i junman yɛ be di-ɔ. Be bɔbɔ be klun sa liɛ'n yɛ be yo-ɔ. Be fa bé nuan laka be nga be nian wun-man sa wlɛ'n.

Filipfuɛ Mun 3:19

Be agualiɛ yɛlɛ be mlinlɛ, be Nyanmiɛn'n yɛlɛ be ku'n. Like nga sran yo-ɔ ɔ guɛ i nyin ase'n yɛ be fa di bé nuan-an. Mɛn'n nun ninnge'n yɛ ɔ lo be-ɔ.

Jacques 4:3

Sɛ an srɛ'n an nyɛn-mɛn i, yɛlɛ kɛ amun klun akunndan'n ti-man kpa, afin an klo kɛ sɛ an nyɛn i-ɔ amun ´fa yo like nga amun klun klo'n.

Jacques 5:1

Anyanbeunfuɛ mun, an `sie amún su! Nyrɛnnɛn b'ɔ wa tɔ amún su'n ti'n, an `bo awuyomo, yɛ an `sun!

Jɔlɛ Difuɛ Mun 9:27

Le kun be ɔli fie su be ko tili vinyi mma. Be cuɛnnin i nzue. Be fa dili cɛn su. Be fa dili cɛn be amuɛn'n i sua'n nun. I sin be boli Abimelɛk i sannzan.