Ndɛ Nga Nyanmiɛn I Nuan Ijɔfuɛ Oze Kannin'n 7:12 - NYANMIƐN NDƐ'N 1998

¹² Sanngɛ kɛ be ´tu kɔ sɔ'n, n ´to min lala'n n ´gua bé su, n ´yi be ase kɛ anunman sa. Kɛ be sa tɛ'n fa ti ju'n, i su yɛ n ´fa tu be fɔ-ɔ .

Ndɛ Nga Nyanmiɛn I Nuan Ijɔfuɛ Oze Kannin'n 7:12 ပူးပေါင်းရင်းမြစ်များ

Zɔb I Nyrɛnnɛn Wunlɛ 19:6

Sanngɛ man amun si kɛ Nyanmiɛn yɛ man sa sɔ'n tɔli min su-ɔ, ɔ guali i lala'n min su.

Akunndanfuɛ'n 9:12

Kɛ kpatra'n b'ɔ ´wun i wun-ɔn, lala ɔ'a trɛ i'n, annzɛ anunman'n b'ɔ ´wun i wun-ɔn, aya ɔ'a trɛ i'n, kɛ klɔ sran'n kusu ɔ ti sɔ-ɔ, ɔ si-man cɛn nga nyrɛnnɛn'n ɔ wa tɔ i su-ɔ. Blɛ wie'n, sran'n sunnzun-man kɛ sa su wa nyɛn i, kpɛkuun sa wie ɔ'a tɔ i su ɔ'a blɛblɛ i wun.

Zeremi 16:16

Anannganman waan: «N wa sunman jue trafuɛ kpanngban kɛ be ko tra be. I sin n ´sunman koniɛn difuɛ kpanngban kɛ be di be wun koniɛn oka mun, nin kpɔlɛ'm be su, ɔ nin yɛbuɛ buɛ'm be kwlakwla be nun.

Zeremi 44:4

N sunmannin min sufuɛ'm be kwlaa bɔ be ti min nuan ijɔfuɛ mun bé wun. M'an yaci-man be sunmanlɛ le. N yoli man be seli be kɛ: tete sa'n ɔ ti min ciliɛ, nán amun yo be.

Ezekiɛl 12:13

N wa to min tɛ'n n ´sin yiɛ i yɛ ɔ ´trɛ i, ɔ ´tɔ min tɛ'n nun. N ´fɛ i n kɔ Babilɔnifuɛ'm be mɛn'n nun lɔ. Ɔ su wun-man mɛn sɔ'n, sanngɛ ɔ ´wu lɔ .

Ezekiɛl 17:20

N wa suɛ i bo aya nan n ´trɛ i. I kpɔcilɛ ng'ɔ kpɔcili min'n ti n ´fɛ i n kɔ Babilɔni lɔ, lɔ yɛ be ´ko di i jɔlɛ-ɔ.

Ezekiɛl 32:3

Anannganman Nyanmiɛn wan yoo: «N wa to min lala'n n ´gua wɔ su. Sran bɔ be yia kpanngban'm be ´cuɛn wɔ min tunman'n nun.

Ndɛ Nga Nyanmiɛn I Nuan Ijɔfuɛ Oze Kannin'n 5:9

Fɔ tulɛ cɛn'n nun, Efraim mɛn'n ´bo. Ndɛ nga n su kan kle Izraɛl akpasua mun yɛ'n, ɔ ´ju sakpa.

Sa nglô yile 3:19

Be kwlaa nga n klo bé sa'n, n ijɔ be, yɛ n tu be fɔ. I sɔ'n ti, an `yaci amun nyrun kouun yolɛ'n, yɛ an kaci amun nzuɛn'n .