Ndɛ Nga Nyanmiɛn I Nuan Ijɔfuɛ Oze Kannin'n 6:9 - NYANMIƐN NDƐ'N 1998

⁹ Sisɛm atin'n su lɔ'n, min nyrun jranfuɛ akpasua kun b'a kaci be liɛ kodiawiefuɛ. Be sa sran'm be nyrun yɛ be kun be-ɔ. I sɔ ndɛ liɛ'n ti kain.

Ndɛ Nga Nyanmiɛn I Nuan Ijɔfuɛ Oze Kannin'n 6:9 ပူးပေါင်းရင်းမြစ်များ

Bo Bolɛ 12:6

be sinnin mɛn sɔ'n nun, be ɔli lele be juli Sisɛm, be toli Mɔre lɔ sɛni waka'n. I blɛ sɔ nun'n, wuun Kanaanfuɛ mun yɛ be tran lɛ-ɔ.

1 Famiɛn Mun 12:25

Zeroboam sili Sisɛm klɔ'n i wun talɛ Efraim oka'n su lɔ nan ɔ'a tran lɔ. I sin ɔ fɛli i lɛ ko sili Peniɛl klɔ'n i wun wie.

Ɛsdras 8:31

E jasoli Aava nzue ba nuan lɛ anglo klikli'n i le blu le nnyɔn'n su, e fali Zerizalɛm atin'n. E Nyanmiɛn'n jin é sin ɔ man e kpɔfuɛ mun ɔ nin sran'm bé bo ninnge fɛnfuɛ bɔ be fiafia atin nun'n, b'a nyan-man ye.

Zeremi 11:9

Anannganman'n seli min kɛ: «Zidafuɛ nin Zerizalɛmfuɛ kpa'n, b'a cici min wun ndɛ.

Ezekiɛl 22:25

Ɔ su kpɛn'm b'a cici lɔ, be ti kɛ asɔmɔli bɔ be kpan be di be nnɛn'n sa, be kun sran mun be fa be sika'n nin be anwlɛn su ninnge kpakpa mun kekle su. B'a yo man be di-man angboti mmla'm be yalɛ kun siɛn'n.›

Ezekiɛl 22:27

Bé famiɛn i awlo lɔ sran dandan'm be liɛ be ti kɛ gboklo bɔ be di nnɛn'n sa. Be akunndan nga be bu'n yɛlɛ sran kunlɛ. Be kun sran be fa kunndɛ sika.

Ezekiɛl 22:9

Ɔ lɔ'n, sran wie'm be o lɔ be saci sran'm be dunman nan be `kun be. Sran nga be o ɔ lɔ'n, be di amuɛn aliɛ oka'm be su. Be fa wlaka yolɛ'n be cici bé ti.

Ezekiɛl 23:27

N wa sie ɔ wlaka nin ɔ tekle nga a sɔ i bolɛ su Ezipt lɔ'n i ti. Ɔ nyin su blo-man sran wun kun. A su bu-man Eziptfuɛ'm be akunndan kun.›

Ndɛ Nga Nyanmiɛn I Nuan Ijɔfuɛ Oze Kannin'n 2:10

Ɔ'a wun-mɛn i wlɛ kɛ min yɛ m mɛnnin i aliɛ ng'ɔ di'n, nin nzan lɔflɛ ng'ɔ nɔn'n, ɔ nin ngo ng'ɔ kpakpa nin-ɔn. Yɛ ɔ'a wun-mɛn i wlɛ kɛ min yɛ m mɛnnin i jɛtɛ ufue nin sika ɔkwlɛ ng'ɔ fa yi sraka mannin amuɛn nga be flɛ i Baal nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 4:2

Like nga be yo i siɛn'n yɛlɛ be wiengu'm be amuɛn wualɛ nin be lakalakalɛ, nin be kunlɛ, nin bé bo ninnge'm be wualɛ, nin sran'm be bɔbɔ be wualɛ, ɔ nin be wiengu'm bé yi nin bé wun'm bé bo kunndɛlɛ. Sran kunlɛ'n yɛ be jin su sa mlɔnmlɔnmlɔn-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 5:1

«Nyanmiɛn nyrun jranfuɛ mun, amun `sie amún su be `tie ndɛ nga kpa! Izraɛlfuɛ mun, amun `sie amún su kpa! Famiɛn i awlofuɛ mun, an `sie amún su! Ndɛ nga ti amun liɛ, yɛlɛ kɛ Mizpa lɔ'n, amun kacili kɛ aya sa min sran'm bé bo, amun kacili kɛ tɛ bɔ b'a guɛ i Tabɔr oka'n su'n sa.

Ndɛ Nga Nyanmiɛn I Nuan Ijɔfuɛ Oze Kannin'n 5:2

Kpɛkuun Sitim lɔ kusu'n, amun kacili kunman kploun kpa kun b'ɔ nannan bé bo-ɔ. I lɛ'n ti man m bɔbɔ min Anannganman'n, n wa tu amun kwlaa amun fɔ.

Ndɛ Nga Nyanmiɛn I Nuan Ijɔfuɛ Oze Kannin'n 7:1

«Kɛ n waan n ´yo Izraɛlfuɛ mun nan be `yo juejue'n, kpɛkuun Efraimfuɛ'm be fɔnlɛ liɛ'n, ɔ nin Samarifuɛ'm be sa tɛtɛ nga be yo be'n yɛ b'a tɛ nglo yɛ. Be lakalaka sran'm be di bé wun ninnge mun. Awiefuɛ'm be wluwlu sua'm be nun, kodiawiefuɛ'm be gua klɔ nun atin'm be nun yɛ be yo abɔlɛ nin-ɔn.

Mise 3:9

Zakɔb anunman'm bé su ngbɛn mun, Izraɛl jɔlɛ difuɛ mun, amun yɛ n kan ndɛ nga m man amun-ɔn. Amun bɔ an klo-man nanwlɛ dilɛ, bɔ gblɛ'n yɛ amun kpɛ'n,

Mise 7:2

Cuekee! Sran nga be nin Nyanmiɛn be tran klanman'n b'a wie mɛn'n nun, sran fi di-man nanwlɛ kun. Sran kunlɛ akunndan'n yɛ be bu-ɔ, ɔ lɛ-man be nun kun, be sua-sua be wiengu wun aya.

Sofoni 3:3

I famiɛn i awlo lɔ sran dandan'm be ti kɛ asɔmɔli b'ɔ su tian'n sa. I su jɔlɛ difuɛ'm be ti kɛ nsoso bɔ nnɔsua be ko di koniɛn bɔ sanngɛ nglɛmun be nyan-man like be kpisa-man'n sa.

Marc 14:1

Kɛ ɔ ka le nnyɔn nan Delɛ-cɛn'n nin kpaun bɔ kpaun ayre nun-man nun'n be cɛn dilɛ'n ɔ'a ju'n, Nyanmiɛn nyrun jranfuɛ dandan mun nin mmla klefuɛ'm be kwlaa be kunndɛ ngwlɛlɛ wafa nga be ´fa tra Jésus gblɛ nun be ´kun i'n.

Jean 11:47

Yɛ Nyanmiɛn nyrun jranfuɛ dandan mun nin Farizifuɛ'm be nin jɔlɛ difuɛ dandan mun be seli be kɛ: «E yo bian nga sɛ? Afin ɔ yi atrɛ kpanngban.

Sa nga bé yôli'n 4:24

Kɛ be tili'n, be kwlaa be mannin be nɛn'n su be seli Nyanmiɛn kɛ: «E Si, ɔ bɔ a yili nglo nin asiɛ'n, nin jenvie'n, ɔ nin ninnge'n kwlaa bɔ be o lɛ'n ,