Ndɛ Nga Nyanmiɛn I Nuan Ijɔfuɛ Oze Kannin'n 6:7 - NYANMIƐN NDƐ'N 1998

⁷ «Adam klɔ lɔ yɛ amun nin min buli nun-ɔn, lɛ yɛ amun kacili amun sin sili min-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 6:7 ပူးပေါင်းရင်းမြစ်များ

Bo Bolɛ 3:11

Nyanmiɛn usɛli i kɛ: «?Wan yɛ ɔ kan kleli wɔ kɛ ɔ́ wun ti kplɛn-ɔn? Kɛlɛ w'a di waka mma bɔ n seli wɔ kɛ nán a di'n!»

Bo Bolɛ 3:6

Kɛ bla'n nian waka nin-ɔn, i mma'm be yo nyɛnmɛn. Ɔ wun kɛ be wa yo fɛ nan be man sran ngwlɛlɛ-ɔ ɔ yo ye, yɛ ɔ ´ti wie di-ɔ, yɛ ɔ ´fa wie mɛn i wun b'ɔ o i wun lɛ nin-ɔn, yɛ i kusu ɔ ´di wie-ɔ.

2 Famiɛn Mun 17:15

Anannganman i mmla'n, ɔ nin aenguɛ ng'ɔ nin be nannan'm be trali'n, ɔ nin i afɔtuɛ ng'ɔ mannin be'n, be guɛli i kwlakwla i ase. Be fali bé wun wlali ninnge ngbɛn-ngbɛn'm bé sa nun, ɔ man be bɔbɔ be yoli ngbɛnfuɛ. Nvle nga be mantan be lɛ'n, bɔ Anannganman seli be kɛ nán be sɔnnzɔn be'n, be fali be nzuɛn'n.

Zɔb I Nyrɛnnɛn Wunlɛ 31:33

?N katali min sa tɛ'm be su kɛ sran sunman be yo'n sa? ?N fali min fɔnlɛ mun n fiali

Ezai 24:16

Be to jue asiɛ'n i awieliɛ lɔ, e ti. Be se kɛ: «Man be manman Nyanmiɛn b'ɔ yo sa i nuan su'n.» Sanngɛ n liɛ'n, n se min wun kɛ: «M'an mlin, m'an mlin, nyrɛnnɛn o n su.» Be nga be tu sran'm bé ja'n, be o be junman'n su. Be tu sran'm bé ja! Be di be junman'n.

Ezai 24:5

Sran nga be o asiɛ'n su'n be sacili i yɛlɛ kɛ be tɔnnin mmla'n, be kpɛli ndɛ nga be kan kleli be'n i wun, aenguɛ nga Anannganman nin be trali'n, b'ɔ ti blɛ'n kwlaa nun liɛ'n, b'a fɛ-mɛn i mmla'n su .

Ezai 48:8

B'a kan kle-man amun, amu'an ti-man nun ndɛ fi, amún su wa ti-man nun mlɔnmlɔn. Afin n si kɛ amun ti gblɛfuɛ. Kɛ amun wo amún nin klun bɔbɔ'n, be flɛ amun kɛ: Nyin Keklefuɛ mun.

Zeremi 3:7

N seli min wun kɛ: Sɛ ɔ yo lele'n, ɔ ´sɛ i sin ´ba. Kannzu ato-ɔ, ɔ'a sɛ-mɛn i sin. I niaan bla Zida b'ɔ kunndɛ bian min bo'n ɔ wunnin sa sɔ'n b'ɔ yo'n.

Zeremi 31:32

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ´ba'n, ɔ su yo-man kun. I sɔ aenguɛ liɛ'n be sacili i, sanngɛ kusu wuun min yɛ n ti be Min nin-ɔn.» Nga Anannganman'n kan'n yɛ ɔ o lɛ-ɔ.

Zeremi 34:18

Famiɛn'n i awlo lɔ sran dandan mun nga be o Zida klɔ'm be su'n nin be nga be o Zerizalɛm'n, be nin sran dandan mun, nin Nyanmiɛn nyrun jranfuɛ mun be kpɛli nannin kun bɔ ɔ'a kpɛ cro'n i nun nnyɔn, be sinnin i afiɛn be fa tali nda min nyrun. Sanngɛ b'a nian-man su b'a yo-man i su sa'n . I sɔ'n ti,

Zeremi 5:11

Yɛlɛ kɛ i Zida nvle nin o, i Izraɛl nvle nin o be nin min b'a nanti-man klanman.» Anannganman yɛ ɔ kan sɔ-ɔ.

Zeremi 9:6

I sɔ'n ti Anannganman b'ɔ sie mɛn wunmuan'n wan yoo: «N wa yi be nun fiɛn'n kɛ sika tɔnfuɛ'n fa yo'n sa. N ´sa be n ´nian. Afin be sa tɛ'n ti san i sɔ like cɛ yɛ n ´fa yo be-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 5:7

Be lakali Anannganman'n. I lakalɛ bɔ be ´lɛkɛ i'n, yɛlɛ gua su ba bɔ be wuli be'n. Ɔ man kusu anglo kunngba nun'n, be mɛn'n nin be ninnge'm be ´saci mlɔnmlɔn.

Ndɛ Nga Nyanmiɛn I Nuan Ijɔfuɛ Oze Kannin'n 8:1

An `bo awɛ be bo sran'm be jɔ. Anannganman i sran'm be kpɔfuɛ'm bé su tɔ bé su, kɛ anunman nyin tɔ like wie su'n sa. «Sa ti bɔ be tɔ bé su sɔ'n, yɛlɛ kɛ aenguɛ nga min nin be e trali'n, b'a saci i'n. I bo'n kun ekun yɛlɛ kɛ b'a bu-man min mmla'n i like fi kun.

Rɔmfuɛ Mun 5:14

Sanngɛ kɛ ɔ fin Adam blɛ su lele fa ju Moiz blɛ su'n, kannzɛ sa nga sran wie'm be yoli'n ɔ ti-man kɛ Adam b'ɔ tɔnnin mmla'n i liɛ'n sa'n, sanngɛ wie'n kwla be kwlaa. Kɛ be nian Adam sɔ'n, be wunnin ng'ɔ wa ba'n i wafa .

Mmla'n 31:20

N wa fa be n ´kɔ lika nga n tali be nannan'm be nda kɛ n ´fa man be'n i nun lɔ. Lɔ asiɛ sɔ'n ɔ yo like kpa, i kunngba'n o ti nnɛn tawlɛ klanman. Be ´di like be ku ´yi, be ´cɛn cɛn luklɔ-luklɔɔ, be ´tu amuɛn'm be ´sɔ be, kpɛkuun be su bu-man min like kun. Be ´saci aenguɛ nga e nin be trali'n.

Hébreu 8:9

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ba'n, ɔ su yo-man kun.› E Min'n seli kɛ: ‹I sɔ'n aenguɛ liɛ'n, b'a yo-mɛn i su sa'n, ɔ man n kusu m'an nian-man be lika.›