Ndɛ Nga Nyanmiɛn I Nuan Ijɔfuɛ Oze Kannin'n 6:6 - NYANMIƐN NDƐ'N 1998

⁶ Afin n klo aunnvuɛ nga be si sran'n tra tɛ nga be yi be man min'n. Kɛ be si kɛ n ti Nyanmiɛn'n, ɔ jɔ min klun tra tɛ nga be yi-ɔ be yrɛ i nnɛn'n kɔlikɔli'n .»

Ndɛ Nga Nyanmiɛn I Nuan Ijɔfuɛ Oze Kannin'n 6:6 ပူးပေါင်းရင်းမြစ်များ

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

Jue Mun 50:8

Nán sraka nga amun yi be'n be ti yɛ n ijɔ amun-ɔn. I kpa'n bɔ, tɛ nga be yrɛ i nnɛn'n kɔlikɔli'n, ɔ lɛ-man cɛn kun bɔ amun yi-man-an.

Nyanndra Mun 21:3

Nanwlɛ dilɛ'n nin nzuɛn kpa'n be ti cinnjin Anannganman nyrun tra tɛ yilɛ'n .

Akunndanfuɛ'n 5:1

Nán kpli kan ndɛ. Ndɛ nga ɔ waan a ´kan'n, dun mmua bu i wun akunndan nan w'a kan. Afin Nyanmiɛn'n wo nglo lɔ, ɔ kusu a o asiɛ'n su wa. I sɔ'n ti nán ijɔ fiaii .

Ezai 1:11

Anannganman wan yoo: «?Amun tɛ kpanngban bɔ amun yi'n, ɔ yo nzu ye yɛ ɔ man min-ɔn? Bua nene nga amun fa yi tɛ bɔ be yra be nnɛn'n kɔlikɔli'n, yɛ nannin nga b'a kpɛ cro bɔ amun fa yi bo kun yolɛ i su tɛ'n be lui'n, i kwlaa sɔ'n ɔ'a flan min. Nannin tola mun, nin bua nga b'a kpɛ cro'n mun, ɔ nin boli kpakpuɛ mun, bɔ amun fa yi afiɛn siesielɛ tɛ'n be mmoja'n, n kunndɛ-mɛn i kun.

Ezai 58:6

Nglɛmun cilɛ ng'ɔ ti n liɛ'n su'n yɛ: amun `nyannji be nga be cili be abɔlɛ su cilɛ nin jrɔkɔ'n, amun `de be nga be ti kanga'n bɔ be tin bé su'n, amun `yo man be nga be mian be kplɔlɔlɔ'n, be `nyan bé ti. E `kpɛ kpo e `se kɛ like kwlaa ng'ɔ kle kɛ sran ti kanga'n, amun `yo man ɔ wie .

Zeremi 22:16

Ɔ dili yalɛfuɛ nin nyrɛnnɛnfuɛ'm be ndɛ mun klanman, ɔ man kusu ɔ dili alaje. Anannganman usa kɛ: «?Nán kɛ sran yo sa yɛ be se kɛ ɔ si min-ɔn?

Zeremi 7:22

Afin kɛ n fali amun nannan mun Ezipt mɛn'n nun lɔ fiteli'n, m'an kan-man ndɛ fi m'an kle-man be. M'an man-man be mmla sraka wafa nnyɔn sɔ'n be su.

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Ndɛ Nga Nyanmiɛn I Nuan Ijɔfuɛ Oze Kannin'n 14:2

Izraɛlfuɛ mun, amun sa amun sin bla Anannganman amun Nyanmiɛn'n i wun, afin tɔlɛ nga amun tɔli'n, ɔ fin amún sa tɛ nga amun yoli'n.

Ndɛ Nga Nyanmiɛn I Nuan Ijɔfuɛ Oze Kannin'n 2:20

N ´yo man min sran mun be nin nnɛn mun, nin anunman mun, ɔ nin nnɛn nga be cuɛn bé wun ase'n be ´di anuansɛ. N ´saci mɛn'n nun ta nin tokofi'm be kwlaa, afin alɛ kunlɛ'n ´wie. Kpɛkuun min sran'm be kwlaa bé wun ´tɔ be fɔuun.

Ndɛ Nga Nyanmiɛn I Nuan Ijɔfuɛ Oze Kannin'n 4:1

Anannganman nin i mɛn'n nunfuɛ'm be lɛ ndɛ. Izraɛlfuɛ mun, an `tie ndɛ ng'ɔ kan'n: «Be wun-man sran nanwlɛfuɛ nin aklunyefuɛ kun. Min bɔ n ti Nyanmiɛn'n be bua-man min ndɛ nun mɛn nga nun kun.

Ndɛ Nga Nyanmiɛn I Nuan Ijɔfuɛ Oze Kannin'n 8:13

Nnɛn dilɛ klolɛ ti kɛ be jin min sɔlɛ'n su sa. Sanngɛ i sɔ tɛ nga be ´yi i lɛ'n, ɔ ti min nyrun sɔ saa. Nán kɛ ń wla wa fi bé sa tɛ sɔ nin-ɔn. N ´tu be fɔ. Be wa sa be sin Ezipt lɔ ekun.

Amɔs 5:21

Anannganman'n wan yoo: «Min wun wunlɛ ng'ɔ ju i blɛ-ɔ an ba'n, ɔ yo min kain, ɔ yo min tɛ. Amun anyia nga amun yia'n ɔ'a flan min.

Mise 6:6

«?Kɛ e ´ko yi tɛ e ´man Anannganman bɔ like fi nun-mɛn i sin'n, nguɛ like yɛ e `fa ko mɛn i-ɔ? ?Nannin ba nga be lɛ afuɛ kunngun'n be yɛ be `fa be ko yi tɛ nga, be yra be nnɛn'n kɔlikɔli'n be `mɛn i-ɔ?

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Matthieu 12:7

Be kɛn i kɛ: ‹N klo aunnvuɛ nga be si sran'n tra tɛ nga be yi be man min'n.› Sɛ ɔ ti kɛ an si ndɛ sɔ'n i bo'n, wuun an bu-man sran nga b'a di-man fɔ'n be fɔ .

Matthieu 5:7

Be nga be si aunnvuɛ'n, be liɛ su ti ye, afin Nyanmiɛn wa si be aunnvuɛ!

Matthieu 9:13

An `wɔ ko bu ndɛ ng'ɔ o yɛ'n i akunndan nan amun wun i wlɛ. Ndɛ sɔ'n yɛlɛ kɛ: ‹Afin n klo aunnvuɛ nga be si sran'n tra tɛ nga be yi be man min'n› afin m'an ba-man sran kpa'm be flɛlɛ, sanngɛ sa tɛtɛ yofuɛ mun yɛ m bali be flɛlɛ-ɔ .»

Marc 12:33

Yɛ kɛ be klo i kpa'n, bɔ be fa bé wla'n kwlaa guɛ i su'n, bɔ be akunndan'n kwlaa trɛn i su'n, bɔ be fa be wunmiɛn'n kwlaa yo like ng'ɔ kle kɛ be klo i'n, bɔ be klo be wiengu kɛ be bɔbɔ sa'n, i sɔ'n ti kpa tra tɛ nga be yrɛ i nnɛn kɔlikɔli'n, nin like nga be fa man Nyanmiɛn'n i kwlaa .»

1 Jean 2:3

Sɛ e fa Nyanmiɛn ndɛ'n su'n, i sɔ'n nun yɛ e ´si kɛ e si i sakpa-a.

1 Jean 3:6

Sran kwlaa ng'ɔ nin i be ti sran wunmuan'n, ɔ yo-man sa tɛ, sanngɛ sran kwlaa ng'ɔ yo sa tɛ'n, wuun ɔ'a wun-man i min sɔ'n yɛ ɔ'a si-mɛn i.

1 Samiɛl 15:22

Yɛ Samiɛl waan: «?Tɛ'm be yilɛ'n li yɛ Anannganman kunndɛ-ɔ, annzɛ i ndɛ'm be su falɛ nin-ɔn? Nian, ainyiɛ'n flunman tra tɛ yilɛ'n, yɛ i ndɛ'm be su falɛ'n flunman tra bua'm be lui'n.