Ndɛ Nga Nyanmiɛn I Nuan Ijɔfuɛ Oze Kannin'n 6:5 - NYANMIƐN NDƐ'N 1998

⁵ I sɔ'n ti, ndɛ nga n ´fa wla mín nuan ijɔfuɛ'm bé nuan kɛ be `kan kle amun'n, ɔ ti amún sa yalɛ ndɛ, ɔ ti amun wie ndɛ. I sɔ ndɛ liɛ'n, ɔ ´yo weiin sran kwlakwla nyrun.

Ndɛ Nga Nyanmiɛn I Nuan Ijɔfuɛ Oze Kannin'n 6:5 ပူးပေါင်းရင်းမြစ်များ

Bo Bolɛ 18:25

N si kɛ a su nunnun-man klɔ'n. Kɛ a ´kan sran kpa mun nin sran tɛ mun bo nun a ´kun be'n nan sa nga ɔ ´ju sran kpa'm be su nin ng'ɔ ´ju sran tɛ'm be su'n be yo kun liɛ'n, a su yo-mɛn i sɔ mlɔnmlɔn. ?Wɔ bɔ a di asiɛ'n sufuɛ'm be kwlaa be jɔlɛ'n, sɛ a di-man nanwlɛ'n, wan yɛ ɔ di i ekun-ɔn?»

1 Famiɛn Mun 14:6

I sɔ'n ti, kɛ ɔ wa ju anuan'n nun sɛsɛsɛ bɔ Asiza tili i ja bo'n, ɔ seli i kɛ: «Zeroboam yi, wlu wa. ?Ɔ yo sɛ ti yɛ a yo ɔ́ wun kɛ sran uflɛ yɛlɛ wɔ sa nin-ɔn? N lɛ jasin tɛ kun, n wa bo n ´kle wɔ.

1 Famiɛn Mun 17:1

Eli b'ɔ fin Galaad i klɔ nga be flɛ i Tisbɛ'n su'n, ɔ seli Akab kɛ: «N kan Nyanmiɛn! Anannganman b'ɔ ti Izraɛl Nyanmiɛn, bɔ n su i'n, i dunman nun n ´kan kle wɔ kɛ afuɛ nga be ´ba yɛ'n, bɔlɛ su gua-man nan se kɛ nzue yɛ ɔ tɔ-ɔ. San m'an srɛ Nyanmiɛn kɛ ɔ `tɔ, yɛ ɔ ´tɔ-ɔ .»

1 Famiɛn Mun 18:17

Kɛ i nyinma guali Eli wun cɛ'n, ɔ usɛli i kɛ: «Nán wɔ yɛ man nyrɛnnɛn tɔ Izraɛlfuɛ'm be su nin-ɔn?»

1 Famiɛn Mun 19:17

I liɛ'n, sran nga Azaɛl ɔ'a nyɛn-mɛn ɔ'a kun-mɛn i'n, Zei ɔ ´kun i. Sran nga Zei ɔ'a nyɛn-mɛn ɔ'a kun-mɛn i'n, Elize ɔ ´kun i,

2 Famiɛn Mun 1:16

Ɔ seli famiɛn'n kɛ: «Anannganman waan: ‹Sa ti bɔ a sunmannin sran Baal-Zɛbib b'ɔ ti Ekrɔnfuɛ'm be amuɛn'n i sin'n, kɛ wienun-ɔn, Nyanmiɛn nun-man Izraɛl wa bɔ be wun i-ɔ, ɔ yo ye'n, i ti'n, li nga a la su yɛ'n, a su fin-man su jra-man kun, a ´wu.› »

2 Be Nyoliɛ 21:12

Cɛn kun Zɔram sa kannin fluwa kun, Eli b'ɔ ti Nyanmiɛn nuan ijɔfuɛ'n yɛ ɔ klɛ blɛli i-ɔ. Ɔ klɛli i kɛ: «Ndɛ nga Anannganman b'ɔ ti ɔ nannan David i Nyanmiɛn'n kan'n yɛ: ‹Kɛ bɔ w'a nanti-man kɛ ɔ́ si Zozafat nin ɔ nannan Aza b'ɔ ti Zida famiɛn'n be fa nantili'n sa'n,

Zɔb I Nyrɛnnɛn Wunlɛ 15:30

Ɔ ´ka aosin tuun nun. Sɛ ɔ ti waka'n, wuun n ´se kɛ sin ɔ ´yrɛ i sama mun. Nyanmiɛn ´fitɛ i ´kɔ mmua.

Zɔb I Nyrɛnnɛn Wunlɛ 34:10

Amun bɔ amun wun sa wlɛ'n, amun `tie nga n kan'n. Klunwi yolɛ'n nin ndɛ kwlɛ bulɛ'n, be ti-man Nyanmiɛn i nzuɛn mlɔnmlɔn.

Jue Mun 119:120

Kɛ n ti ɔ ngan'n, n usu srɛ b'ɔ kun min'n ti, yɛ jɔlɛ nga a di be'n, n nyin yi be.

Jue Mun 37:6

Ɔ wa yo man ɔ nzuɛn kpa'n ɔ ´fite nglo wein kɛ like bɔ b'a fa sie i lika ng'ɔ kpaja'n nun'n sa. Yɛ ɔ ndɛ fɛ'n kusu ɔ ´fite nglo weiin kɛ like bɔ b'a yi nglo wia kpa'n nun'n sa.

Ezai 11:4

Be nga be ti yalɛfuɛ'n, ɔ ´di be ndɛ'm be kpa. Be nga be kle be yalɛ mɛn'n nun'n, ɔ ´bu be ndɛ mun kɛ ɔ fata'n sa. I ndɛ ng'ɔ fin i nuan ´fite'n ɔ ´yo kɛ waka bɔ be fa bo sran'n sa, ɔ ´fa bo mɛn'n nunfuɛ mun. Ndɛ ng'ɔ fin i nuan fite'n, ɔ ´yo man sran tɛ'm be wu.

Ezai 58:1

Anannganman wan yoo: «Kpan kpanlɛ kpa, nán mian wɔ alowa'n!» Kpan kekle kɛ nnɛn wɛ bɔ be fita nun b'ɔ tɛ kekle'n sa, kan min nvle nunfuɛ'm bé sa tɛ'm bɔ be yo'n kle be, kan Zakɔb i osu'n nunfuɛ'm bé sa'm bɔ be yo'n kle be.

Zeremi 1:10

Nian, m'an fa wɔ m'an sie i nvle-nvle nin famiɛn diwlɛ'm bé su. A ´tu wie'm be bo: A ´bu wie mun yi be ase kɛ waka sa. A ´kun wie mun. A ´nunnun wie mun. A ´kplan wie kɛ sua sa. A ´ta wie kɛ waka sa.»

Zeremi 1:18

Ɔ fin ndɛ, n ´yo man a ´yo cinnjin kɛ klɔ bɔ b'a si i wun'n sa. A ´yo kekleke kɛ blalɛ mlomlo wie sa. A ´yo kɛ aaba talɛ sa mɛn'n nunfuɛ'm be kwlaa be lika: i Zida famiɛn mun o, be awlo lɔ sran dandan mun o, i Nyanmiɛn nuan ijɔfuɛ mun o, ɔ nin mɛn nga nunfuɛ'm be kwlaa .

Zeremi 13:13

Se be kɛ: ‹Anannganman'n wan yoo: N ´sanngan mɛn nga nunfuɛ'm be nun, i famiɛn nga be ti David famiɛn bia'n su mun o, min nyrun jranfuɛ mun o, min nuan ijɔfuɛ mun o, ɔ nin Zerizalɛmfuɛ'm be kwlaa, n ´sanngan be nun. Be ´yo kɛ nzan ɔ'a ti be sa.

Zeremi 23:29

Mín nuan ndɛ'n ti kɛ sin sa yɛ ɔ o lɛ-ɔ. Ɔ ti kɛ marto kekleke b'ɔ kpuke yɛbuɛ nun'n sa.»

Zeremi 5:14

Anannganman b'ɔ sie mɛn wunmuan'n wan yoo: «I sɔ bɔ be kannin'n ti'n, ndɛ nga n ´fa wla ɔ́ nuan'n, ɔ ´yo kɛ sin sa. Sin sɔ'n ɔ ´yra be kɛ waka sa.

Ezekiɛl 11:4

I sɔ'n ti klɔ sran, kan min nuan ndɛ'n wɔ be.»

Ezekiɛl 3:9

N wa yo wɔ kekleke kɛ diaman sa, ɔ kekleke bɔ a ´yo'n, ɔ wa tra yɛbuɛ. I sɔ'n ti, nán srɛ kun wɔ bé wun, kannzɛ bɔ nvle sɔ'n i nunfuɛ'm bé nyin su ti kekle'n, nán srɛ kun wɔ .»

Ezekiɛl 32:18

«Klɔ sran, sun, fɛfɛ Eziptfuɛ'm be ti. Yo man Ezipt mɛn'n nin nvle dandan kun mun be jra, asiɛ'n i bo lɔ kan fuɛn'm be jra lɔ'n.

Ezekiɛl 43:3

Aolia nun like sɔ nga n wunnin i'n, ɔ ti kɛ nga n wunnin i blɛ bɔ Nyanmiɛn bali kɛ ɔ wa saci Zerizalɛm nin kɛ blɛ bɔ n wo Kɛbar nzue nuan lɛ'n sa. N tɔli n utuli min nyin ase.

Sofoni 3:5

Kusu wuun sa kpa yolɛ ti yɛ Anannganman'n wo klɔ'n su-ɔ, nán sa tɛ yolɛ ti-ɔ. Nglɛmun kwlakwla ɔ yiyi i mmla'n nun, ɔ lɛ-man cɛn. Sanngɛ ɔ nin sɔ ngba'n, aeliɛ tɛfuɛ'm be ´yo sa'n sa-a, nyannzuɛn kaan sa kun-man be.

Sa nga bé yôli'n 7:31

Kɛ Moiz wunnin sa sɔ'n, ɔ boli i nuan. Kɛ i waan ɔ ´wunnge lɔ ɔ ´niɛn i kpa'n, ɔ tili e Min Nyanmiɛn'n i nɛn,

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Efɛzfuɛ Mun 6:17

Man delɛ bɔ Nyanmiɛn de amun'n ɔ yo kɛ kpongbo kle sa, an `fa wla amún ti. An `fa Nyanmiɛn ndɛ'n b'ɔ ti kɛ i Wawɛ'n i tokofi'n sa b'ɔ fa mannin amun'n .

Hébreu 4:12

Afin Nyanmiɛn i ndɛ nga ɔ ko kan'n, wuun ɔ'a kan ɔ kaci-mɛn i, ɔ man sran'm be kaci. Sɛ e kwla se'n, wuun e ´se kɛ ɔ la tra tokofi. Ɔ wɔ ɔ wlu lele ɔ ju be wawɛ'n, nin be anwlɛn'n, nin be akpɔlɛ'n, ɔ nin be owie i klun lui'm be nun, ɔ si be klun akunndan'n, ɔ nin be klun sa'n.

Sa nglô yile 1:16

Nzraama nso wo i sa fama'n nun, yɛ tokofi nnana kpa kun wo i nuan nun. I nyrun'n ti kɛ wia'n b'ɔ fi kpa'n sa .

Sa nglô yile 2:16

I sɔ'n ti, an `kaci amun nzuɛn'n, sɛ ɔ'a yo-man sɔ-ɔ, n ´to amun lɔ icra'n, n ´fa tokofi ng'ɔ o mín nuan nun'n, min nin be e ´kun.

Sa nglô yile 9:15

Yɛ anz nnan sɔ'm bɔ be sieli be lɛ kɛ be `minndɛ dɔ, nin cɛn, nin anglo, ɔ nin afuɛ nga be kleli be'n be nyannjili be. Be nyannjili anz sɔ'm be kɛ sran nga be bubuli be nun akpasua nsan'n be ko kun be nun akpasua kun.

Sa nglô yile 9:21

Sran sɔ'm b'a yaci-man sran kunlɛ'n, nin bae dilɛ'n, nin bla nin bian kunndɛlɛ'n, nin awie'n.

1 Samiɛl 13:13

Samiɛl seli Sail kɛ: «A yoli sinnzin, w'a fa-man Anannganman ɔ Nyanmiɛn'n i nuan ndɛ'n su. Ɔ man klikli nun i waan wuun, ɔ osufuɛ mun yɛ be tran Izraɛl nvle'n su anannganman-an.

1 Samiɛl 15:22

Yɛ Samiɛl waan: «?Tɛ'm be yilɛ'n li yɛ Anannganman kunndɛ-ɔ, annzɛ i ndɛ'm be su falɛ nin-ɔn? Nian, ainyiɛ'n flunman tra tɛ yilɛ'n, yɛ i ndɛ'm be su falɛ'n flunman tra bua'm be lui'n.

1 Samiɛl 15:32

Kpɛkuun Samiɛl waan: «Amun `fa Agag b'ɔ ti Amalɛk famiɛn'n be bla.» Yɛ Agag bali-ɔ. Kɛ ɔ ´ba'n, wuun ɔ ´srisri, ɔ bu i kɛ be su kun-mɛn i kun.

1 Samiɛl 15:33

Yɛ Samiɛl seli i kɛ: «Kɛ a kunnin sran mun bɔ be fili bé nin'm be sa'n, i kunngba nin-ɔn, a wa fi ɔ nin liɛ'n i sa kusu.» Yɛ Samiɛl jɔjɔli i nun Nyanmiɛn sua ng'ɔ o Gilgal lɛ'n nun-ɔn.