Ndɛ Nga Nyanmiɛn I Nuan Ijɔfuɛ Oze Kannin'n 6:1 - NYANMIƐN NDƐ'N 1998

¹ Kpɛkuun amun ´se kɛ: «Yoo! Amun man e wɔ, e `sa e sin Anannganman wun lɔ. I yɛ ɔ boli ye kannin nin-ɔn, sanngɛ i bɔbɔ kunngba'n yɛ ɔ wa fua yɛ ɔ ´wu-ɔ. I yɛ ɔ boli ye fɛ-ɔ, sanngɛ i bɔbɔ kunngba'n yɛ ɔ wa cici su-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 6:1 ပူးပေါင်းရင်းမြစ်များ

2 Be Nyoliɛ 30:6

Fluwa nga famiɛn'n nin i awlo lɔ sran dandan mun be klɛli'n, be nga be sunmannin be'n be fa ɔli Izraɛl mɛn wunmuan'n nin Zida mɛn wunmuan'n nun. Famiɛn'n mannin be ngaliɛ. I waan be `se kɛ: «Izraɛlfuɛ mun, amun bɔ amun nyannin amún ti Asirifuɛ'm bé sa nun'n, amun `sa amun sin, amun `bla Anannganman b'ɔ ti Abraam, nin Izaak, ɔ nin Zakɔb be Nyanmiɛn'n i sin, yɛ ɔ ´kɔ amún wun ekun.

Zɔb I Nyrɛnnɛn Wunlɛ 16:9

I ya dan b'ɔ fali'n nun'n, ɔ nin min yo kɛ nnɛn bɔ i bɔbɔ Nyanmiɛn'n i waan ɔ ´trɛ i'n sa, ɔ su min su, ɔ yi i je'n kle min. Min kpɔfuɛ'n ɔ nian min nianlɛ tɛ kpa.

Zɔb I Nyrɛnnɛn Wunlɛ 22:23

Sɛ a wa sa ɔ sin nan a nin Nyanmiɛn be nanti'n, ɔ ´yo man a ´jaso. Sa ng'ɔ ti-man su'n, nán kplin su man ɔ tran wɔ awlo'n nun.

Zɔb I Nyrɛnnɛn Wunlɛ 34:29

?I kusu, sɛ Nyanmiɛn waan ɔ yo-man like fi'n, wan yɛ ɔ kwla bu i fɔ-ɔ? ?Sɛ i waan ɔ su fia'n, wan yɛ ɔ kwla wun i-ɔ? Ɔ nian nvle wunmuan nin klɔ sran'm be su.

Zɔb I Nyrɛnnɛn Wunlɛ 5:18

Afin i yɛ man afɛ'n ɔ ba-a, i kunngba'n yɛ man ɔ kɔ-ɔ. Ɔ bo wɔ kannin, i kunngba'n ɔ fua.

Jue Mun 30:7

Blɛ bɔ n wo alaje'n nun fɔun'n, n se min wun kɛ: «Srɛ su kun-man min, yɛ min wun su usu-man min,

Jue Mun 6:2

Anannganman, kannzɛ w'a fa ya'n, nán bo min. Kannzɛ bɔ ɔ ya'n ɔ'a yo dan'n, nán tu min fɔ.

Jue Mun 71:20

Wɔ man n wunnin nyrɛnnɛn dan, wɔ man n wunnin min nyrun kpa. Sanngɛ a ´man min nguan ekun, yɛ a ´yi min ndia nun fite.

Akunndanfuɛ'n 3:3

Ɔ lɛ blɛ kun bɔ be fa kun sran-an, yɛ ɔ lɛ blɛ kun bɔ be fa sran be sie bɔ be kun-mɛn i-ɔ. Ɔ lɛ blɛ kun bɔ be fa kplan like-ɔ, yɛ ɔ lɛ blɛ kun bɔ be fa bubu like sɔ nin-ɔn.

Ezai 17:7

I cɛn sɔ nun'n, sran'n ɔ ´kpɛ i nyin sran b'ɔ yili i'n i su, ɔ ´mɛn i nyin su nian Izraɛl Nyanmiɛn'n.

Ezai 2:3

Sran kpanngban kpa be ´tu ajalɛ be ´kɔ. Be ´se kɛ: «Amun `bla man e wɔ Anannganman i oka'n su lɔ, man e wɔ Zakɔb i Nyanmiɛn'n i sua'n nun lɔ. Ɔ ´kle e i atin mun, yɛ e ´nanti i akpɔ'm be su.» Afin Siɔn lɔ yɛ mmla'n ɔ fin-ɔn, Zerizalɛm lɔ yɛ Anannganman i nuan ndɛ'n ɔ fin ba-a.

Ezai 30:22

Amun amuɛn mun bɔ amun klo jɛtɛ ufue annzɛ sika ɔkwlɛ gua be wun'n, amun `bu be like fiɛnfiɛn. Amun `gua be blo kɛ be gua like tɛtɛ'm be blo'n sa. Amun `se be kɛ: «Amun `fɛ li sɔ'n be fite lɔ.»

Ezai 30:26

Cɛn nga Anannganman ´cici i nvle nunfuɛ'm be kannin'm be su'n, b'ɔ ´fua bé wunnɛn bɔ ngble'n tutuli i fofo'n, anglo'n ɔ ´ta kɛ wia'n sa, wia'n kusu ɔ ´bo tra titi liɛ'n sɔ kpɛ nso, ɔ ´bo kɛ cɛn nso wia sa.

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

Zeremi 3:22

«Amun bɔ amun ti kɛ bian safuɛ sa'n, an `sa amun sin bla, man n yo nan amún bian sa'n ɔ wie.» «E yɛ e o yɛ, y'a ba ɔ́ sin Anannganman, afin wɔ yɛ a ti e Nyanmiɛn nin-ɔn.

Zeremi 30:12

Anannganman'n wan yoo: «Kannin nga ɔ'a tu wɔ'n, ɔ yo sro. Ɔ wu-ɔ ɔ yo-man ye.

Zeremi 30:17

Kɛ bɔ be fa fuanlɛ bɔ n fuannin wɔ'n be fa se wɔ nun'n, bɔ be flɛ wɔ kɛ Siɔn bla bɔ sran fi flɛ-mɛn i'n ti n wa yo wɔ juejue. N wa fua ɔ́ kannin mun.» Anannganman'n yɛ ɔ kannin sɔ-ɔ.

Zeremi 33:6

Sanngɛ ɔ yo'n, n ´yo man ɔ ´yo juejue kpa kɛ sran bɔ ɔ'a tɔ tukpacɛ ɔ'a jaso'n sa. N ´yo man i su tranfuɛ'm be ´nyan fɔundi, be ´nyan manndran.

Zeremi 50:4

I sɔ blɛ'n nun yɛ Izraɛlfuɛ mun nin Zidafuɛ mun be ´ba likawlɛ nin-ɔn, be ´ba'n, wuun be ´sun. Be ´kunndɛ Anannganman be Nyanmiɛn'n.» Anannganman'n yɛ ɔ kan sɔ-ɔ.

Zeremi 50:5

«Be ´usa be kɔwlɛ'n i osu atin. Be ´usa Siɔn i osu atin. Be ´se kɛ: ‹Amun man e fa e wun e ´cici Anannganman'n. E nin i e ´tra aenguɛ kun bɔ é wla su fi-mɛn i le.›

Ngwlɛ Yilɛ 3:11

Ɔ'a kaci min atin mun, ɔ'a titi min nun, ɔ'a yaci min kunngba lɛ.

Ndɛ Nga Nyanmiɛn I Nuan Ijɔfuɛ Oze Kannin'n 11:10

Be nga be bo be sanndili'n, be wa su Anannganman'n su, Anannganman b'ɔ kpan kɛ asɔmɔli sa'n, be ´su i su. Kɛ ɔ ´kpan sa'n, i mma'm bɔ be o jenvie'n i bue kun lɔ'n be ´usu yɛ be ´ba-a.

Ndɛ Nga Nyanmiɛn I Nuan Ijɔfuɛ Oze Kannin'n 12:6

Nyanmiɛn b'ɔ sie mɛn wunmuan'n, bɔ be flɛ i Anannganman'n seli i kɛ:

Ndɛ Nga Nyanmiɛn I Nuan Ijɔfuɛ Oze Kannin'n 14:1

Samarifuɛ'm be jasoli be Nyanmiɛn'n i wun, be wa fɛ i su afɛ'n. Alɛ'n wa di be, be ´wie be mma'm be nunkun, be ´kpaci be yi'm bɔ be ti wunnzɛfuɛ'm be klun nun.

Ndɛ Nga Nyanmiɛn I Nuan Ijɔfuɛ Oze Kannin'n 14:4

Nán Asirifuɛ'm be yɛ be kwla de ye-ɔ. Nnɛn kpanngɔ nga be fa be kun alɛ'n, e su lafi-man bé su kun. E amuɛn nga e yoli be nin e sa'n, e su flɛ-man be kɛ e Nyanmiɛn kun, afin ɔ kunngba cɛ yɛ a si aika ba'n i aunnvuɛ-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 3:5

Kɛ ɔ ´cɛ kɔ'n, Izraɛlfuɛ'm be wa sa bé sin be ´kunndɛ Anannganman b'ɔ ti be Nyanmiɛn'n. Be wa sa bé sin be ´kunndɛ David i osu nunfuɛ b'ɔ ti be famiɛn'n. Be nga be ´wunnge Anannganman aklunyefuɛ sɔ'n i wun'n, bé wun ´usu be yɛ be ´ba-a.

Saun Yolɛ 14:48

Sanngɛ sɛ kɛ be wasali sua'n i uflɛ ekun'n, sɛ min nyrun jranfuɛ'n ɔ ko nian nan sɛ ɔ'a wun-man fiɛn sɔ'n i talɛ wun kun'n, man ɔ se kɛ fiɛn'n ɔ'a tu, yɛ sua'n ɔ'a yo kpa afin fiɛn'n ɔ'a ba-man kun.

Sofoni 2:1

Amun bɔ amun si-man nyannzuɛn'n amun `kan amun anwlɛn'n i ase nan amun `bu akunndan kpa,

Mmla'n 32:39

Siɛn'n, amun `nian, m bɔbɔ min kunngba cɛ yɛ n de sran-an ɔ yo ye-ɔ. Like wie fi nun-man lɛ, san min. M bɔbɔ min yɛ n yo man sran wu-ɔ. M bɔbɔ min yɛ n yo man sran nyan nguan-an. M bɔbɔ min yɛ n yo man sa yalɛ nyan sran-an. Min bɔbɔ min yɛ n yo man ɔ jaso i su-ɔ. Sran fi kwla de-man sran kun mín sa nun.

1 Samiɛl 2:6

Anannganman man sran wu, i kunngba'n man sran nyan nguan. I kunngba'n ɔ fa sran kɔ blɔlɔ, i kunngba'n ɔ yi sran blɔlɔ lɔ fite.

1 Samiɛl 7:3

Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»