Ndɛ Nga Nyanmiɛn I Nuan Ijɔfuɛ Oze Kannin'n 5:13 - NYANMIƐN NDƐ'N 1998

¹³ Efraimfuɛ'm be wunnin be tukpacɛ'n, Zidafuɛ'm be kusu be wunnin bé wun kannin dan'n. Ɔ man Efraimfuɛ'm be nuan toli Asirifuɛ mun. Be sunmannin sran famiɛn dan'n i wun lɔ. Sanngɛ Efraimfuɛ mun famiɛn sɔ'n su kwla yo-man man amun jaso-man, ɔ su kwla yo-man amún kannin'n i ayre.

Ndɛ Nga Nyanmiɛn I Nuan Ijɔfuɛ Oze Kannin'n 5:13 ပူးပေါင်းရင်းမြစ်များ

2 Famiɛn Mun 15:19

Be o lɛ kpɛkuun Pil b'ɔ ti Asiri famiɛn'n ɔ'a wlu Izraɛlfuɛ'm be mɛn'n nun. Yɛ Mɛnaɛm fali sika tɔnun ablasan mɛnnin i kɛ ɔ ukɛ i nan i sielɛ'n `taka.

2 Famiɛn Mun 15:29

Pekak blɛ su'n, Tilgat-Pilnezɛr b'ɔ ti Asiri famiɛn'n wa fali klɔ nga be o yɛ mun: Izɔn, nin Abɛl-Bɛt-Maaka, nin Zanɔak, nin Kedɛs, ɔ nin Azɔr. Ɔ fali Galile mɛn'n, nin Galaad mɛn'n, ɔ nin Nɛftali lika wunmuan'n. Ɔ fali lika sɔ'm be nun sran mun ɔli Asiri.

2 Famiɛn Mun 16:7

Yɛ Akaz sunmannin sran Tilgat-Pilnezɛr b'ɔ ti Asiri famiɛn'n i sin. I waan be se i kɛ: «N ti ɔ sufuɛ, n ti ɔ wa, i ti bla wa de min Siri famiɛn'n nin Izraɛl famiɛn'n bé sa nun. B'a fa alɛ b'a wla min sin.»

Ezai 3:7

Sanngɛ i cɛn sɔ nun'n, sran sɔ'n ɔ wa se kɛ: «N su kwla yo-man, yɛ min awlo lɔ'n, n lɛ-man kpaun nin tralɛ dan, nán amun fa min sie sran'm be su kpɛn.»

Zeremi 30:12

Anannganman'n wan yoo: «Kannin nga ɔ'a tu wɔ'n, ɔ yo sro. Ɔ wu-ɔ ɔ yo-man ye.

Ezekiɛl 23:5

Oola b'ɔ o mín bo'n, ɔ boli tekle. Ɔ wuli i soman'm bé ti kpo, be yɛlɛ Asirifuɛ nga be mɛntɛn i lɛ'n.

Ndɛ Nga Nyanmiɛn I Nuan Ijɔfuɛ Oze Kannin'n 10:6

Be ´fa nannin ba sɔ'n kɔ lele Asiri, be ´fɛ i ko man famiɛn dan'n. Nyannzuɛn'n wa kun Efraimfuɛ mun kekleke. Atin nga Izraɛlfuɛ'm be fali'n, wa yo be nsisɔ.

Ndɛ Nga Nyanmiɛn I Nuan Ijɔfuɛ Oze Kannin'n 12:1

Anannganman'n wan yoo: «Efraimfuɛ'm be fa be ato'n sin yia min pɛ! Izraɛlfuɛ'm be fa lakalɛ'n sin yia min. Zidafuɛ'm be yɛ be nin min tɛ nanti-ɔ, yɛ be fa bé wun mantan min bɔ n ti Nyanmiɛn bɔ min nzuɛn nin klɔ sran liɛ'n ti-man kun nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 14:3

An `sa amun sin bla Anannganman'n i wun. An `se i kɛ yoo: «Yaci é sa tɛ'm be kwlaa cɛ ye, manmanlɛ nga e manman wɔ'n, man ɔ yo wɔ fɛ! Nán yi ɔ́ nyin é wun, tɛ nga e ko yi e ko man wɔ'n, yɛlɛ wɔ ayɛ yilɛ nga e ´yi i yɛ'n.

Ndɛ Nga Nyanmiɛn I Nuan Ijɔfuɛ Oze Kannin'n 2:7

Bé nin sili tekle. I b'ɔ wuli be'n, i bɔbɔ kuɛkuɛli i wun, afin ɔ ko se kɛ: ‹N ´kɔ min soman'm bé sin, afin sɛ n ´nyan aliɛ n ´di o, sɛ n ´nyan nzue n ´nɔn o, sɛ n ´nyan kondro n ´kla o, sɛ n ´nyan be n ´la su o, sɛ n ´nyan nguɛn n ´kpakpa o, sɛ n ´nyan nzan n ´nɔn o, i kwlaa sɔ'n fin be.›

Ndɛ Nga Nyanmiɛn I Nuan Ijɔfuɛ Oze Kannin'n 7:11

Efraimfuɛ'm be ti kɛ auble wie mun bɔ be si-man ngwlɛlɛ bɔ akunndan nun-man bé ti nun'n sa. Be kpan flɛli Eziptfuɛ mun, kpɛkuun b'a sin b'a ɔ Asiri.

Ndɛ Nga Nyanmiɛn I Nuan Ijɔfuɛ Oze Kannin'n 8:9

Afin be bɔbɔ be ɔli Asiri. Be ti be liɛ kɛ blo aflunmun bɔ i ngunmin sin i sinlɛ bo nun'n sa. Efraimfuɛ'm be ti kɛ bla bɔ i bɔbɔ yi sika yɛ ɔ fa kunndɛ bian mun sin'n be sa.

Mise 1:9

Afin yɛlɛ kɛ Samari i wie like yɛ ɔ'a yo i lɛ. Kpɛkuun like sɔ'n ɔ'a sa Zida, ɔ'a trɛ i lele ɔ'a ju Zerizalɛm klɔ'n i anuan'n nun, ɔ'a ju min nvlefuɛ'm be tranwlɛ'n i anuan'n nun.