Ndɛ Nga Nyanmiɛn I Nuan Ijɔfuɛ Oze Kannin'n 4:8 - NYANMIƐN NDƐ'N 1998

⁸ Like nga bɔ min sran'm be yo-mɛn i kpa'n, bɔ be ko yi i nuan tɛ be man min'n, i sɔ tɛ ninnge liɛ'n, yɛ ɔ ti min nyrun jranfuɛ sɔ'm be aliɛ yɛ be di-ɔ. I ti be akunndan liɛ kunngba ng'ɔ o be klun'n, yɛlɛ kɛ man min sran'm be yo sa tɛ'n tititi.

Ndɛ Nga Nyanmiɛn I Nuan Ijɔfuɛ Oze Kannin'n 4:8 ပူးပေါင်းရင်းမြစ်များ

2 Famiɛn Mun 12:16

Sran nga be fa sika'n wla bé sa nun kɛ be fa man sua'n i su junman difuɛ mun'n, be usa-man be kɛ be kan sika i wun ndɛ, afin be si kɛ sran sɔ'm be ti nanwlɛfuɛ.

Jue Mun 24:4

?Nán sran nga ɔ'a yo-man sa tɛ fi, b'ɔ sa tɛ nun-mɛn i anwlɛn'n nun, b'ɔ ti-man ato buafuɛ, b'ɔ ta-man nda ngbɛn-ngbɛn nin-ɔn ?

Jue Mun 25:1

Jue nga ti David liɛ. I waan: Anannganman, n kpɛ mín nyin ɔ́ wun lɔ.

Ezai 56:11

Be ti kɛ alua'm bɔ be ti aliɛ safuɛ'n sa, be di like-ɔ, be ku yi-man. Be ti bua kankanfuɛ mun bɔ be wun-man sa fi wlɛ, be kwlaa be fa be klun klo atin. Like ng'ɔ ti be liɛ'n i ngunmin cɛ yɛ ɔ lo be-ɔ.

Ezekiɛl 14:3

«Klɔ sran, sran nga be o yɛ'n b'a fa be anwlɛn'n b'a man be amuɛn mun mlɔnmlɔn. Like ng'ɔ fa be kɔ sa tɛ nun'n yɛ b'a kpɛ bé nyin i su-ɔ. ?N kplin be su kɛ be usa min sa?

Ezekiɛl 14:7

Afin Izraɛlfuɛ kwlaa annzɛ aofuɛ kwlaa ng'ɔ tran Izraɛl mɛn'n nun, b'ɔ fɛ i wun wla amuɛn sɔlɛ nun'n, b'ɔ kpɛ i nyin like ng'ɔ fa be yili sa tɛ nun'n i su'n, sɛ ɔ ba mín nuan ijɔfuɛ'n i sin kɛ ɔ kan ndɛ kle i'n, m bɔbɔ min Anannganman'n yɛ n ´tɛ i su-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 10:13

Sanngɛ an luali sa tɛ'n, ɔ man kusu an tili abɔlɛ'n i mma kpɛkuun an dili gblɛ'n i mma. Izraɛlfuɛ mun, amun lafili amun bɔbɔ amun wunmiɛn'n su, amun safunyrɛn kpanngban'm be su yɛ amun fali amun wla'n guali-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 12:8

Kanaanfuɛ'm bé sa nun toe'm be ti-man kpa, akpo bolɛ'n yɛ ɔ ti be junman-an.

Ndɛ Nga Nyanmiɛn I Nuan Ijɔfuɛ Oze Kannin'n 14:1

Samarifuɛ'm be jasoli be Nyanmiɛn'n i wun, be wa fɛ i su afɛ'n. Alɛ'n wa di be, be ´wie be mma'm be nunkun, be ´kpaci be yi'm bɔ be ti wunnzɛfuɛ'm be klun nun.

Saun Yolɛ 6:22

Min nyrun jranfuɛ'm be awlo nun yasua'm be kwlaa be `di i sɔ nnɛn liɛ'n wie, afin ɔ ti min liɛ mlɔnmlɔn.

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Malasi 1:10

Anannganman b'ɔ sie mɛn wunmuan'n wan yoo: «Sɛ sran kun ko nyin Nyanmiɛn sua'n i anuan'n ɔ flunman. I liɛ'n amun su trɔ-man sin mín sɔwlɛ'n su ngbɛn kun. Amun wun yo-man min fɛ. Ɔ man kusu like nga amun fa man min'n, n su sɔ-man nun.

Rɔmfuɛ Mun 16:18

Afin sran wafa sɔ mun'n, nán Krist b'ɔ ti e Min'n i junman yɛ be di-ɔ. Be bɔbɔ be klun sa liɛ'n yɛ be yo-ɔ. Be fa bé nuan laka be nga be nian wun-man sa wlɛ'n.

Tite 1:11

Se i sɔfuɛ'm be kɛ be `yaci be ndɛ sɔ'm be kanlɛ. Be kle like ng'ɔ ti-mɛn i su'n, be fa kunndɛ sika ng'ɔ ti-mɛn i kunndɛwlɛ'n, ɔ man be bo awlo wie mun sekesekeseke.

2 Piɛr 2:3

Bé nyin b'ɔ blo ninnge'm bé su'n ti, be ´kpɛ bé ti nun kan ndɛ mun, yɛ be ´fa amun kunndɛ be sika su. Be buli be fɔ ɔ'a cɛ, san be ´mlin.

1 Samiɛl 2:29

?Tɛ nga be yi be man min nin like nga be fa cɛ min bɔ n kɛnnin i ndɛ'n, ɔ yo sɛ ti yɛ amun bu be kɛ wla sa nin-ɔn? ?Ɔ yo sɛ ti yɛ a bu ɔ mma'm be sran tra min nin-ɔn? ?Ɔ yo sɛ ti yɛ amun fa nnɛn nga Izraɛlfuɛ'm bɔ be ti min nvlefuɛ'n be man min'n be lika kpakpa mun be di nin-ɔn?