Ndɛ Nga Nyanmiɛn I Nuan Ijɔfuɛ Oze Kannin'n 4:3 - NYANMIƐN NDƐ'N 1998

³ I sɔ'n ti, sa yalɛ wa tɔ mɛn'n su. Nzue su tɔ-man kun. I klɔ sran mun o, i nnɛn mun o, i anunman mun o, be kwlaa bé wun ´fɔ. Jue'm be kwlaa be ´wu.»

Ndɛ Nga Nyanmiɛn I Nuan Ijɔfuɛ Oze Kannin'n 4:3 ပူးပေါင်းရင်းမြစ်များ

Ezai 33:9

Ɔ yo kɛ sɛ yɛ ɔ'a tɔ mɛn'n su sa, ɔ'a wu kee. Sɛ Liban'n ti sran'n, wuun e ´se kɛ ɔ'a wun nyannzuɛn, yɛ i wunmiɛn'n ɔ'a wie. A wun Sarɔn lɔ lika kpɛtɛkplɛɛ'n sa-a ɔ waan aawlɛ flɛnnɛn wie-ɔ. Sɛ Bazan mɛn'n nin Karmɛl oka'n be ti waka'n, wuun e ´se kɛ bé ti'm b'a kpa.

Zeremi 12:4

?Cɛn onin ko nan awlaboɛ'n ɔ'a tu mɛn'n nun nan ninnge'm b'a yaci kee wulɛ fie'm be su? Nnɛn nin anunman'm be su wie wu mɛn'n nun sran'm bé sa tɛ'n dunman nun. Be ko se kɛ: «Nyanmiɛn'n wun-man sa nga e yo'n.»

Zeremi 23:10

«Tekle bofuɛ'm b'a yi mɛn'n piɛ! Tete sa'm be ti sa yalɛ ɔ'a tɔ mɛn'n su. Aawlɛ flɛnnɛn nun nnɛn'm be didiwlɛ'n ɔ'a wu kee! Afin sa tɛtɛ'n yɛ sran'm be kunndɛ i yolɛ-ɔ. Sa tɛ yolɛ'n yɛ be wun kpɛ su-ɔ.

Zeremi 4:25

N wun kɛ sran fi nun-man lɛ kun. Anunman bɔ be tu sin'n, b'a wie kɔ.

Zeremi 9:10

Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»

Zeremi 9:9

«N ´tike mín ti n ´sun oka'm be su. N ´yi ngwlɛ mɛn'n nun nnɛn'm be didiwlɛ'm be ti, yɛlɛ kɛ b'a yra, sran fi sin-man lɔ kun. Be ti-man nnɛn'm be kpankpanlɛ lɔ kun. I anunman o, i nnɛn o, be kwlaa b'a wie wanndi.»

Ezekiɛl 38:20

Yɛ n tali nda ekun kɛ jenvie'n nun jue mun nin anunman'm be ´usu min nyrun sa tututu. Blo nnɛn mun nin nnɛn nga be cuɛn bé wun ase mun, yɛ sran nga be o asiɛ'n su'n be kwlaa be ´usu sa tututu. Oka'm be ´utu. Kpɔlɛ'm bé nuan su'm be ´bu tɔ. Yɛ talɛ'm be ´bu tɔ.

Zoɛl 1:18

An `tie nnɛn'm be kplinlɛ bɔ be ´kplin-ɔn! An `nian nnɛn'm be wlanlɛ bɔ be ´wlan lika'n nun daan sa-a. Be lɛ-man ijre be di-mɛn i kun, boli mun nin bua mun be ngba be su yo kokloo.

Amɔs 1:2

Amɔs wan yoo: «Anannganman'n wo Zerizalɛm lɔ ɔ kpan kɛ asɔmɔli sa. Ɔ o Siɔn lɔ, be ti i ngan. Kɛ ɔ ko yo sɔ'n, nnɛn'm be didiwlɛ'n nun ti nyrɛnnɛn ngbɛn. Karmɛl oka'n su lɔ ninnge'm be kwlaa be ´wu kee !»

Amɔs 5:16

I sɔ'n ti min Anannganman bɔ n sie mɛn wunmuan'n n wan yoo: «Gua'n su, ɔ ti fɛfɛlɛ'n cɛ yɛ be fɛfɛ-ɔ. Klɔ nun akpɔ'm be nun'n, sran'm be ´kpankpan be ´se kɛ: ‹Ɔo! ?Nguɛ nyrɛnnɛn ndɛ liɛ yɛlɛ nga?› Be ´flɛ fie su junman difuɛ mun sɛ bo. Kpɛkuun be nga be si ngwlɛ yi kpa'n, be ´ko flɛ be kɛ be wa sun.

Amɔs 8:8

Sa sɔ'm be ti, asiɛ'n ɔ ´keje, i su tranfuɛ'm be kwlaa be wa tran awlaboɛ nun. Sɛ n ´kwla se'n, asiɛ wunmuan'n ɔ ´mɛn i wun su nglo kpɛkuun ɔ ´tɛ i wun ase kɛ Ezipt lɔ nzue ba dan'n sa.»

Naɔm 1:4

Kɛ ɔ kpan jenvie'n su'n, kpɛkuun jenvie'n ɔ'a wie nun. Ɔ yo man nzue ba dandan'm be wie nun, kpɛkuun Bazan nin Karmɛl lɔ nnya nin ijre'm be glɔ, yɛ Liban lɔ waka nnyrɛ'm be glɔ wie.

Sofoni 1:3

N ´nunnun sran nin nnɛn mun, anunman nga be tu be sin nglo'n nin kpatra nga be o jenvie nun'n, n ´nunnun be, klunwifuɛ mun nin bé sa nuan ninnge tɛtɛ nga be yoli'n, n ´nunnun be. N su yaci-man sran ba kun sa asiɛ'n su.» Anannganman'n yɛ ɔ kan sɔ-ɔ.

Zakari 5:4

Anannganman b'ɔ sie mɛn wunmuan'n wan yoo: ‹I sɔ sannzan liɛ'n, m bɔbɔ min yɛ n ´fa ba-a. Ɔ ti kɛ sin sa, ɔ ´wlu awiefuɛ nin be nga be bo min dunman be ta nda ngbɛn-ngbɛn'n bé sua'm be nun, kpɛkuun ɔ ´ka lɔ lele ɔ ´yra bé sua sɔ'm be ja mun o, be nun yɛbuɛ mun o, ɔ ´yra be kwlakwla sekeseke kpan.› »