Ndɛ Nga Nyanmiɛn I Nuan Ijɔfuɛ Oze Kannin'n 4:2 - NYANMIƐN NDƐ'N 1998

² Like nga be yo i siɛn'n yɛlɛ be wiengu'm be amuɛn wualɛ nin be lakalakalɛ, nin be kunlɛ, nin bé bo ninnge'm be wualɛ, nin sran'm be bɔbɔ be wualɛ, ɔ nin be wiengu'm bé yi nin bé wun'm bé bo kunndɛlɛ. Sran kunlɛ'n yɛ be jin su sa mlɔnmlɔnmlɔn-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 4:2 ပူးပေါင်းရင်းမြစ်များ

Bo Bolɛ 4:8

Kɛ ɔ yoli sɔ'n, Kaɛn seli i niaan bian Abɛl kɛ: «E `wɔ bo'n nun lɔ.» Kɛ be juli lɔ'n yɛ ɔ tɔli i su kunnin i-ɔ .

Ezai 24:5

Sran nga be o asiɛ'n su'n be sacili i yɛlɛ kɛ be tɔnnin mmla'n, be kpɛli ndɛ nga be kan kleli be'n i wun, aenguɛ nga Anannganman nin be trali'n, b'ɔ ti blɛ'n kwlaa nun liɛ'n, b'a fɛ-mɛn i mmla'n su .

Ezai 48:1

Zakɔb osu'n nunfuɛ mun, amun bɔ Izraɛl dunman'n wo amun su'n, amun bɔ amun ti Zida i osu'n nunfuɛ mun'n, amun bɔ amun fa Anannganman i dunman'n ta nda'n, amun bɔ amun bo Izraɛl Nyanmiɛn'n i dunman'n, bɔ amun di-man nanwlɛ, yɛ amun yo-man sa i nuan su'n, amun `sie amún su be `tie.

Zeremi 51:5

Sa tɛ nga Izraɛlfuɛ mun nin Zidafuɛ'm be yoli Izraɛl Nyanmiɛn'n bɔ i nzuɛn nin klɔ sran liɛ'n ti-man kun'n, be di-mɛn i yalɛ. Sanngɛ ɔ nin sɔ ngba'n, Anannganman b'ɔ sie mɛn wunmuan'n ɔ'a wanndi-man be.

Zeremi 6:7

I klunwi sa'n ɔ nyrɛn kɛ nzue ti b'ɔ nyrɛn viaa'n sa. I wun ndɛ nga be ti'n, i kwlaa ti sa tɛtɛ nin sran mianmianlɛ ndɛ ngunmin. Cɛn kwlaa a ´to ɔ́ nyin-ɔn, ɔ ti sran nga b'a bo be kannin ɔ nin nga be su fɛ'n be ngunmin.

Ngwlɛ Yilɛ 4:13

Sa yalɛ'n b'ɔ juli'n, ɔ fin Nyanmiɛn i nuan ijɔfuɛ'm bé sa tɛtɛ'n nin Nyanmiɛn i nyrun jranfuɛ'm be aeliɛ tɛtɛ'n. Afin sran nga be ti sran kpa mun'n, Nyanmiɛn i sran sɔ'm be trali be klɔ'n nun be kunnin be.

Ezekiɛl 7:23

Bo jrɔkɔ sie i lɛ, afin sran kunfuɛ'm b'a yi mɛn'n piɛ, yɛ sa ukpo-ukpo yofuɛ'm b'a yi klɔ'n piɛ.

Ndɛ Nga Nyanmiɛn I Nuan Ijɔfuɛ Oze Kannin'n 10:13

Sanngɛ an luali sa tɛ'n, ɔ man kusu an tili abɔlɛ'n i mma kpɛkuun an dili gblɛ'n i mma. Izraɛlfuɛ mun, amun lafili amun bɔbɔ amun wunmiɛn'n su, amun safunyrɛn kpanngban'm be su yɛ amun fali amun wla'n guali-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 10:4

Be yia be ijɔ lelele ngbɛn, be ta ato nda mun, be nin nvle wie'm be tra aenguɛ yɛ be kpɛ anuansɛ'm be ba. Sanngɛ sa ndɛnman su yolɛ'n ɔ'a yo bé sa nun kɛ ijre tɛ wie sa. Kɛ a nian-an, lika weiin ɔ'a fu.

Ndɛ Nga Nyanmiɛn I Nuan Ijɔfuɛ Oze Kannin'n 12:14

Anannganman sunmannin i nuan ijɔfuɛ kun, i yɛ ɔ ko fali Izraɛlfuɛ mun Ezipt lɔ bali-ɔ. Nyanmiɛn nuan ijɔfuɛ kun kusu yɛ ɔ sieli i kɛ ɔ niɛn i sran'm be su-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 5:2

Kpɛkuun Sitim lɔ kusu'n, amun kacili kunman kploun kpa kun b'ɔ nannan bé bo-ɔ. I lɛ'n ti man m bɔbɔ min Anannganman'n, n wa tu amun kwlaa amun fɔ.

Ndɛ Nga Nyanmiɛn I Nuan Ijɔfuɛ Oze Kannin'n 6:8

Galaad ti sa tɛ yofuɛ'm be klɔ. Ɔ lɛ-man lika kun nga be kun-man sran nun-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 6:9

Sisɛm atin'n su lɔ'n, min nyrun jranfuɛ akpasua kun b'a kaci be liɛ kodiawiefuɛ. Be sa sran'm be nyrun yɛ be kun be-ɔ. I sɔ ndɛ liɛ'n ti kain.

Ndɛ Nga Nyanmiɛn I Nuan Ijɔfuɛ Oze Kannin'n 7:1

«Kɛ n waan n ´yo Izraɛlfuɛ mun nan be `yo juejue'n, kpɛkuun Efraimfuɛ'm be fɔnlɛ liɛ'n, ɔ nin Samarifuɛ'm be sa tɛtɛ nga be yo be'n yɛ b'a tɛ nglo yɛ. Be lakalaka sran'm be di bé wun ninnge mun. Awiefuɛ'm be wluwlu sua'm be nun, kodiawiefuɛ'm be gua klɔ nun atin'm be nun yɛ be yo abɔlɛ nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 7:3

Be klunwi aeliɛ'n jɔ famiɛn'n klun. Gblɛ nga be kpɛ'n, ɔ jɔ famiɛn'n i awlo lɔ sran dandan'm be kusu be klun.

Ndɛ Nga Nyanmiɛn I Nuan Ijɔfuɛ Oze Kannin'n 7:4

Be kwlaa be kunndɛ be wiengu'm bé yi mun nin bé wun mun. Be ti kɛ fur sa, kɛ kpaun tɔnfuɛ'n ko trɔ nun sin bɔ ɔ'a lo kpa'n, kpɛkuun ɔ nian-man lɔ kun lele san kpaun ng'ɔ boli'n ɔ'a wla.

Mise 3:2

Sanngɛ kpɛkuun sa kpa'n, amun klo-mɛn i yolɛ, san sa tɛfuɛ'n cɛ yɛ amun klo i yolɛ-ɔ. An yi sran'm bé kplo'n nin be nnɛn'n, kpɛkuun be owie ngbɛn'n gua su.

Mise 3:9

Zakɔb anunman'm bé su ngbɛn mun, Izraɛl jɔlɛ difuɛ mun, amun yɛ n kan ndɛ nga m man amun-ɔn. Amun bɔ an klo-man nanwlɛ dilɛ, bɔ gblɛ'n yɛ amun kpɛ'n,

Mise 6:10

Ninnge nga sran tɛtɛfuɛ'm be wuali b'ɔ si bé sua'm be nun'n, ɔ nin be toe bɔ be kpɛ i kilo'n su'n, i sɔ tete like liɛ'n, n su yaci cɛ-man be.

Mise 7:2

Cuekee! Sran nga be nin Nyanmiɛn be tran klanman'n b'a wie mɛn'n nun, sran fi di-man nanwlɛ kun. Sran kunlɛ akunndan'n yɛ be bu-ɔ, ɔ lɛ-man be nun kun, be sua-sua be wiengu wun aya.

Sofoni 3:1

Nyin kekle klɔ, klɔ saciwa, klɔ bɔ i su kpɛnngbɛn'm be mianmian sran'n, n ´yo i yako!

Zakari 5:3

Kpɛkuun i waan: «Sannzan ng'ɔ wa tɔ mɛn wunmuan'n su'n i wun fluwa-a. Ɔ ti klɛwa kɛ be ´kan awiefuɛ'm be kwlakwla be bo mɛn'n nun. Be kwlaa nga be ta nda ngbɛn-ngbɛn'n, be ´fuan be .

Zakari 7:9

Anannganman b'ɔ sie mɛn wunmuan'n seli amun laa kɛ yoo: «Amun ´bu ndɛ-ɔ, an `nian nanwlɛ'n be `di. An `klo be wiengu, an `yo be wiengu kpa.

Matthieu 23:35

nan be kwlaa nga b'a yo-man sa tɛ fi bɔ be kunnin be'n kɛ ɔ fin Abɛl nanwlɛfuɛ'n i blɛ su lele fa juli Barasi wa Zakari bɔ an kunnin i Nyanmiɛn i sua'n nin Nyanmiɛn sɔwlɛ'n be afiɛn'n, bé wie ndɛ'n ɔ'a ka amun su .

Sa nga bé yôli'n 7:52

?Nyanmiɛn nuan ijɔfuɛ onin yɛ amun nannan'm b'a kle-man i yalɛ-ɔ? Be kunnin be nga be dun mmua kannin Nanwlɛfuɛ'n i balɛ ndɛ'n, i yɛ an fɛ i mannin sran mun bɔ be kunnin i nin-ɔn.

Mmla'n 5:11

Nán bo min Anannganman ɔ Nyanmiɛn'n min dunman'n ngbɛn, afin sran ng'ɔ bo min dunman ngbɛn'n, n su yaci-mɛn i lɛ, san n ´tu i fɔ.

Mmla'n 5:18

Nán kunndɛ bla ɔ́ yi bo, annzɛ bian ɔ́ wun bo.

Mmla'n 5:19

Nán wua.

1 Tɛsalonikfuɛ Mun 2:15

Zuif sɔ mun yɛ be kunnin e Min Jésus nin Nyanmiɛn nuan ijɔfuɛ mun yɛ be kleli e yalɛ nin-ɔn. Nyanmiɛn klun jɔ-man bé wun, be kpɔ sran'm be kwlaa .

Sa nglô yile 17:6

N wunnin bla sɔ'n, Nyanmiɛn i sran mun nin be nga be lafi Jésus su bɔ i ti be kunnin be'n, be mmoja'n ɔ'a bo bla sɔ'n kɛ nzan sa. Kɛ n wunnin i'n, ɔ boli mín nuan dan kpa.