Ndɛ Nga Nyanmiɛn I Nuan Ijɔfuɛ Oze Kannin'n 4:16 - NYANMIƐN NDƐ'N 1998

¹⁶ Izraɛlfuɛ'm be yoli nyin kekle. Be yoli kɛ nannin bla wie bɔ be ´sie i kɔmin su waka-a ɔ kpli-man su'n sa. Ɔ man i ti siɛn'n, Anannganman ɔ wa yo be kɛ bua ba wie bɔ b'a to i kunngba cenje b'a yi i aawlɛ wie nun b'ɔ su didi'n sa.

Ndɛ Nga Nyanmiɛn I Nuan Ijɔfuɛ Oze Kannin'n 4:16 ပူးပေါင်းရင်းမြစ်များ

Jue Mun 78:8

I liɛ'n, be su yo-man kɛ be nannan'm, bɔ be yoli nyin kekle dan'n, bɔ be anwlɛn'n yoli nnyɔn-nnyɔn'n, bɔ be akunndan'n ɔ'a tran-man Nyanmiɛn su'n sa.

Ezai 22:18

Be ´kondo wɔ kɛ like kukluku wie sa, be ´fa wɔ kɔ mɛn tɛtrɛ kpa wie nun. Wɔ bɔ man ɔ Min'n i awlofuɛ'm bé nyin ɔ gua ase'n, lɔ yɛ a ´ko wu-ɔ, Lɔ yɛ awieliɛ'n ´wie ɔ kakaklolo nglanman-nglanman mun-ɔn.»

Ezai 30:23

Kpɛkuun Anannganman ɔ ´yo man nzue ´tɔ ninnge nga amun luali'm be su. Yɛ amun ´nyan aliɛ b'ɔ ti kpa, amun ´nyɛn i kpanngban kpa. I blɛ sɔ nun'n, lika nga amun nnɛn'm be didi nun'n, be ´yo tɛtrɛ kpa.

Ezai 5:17

Bua'm be wa didi klɔ nvuɛn'n nun kɛ be fa yo i be didiwlɛ'n nun'n sa. Yɛ boli ba nga be ta be bé sa nun'n, be ´didi kan anyanbeunfuɛ'm be ninnge'm be o lɛ laa bɔ be sacili'n.

Zeremi 14:7

«Kɛ e nian e sa tɛ mun'n, e si kɛ y'a fɔn, sanngɛ Anannganman, nian ɔ dunman'n ti uka ye. E yoli nyin kekle'n sunman. E fɔnnin ɔ wun.

Zeremi 3:11

Anannganman'n seli min kɛ: «Izraɛl b'ɔ ti kɛ bian safuɛ'n sa'n ɔ bɔn fannin tra Zida bɔ i kusu kunndɛ bian min bo'n.

Zeremi 3:6

Famiɛn Zozias i blɛ su'n, Anannganman'n seli min kɛ: «?A wun sa nga Izraɛl b'ɔ ti kɛ bian safuɛ'n sa'n, ɔ yo'n? Ɔ lɛ-man oka kun ng'ɔ fu-man su-ɔ, ɔ lɛ-man waka b'ɔ lɛ nnya b'ɔ kɔ-mɛn i bo ko bo-man tekle-ɔ .

Zeremi 3:8

Ɔ wunnin kɛ tekle nga Izraɛl b'ɔ ti kɛ bian safuɛ'n sa'n boli'n ti n ko mɛnnin i yralɛ fluwa n yacili i'n. Sanngɛ Zida b'ɔ kunndɛ bian min bo'n, srɛ ɔ'a kun-mɛn i. I kusu ko boli i tekle liɛ.

Zeremi 31:18

N tili kokolɛ nga Efraim koko se kɛ: ‹A tuli ye fɔ. A tuli ye fɔ kɛ be tu nannin gbanflɛn bɔ i nyin yi-man sran'n i fɔ'n sa. Fa e sa é sin ɔ́ wun, yo man e sa é sin, afin Anannganman, wɔ yɛ a ti e Nyanmiɛn-ɔn.

Zeremi 5:6

I sɔ'n ti yɛ asɔmɔli'm be fin bo nun lɔ bɔ be fa be nyin wɔ be nin-ɔn. I sɔ'n ti yɛ blo alua mun bɔ be o lika kpɛtɛkplɛɛ'm be nun'n, be titi be nun nin-ɔn. I sɔ'n ti yɛ kangale'n bu sa be klɔ'm be sin ɔ titi be kwlaa nga be fin lɔ fite'n be nun nin-ɔn. Kannzu bé nyin kekle aeliɛ b'ɔ sɔnnin sa'n ti-ɔ. Be nyin kekle beblebe sa'n ti-ɔ.

Zeremi 7:24

Sanngɛ b'a sie-man bé su nan se kɛ tielɛ yɛ be ´tie-ɔ. Be klun klo akunndan liɛ'n su yɛ be fali-ɔ. Be nzuɛn tɛ akunndan bɔ be kaci i-ɔ ɔ kaci-man'n i su yɛ be fali-ɔ. B'a ɔ-man be nyrun, bé sin yɛ be ɔli-ɔ.

Zeremi 8:5

?Yɛ ɔ yo sɛ ti yɛ Zerizalɛmfuɛ'm be nyin kekleke'n ti tantrantan sa-a? B'a fa bé wun b'a mantan ato ninnge mun saa, nán bé wun kpɔcilɛ yɛ be ko kpɔci-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 10:11

Laa'n, Efraim ti kɛ nannin talua bɔ be kleli i junman dilɛ kɛ ɔ fata'n sa, bɔ ble bolɛ'n ti i akloliɛ like'n sa. Yɛ kɛ n ´nian'n bɔ i kɔmin nun nnɛn'n ɔ'a wla kpɔlu-kpɔlu'n n ´wlɛ i nyanman n `fa cici tokpo'n nan kɛ n ´cuɛn nyanman sɔ'n, wuun Zida ´tu kacɛ'n, wuun Izraɛl kusu bo kofie'n.

Ndɛ Nga Nyanmiɛn I Nuan Ijɔfuɛ Oze Kannin'n 11:6

Alɛ'n ´yri be klɔ'm be su, ɔ ´saci klɔ wun anuan mun, ɔ ´di klɔ su sran mun. Be akunndan nga be jajali'n ti alɛ'n ´di be.

Ndɛ Nga Nyanmiɛn I Nuan Ijɔfuɛ Oze Kannin'n 11:7

Gblɛ kpɛlɛ'n yɛ min sran'm be fa cici bé ti-ɔ, be flɛ be kɛ be jaso, sanngɛ ngbɛn-ɔn.

Saun Yolɛ 26:33

N ´fa alɛ n yi amún su, yɛ n ´yo man amun bo sanndi mɛn uflɛ'm be nun. N ´nunnun amun klɔ mun, m ´bo amun mɛn'n.

Zakari 7:11

Sanngɛ b'a sie-man be su, be yoli nyin kekle.

1 Samiɛl 15:11

«Sail i famiɛn sielɛ nga n fɛ i sieli yɛ'n, ɔ yo min ya kpa. Sail nin min nun-man nun kun, ɔ fa-man min ndɛ'n su kun.» Ndɛ sɔ'n yoli Samiɛl ya kpa. Kɔnguɛ wunmuan'n nun'n, ɔ sun flɛli Anannganman.