Ndɛ Nga Nyanmiɛn I Nuan Ijɔfuɛ Oze Kannin'n 4:1 - NYANMIƐN NDƐ'N 1998

¹ Anannganman nin i mɛn'n nunfuɛ'm be lɛ ndɛ. Izraɛlfuɛ mun, an `tie ndɛ ng'ɔ kan'n: «Be wun-man sran nanwlɛfuɛ nin aklunyefuɛ kun. Min bɔ n ti Nyanmiɛn'n be bua-man min ndɛ nun mɛn nga nun kun.

Ndɛ Nga Nyanmiɛn I Nuan Ijɔfuɛ Oze Kannin'n 4:1 ပူးပေါင်းရင်းမြစ်များ

1 Famiɛn Mun 22:19

Mise kɛnnin i ekun kɛ: «N wunnin Anannganman, ɔ ti i famiɛn bia'n su. Nyanmiɛn su lɔfuɛ'm be wo i wun lɛ. Be wie'm be wo i sa fama su, yɛ wie'm be wo i sa bɛ su. Tie ndɛ nga Nyanmiɛn kannin'n .

Jue Mun 81:9

Min sran mun, amun `sie amun su, n ´fa sa kun n ´sie amun nyrun. Ɔo, Izraɛlfuɛ mun, amun waan amun ti-man min aniɛn'n!

Ezai 1:10

?Zerizalɛm kpɛnngbɛn mun, yoo amu'an kaci Sodɔm kpɛn siɛn'n? Amun `tie Anannganman i ndɛ b'ɔ kan'n! ?Zerizalɛmfuɛ mun, yoo kɛ ɔ o yɛ'n amu'an kaci Gomɔrfuɛ siɛn'n? Amun `sie amun su kpa be tie e Nyanmiɛn'n i mmla b'ɔ man'n!

Ezai 1:18

Anannganman wan yoo: «Amun `bla man e ti é wun aniɛn. Sɛ amún sa tɛ bɔ amun yo'n be ti kɛ like ɔkwlɛ youun wie sa bɔbɔ'n, be ´fɛn fitafita kɛ jese fɔkɔ sa. Sɛ be ti kɛ like ble tikitiki wie sa bɔbɔ'n, be ´yo ufue fuai kɛ bua ndrɛ sa.

Ezai 28:14

I sɔ'n ti, amun nga amun yo sran'm be finfin'n, amun bɔ amun sie Zerizalɛmfuɛ mun'n, amun `sie amún su tie Anannganman i ndɛ'n.

Ezai 34:1

Nvle-nvle'm be nunfuɛ mun, amun `wunnge wa be wa ti ndɛ! Mɛnmɛn'm be nunfuɛ mun, amun `sie amún su kpa. Asiɛ'n sufuɛ mun nin ninnge nga be wo asiɛ'n su'n be kwlaa, nin mɛn'n nunfuɛ mun, ɔ nin ninnge'm be ngba'n, man be sie bé su.

Ezai 34:8

Cɛn sɔ'n, ɔ ti Anannganman'n i klunngbɔ tulɛ cɛn. Afuɛ sɔ'n ɔ ti Siɔnfuɛ'm be ti ngondin tulɛ afuɛ.

Ezai 5:3

Zerizalɛmfuɛ mun, amun nin Zidafuɛ mun, amun `di e nin min vinyi fie'n ye afiɛn ndɛ sɔ'n!

Ezai 59:4

Gblɛ sa'm be su yɛ amun kwlaa amun jran be sanman be wiengu-ɔ. Yɛ amun kwlaa amun bua ato jɔlɛ difuɛ'm be nyrun. Amun lafi ninnge ngbɛn-ngbɛn'm be su yɛ amun kan ndɛ bɔ ti-man ndɛ nin-ɔn. Amun bu klunwi yolɛ'n i akunndan, kpɛkuun i agualiɛ su'n, sa tɛtɛ'n yɛ amun yo-ɔ.

Ezai 59:8

Amun si-man aunjuɛ'n i atin'n, amun yo-man sa b'ɔ ti sein ajalɛ nga amun fa'n be nun. Ajalɛ nga amun fa'n be ti gblɛgblɛ ngunmin, sran kwlaa ng'ɔ nian amun liɛ'n su'n, i wun su jɔ-mɛn i .

Ezai 66:5

Amun bɔ amún nyin yi Anannganman i nuan ndɛ'n, amun `tie ndɛ b'ɔ kan'n, i waan: «Amun niaan'm bɔ be kpɔ amun'n, bɔ be kan amún bo be afiɛn min dunman'n ti'n, be se kɛ: ‹Man Anannganman yi i nyrun nyannyan'n i nglo man e wun i, i liɛ'n, e wa nian sɛ amun klun ´jɔ o!› » Be yɛ be nyin ɔ wa gua ase-ɔ.

Zeremi 11:7

Kɛ ɔ fin cɛn bɔ n fali amun nannan mun Ezipt mɛn'n nun m bali'n yɛ m boli ndɛ nga mun be kan klelɛ'n bo-ɔ. Lele ndɛ n tɛ kan n tɛ kle be. N se be kɛ: An `tie min aniɛn'n,

Zeremi 19:3

Se kɛ: ‹Zida famiɛn mun nin Zerizalɛm klɔ'n sufuɛ mun, an `tie ndɛ bɔ Anannganman'n kan'n. Anannganman b'ɔ sie mɛn wunmuan'n, Izraɛl Nyanmiɛn'n wan yoo: An `nian, n wa fa nyrɛnnɛn sa kun n ´yi i lika nga su. Nyrɛnnɛn sa sɔ'n, sran kwlaa nga be kɛn i ndɛ kle i'n, ɔ kpiti kpli.

Zeremi 2:4

«Zakɔb akpasua sufuɛ mun, Izraɛl akpasua kunngun'n nunfuɛ mun, an `sie amún su be tie Anannganman i nuan ndɛ'n.»

Zeremi 2:9

I sɔ ng'ɔ o lɛ'n ti'n Anannganman'n wan yoo: ‹M ´man amun ndɛ lelele. E nin amun anunman mun e wa nyɛn i.

Zeremi 25:31

Be ti i ngan asiɛ'n i tiwa'n kwlaa su. Anannganman'n nin nvle-nvlefuɛ'm be su di ndɛ. Ɔ nin sran'm be kwlaa be su di ndɛ. Ɔ fa sran tɛtɛ mun man alɛ'n man ɔ di be.› » Anannganman'n yɛ ɔ kan sɔ-ɔ.

Zeremi 34:4

Sanngɛ famiɛn Sedesias, sie ɔ́ su tie ndɛ nga n kan man wɔ'n. Be su kun-man wɔ tokofi nun.

Zeremi 4:22

«Ee! Min nvlefuɛ'm be ti sinnzin o. Be si-man min. Be lɛ-man akunndan, be si-man ngwlɛlɛ. Sɛ ɔ ti sa tɛ yolɛ liɛ'n, be si i wun ngwlɛlɛ, sanngɛ sa kpa'n liɛ'n, be si-mɛn i yo.»

Zeremi 4:28

Sɛ n ´kwla se'n, asiɛ'n wo sɛ nun. Nyanmiɛn b'ɔ la nglo lɔ'n plaii'n kusu ɔ'a mlan, yɛlɛ kɛ ndɛ nga n ko kan'n, wuun m'an kan. N sa-man min sin n kaci-mɛn i kun.»

Zeremi 5:4

N waan: «Sran nga be ti-man nanndoliɛ mun-ɔn. Be si-man sa, afin be si-man Anannganman i atin'n, mmla ng'ɔ ti i cinnjin'n, be si-mɛn i.

Zeremi 51:5

Sa tɛ nga Izraɛlfuɛ mun nin Zidafuɛ'm be yoli Izraɛl Nyanmiɛn'n bɔ i nzuɛn nin klɔ sran liɛ'n ti-man kun'n, be di-mɛn i yalɛ. Sanngɛ ɔ nin sɔ ngba'n, Anannganman b'ɔ sie mɛn wunmuan'n ɔ'a wanndi-man be.

Zeremi 6:13

«Afin sran nga be lɛ-man nyrun o, nga be lɛ nyrun o, be bɔbɔ be like liɛ nyanlɛ akunndan cɛ yɛ be bu-ɔ. Min nuan ijɔfuɛ o, min nyrun jranfuɛ o, be kwlaa be ti gblɛfuɛ.

Zeremi 7:28

Kpɛkuun se be kɛ: ‹Nvle nga nunfuɛ'm be tie-man Anannganman be Nyanmiɛn'n i aniɛn'n. Be tu be fɔ-ɔ, be fa-man. Tranlɛ nga be nin sran tran-an be kpɔci-mɛn i'n, ɔ ti-man amun nzuɛn kun, ɔ ti-man amun ndɛ kun.› »

Zeremi 9:20

‹Wie'n ɔ fu fenɛtri nun. Ɔ wlu é sua kpakpa'm be nun. Ɔ fin mantuan'm be ase akpɔ'n su. Ɔ fin gbanflɛn'm be ase gua'n su.› »

Zeremi 9:3

«An `nian amún wun amun janvuɛ'm be lika. Nán an fa amún wla gua amun niaan'm be wie fi su. Aniaan'm be kwlaa be ti lakadi kɛ Zakɔb sa. Janvuɛ'm be kwlaa be ti sran suɛn tɔnfuɛ .

Zeremi 9:7

Bé nuan'n ti kɛ cua bɔ duwlɛ wo i ti'n sa. Gblɛ ndɛ mun yɛ be kan-an. Be fa bé nuan'n be fa fɔnvɔ be wiengu mun. Kusu wuun be bu bé wun akunndan tɛ be sua-suali be wun aya.»

Ezekiɛl 16:35

Blɔdɛ bla, sie ɔ́ su tie ndɛ nga min Anannganman n kan'n.

Ndɛ Nga Nyanmiɛn I Nuan Ijɔfuɛ Oze Kannin'n 12:2

Efraimfuɛ'm be fa ngo ko man Eziptfuɛ mun. Be janvuɛ sɔ mun bɔ be ti-man like fi'n, bɔ be ti kɛ aunngban sa'n, yɛ be nin be nanti-ɔ. Ɔliɛ Asirifuɛ'm bɔ be tɛ ti kɛ wia afiliɛ lɔ aunngban klakla sa'n, be yɛ ɔ nin be di anuansɛ nin-ɔn. Gblɛ nin sa tɛtɛ'n yɛ ɔ'a kaci Efraimfuɛ'm be junman-an .

Ndɛ Nga Nyanmiɛn I Nuan Ijɔfuɛ Oze Kannin'n 12:3

Anannganman'n nin Zidafuɛ mun be lɛ ndɛ. Zakɔb i nvlefuɛ'm be nyoliɛ'n ti, ɔ wa tu be fɔ. Ɔ wa man be nyoliɛ'n i nuan akatua.

Ndɛ Nga Nyanmiɛn I Nuan Ijɔfuɛ Oze Kannin'n 5:1

«Nyanmiɛn nyrun jranfuɛ mun, amun `sie amún su be `tie ndɛ nga kpa! Izraɛlfuɛ mun, amun `sie amún su kpa! Famiɛn i awlofuɛ mun, an `sie amún su! Ndɛ nga ti amun liɛ, yɛlɛ kɛ Mizpa lɔ'n, amun kacili kɛ aya sa min sran'm bé bo, amun kacili kɛ tɛ bɔ b'a guɛ i Tabɔr oka'n su'n sa.

Ndɛ Nga Nyanmiɛn I Nuan Ijɔfuɛ Oze Kannin'n 5:4

Sa nga Izraɛlfuɛ'm be yoli'n ti be kwla sa-man bé sin be ba-man Nyanmiɛn sin kun. Tekle silɛ'n akunndan'n wo bé ti'n nun dan. Be si-man Anannganman.

Zoɛl 1:2

Ngbɛn mun, an `tie, amun kwlaa nga amun o Zida mɛn'n nun'n, amun `sie amún su be `tie ndɛ. ?Sa kɛ nga sa ɔ'a yo amun nyrun le? ?Sa kɛ nga sa ɔ'a yo amun nannan'm be nyrun le?

Amɔs 3:1

Izraɛlfuɛ mun, an `tie, amun bɔ Anannganman'n fali amun Ezipt lɔ bali'n, an `tie amún wun ndɛ ng'ɔ o i klun'n:

Amɔs 7:16

Ɔ man i ti Amazia, wɔ bɔ a se min kɛ: ‹Nán kan sa kekle b'ɔ wa ju Izraɛlfuɛ'm be su kle be kun. Yaci Izaak anunman'm be ijɔlɛ beblebe'n,› sie ɔ́ su tie ndɛ nga Anannganman'n kan kle wɔ'n.

Mise 6:2

Oka mun nin asiɛ bɔ oka'm be bo'n taka su'n, amun `sie amún su, Anannganman nin i mma'm b'a nyan ndɛ, ɔ'a fa ndɛ ɔ'a mian Izraɛlfuɛ'm bé sa. I waan Izraɛlfuɛ'm b'a yo i sa.

Jean 8:55

Sanngɛ an si-mɛn i, n liɛ'n n si i. Sɛ n se kɛ n si-mɛn i'n, wuun n ti ato buafuɛ kɛ amun sa. Sanngɛ n si i, yɛ n fɛ i ndɛ'n su.

Rɔmfuɛ Mun 1:28

Kɛ bé nyin kpali Nyanmiɛn su'n, i kusu yili i sa be su ɔ man akunndan tɛtɛ bali bé ti nun yɛ be yo sa b'ɔ ti-mɛn i su'n.

1 Korɛntfuɛ Mun 15:34

An `klo amún nyin yo sa ng'ɔ ti i nuan su'n, nán an yo sa tɛ'n kun, afin amun wie'm be si-man Nyanmiɛn. N kɛn i sɔ fa gua amún nyin ase.

Sa nglô yile 2:11

Sran ng'ɔ si fa sie'n, man ɔ tie ndɛ nga Nyanmiɛn Wawɛ'n kan kle asɔnun mun'n! Sran ng'ɔ kwla'n, ɔ su wu-man kpɛ nnyɔn wie.› »

Sa nglô yile 2:29

Sran ng'ɔ si fa sie'n, man ɔ tie ndɛ nga Nyanmiɛn Wawɛ'n kan kle asɔnun mun'n!› »