Ndɛ Nga Nyanmiɛn I Nuan Ijɔfuɛ Oze Kannin'n 3:5 - NYANMIƐN NDƐ'N 1998

⁵ Kɛ ɔ ´cɛ kɔ'n, Izraɛlfuɛ'm be wa sa bé sin be ´kunndɛ Anannganman b'ɔ ti be Nyanmiɛn'n. Be wa sa bé sin be ´kunndɛ David i osu nunfuɛ b'ɔ ti be famiɛn'n. Be nga be ´wunnge Anannganman aklunyefuɛ sɔ'n i wun'n, bé wun ´usu be yɛ be ´ba-a.

Ndɛ Nga Nyanmiɛn I Nuan Ijɔfuɛ Oze Kannin'n 3:5 ပူးပေါင်းရင်းမြစ်များ

1 Famiɛn Mun 12:16

Izraɛlfuɛ'm be wunnin kɛ famiɛn'n ɔ'a tie-man bé nuan ndɛ'n, yɛ be seli kɛ: «E ndɛ nun-man David ndɛ nun! E nin Izai i wa sɔ'n e di-man aja kunngba! Izraɛlfuɛ mun, amun man e sa e sin e wɔ e tannin sua'm be nun! Siɛn'n, David i osu'n nunfuɛ mun, amun famiɛn diwlɛ'n yɛ ɔ o lɛ-ɔ, amun `niɛn i lika!» Yɛ Izraɛlfuɛ'm be jasoli lɛ be ɔli-ɔ.

Ezai 17:7

I cɛn sɔ nun'n, sran'n ɔ ´kpɛ i nyin sran b'ɔ yili i'n i su, ɔ ´mɛn i nyin su nian Izraɛl Nyanmiɛn'n.

Ezai 2:2

Cɛn wie lele'n, oka nga Anannganman i sua'n kplan su'n, ɔ wa taka oka'm be su, yɛ ɔ ´yo fleiin tra kpɔlɛ mun. Nvle-nvle'm be kwlaa be ´tu sa kpu be kɔ lɔ.

Ezai 2:3

Sran kpanngban kpa be ´tu ajalɛ be ´kɔ. Be ´se kɛ: «Amun `bla man e wɔ Anannganman i oka'n su lɔ, man e wɔ Zakɔb i Nyanmiɛn'n i sua'n nun lɔ. Ɔ ´kle e i atin mun, yɛ e ´nanti i akpɔ'm be su.» Afin Siɔn lɔ yɛ mmla'n ɔ fin-ɔn, Zerizalɛm lɔ yɛ Anannganman i nuan ndɛ'n ɔ fin ba-a.

Ezai 60:5

Sɛ a wun be'n, ɔ́ wun wa kpaja wɔ, ɔ wun wa nyrɛn wɔ, ɔ klun wa jɔ kpa, yɛlɛ kɛ jenvie'n nuan lɔ anyanbeun'n ɔ ´kaci ɔ́ su wa, yɛ nvle-nvlefuɛ'm be anwlɛn su ninnge kpakpa'm be kusu be kaci ɔ su wa wie.

Ezai 9:13

I sɔ'n ti, sɛ e ´kwla e se'n, aliɛ ba kunngba nun'n, Anannganman ´kpɛ Izraɛl'n i ti'n nin i lua'n, ɔ ´kpɛ mme'n i nnya'n nin ndɛ mma'n .

Zeremi 23:5

Anannganman wan yoo: «Cɛn wie lele David i anunman kpa nanwlɛ su kun wa jaso i osu. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun.

Zeremi 30:24

Anannganman i ya dan ng'ɔ fali'n, ɔ ´yo i kwlaa ng'ɔ guguli kɛ ɔ ´yo'n kwlaa nan ɔ'a wie. Cɛn kun amun ´wun i sɔ'n i wlɛ.»

Zeremi 30:9

Sran nga be ´su i'n yɛlɛ min Anannganman bɔ n ti be Nyanmiɛn'n, ɔ nin David bɔ n ´fa sie be su famiɛn'n.»

Zeremi 33:17

Anannganman'n wan yoo: ‹David ´nyɛn i ajalɛ nun tranfuɛ titi. Sran sɔ'n ´tran Izraɛl osu'n i famiɛn bia'n su.

Zeremi 33:9

Kpɛkuun klɔ nga man n klun wa jɔ, ɔ wa man min kɔmin su, ɔ wa yo kɛ min kɔmin njuaba sa asiɛ'n su nvle'm be nunfuɛ'm be nyrun. Kɛ nvle'm be nunfuɛ sɔ'm be wa ti nɛnnɛn dan nga n wa di klɔ sɔ'n, be akunndan'n ´sanngan bé wun. Be ´usu kpa.»

Ezekiɛl 16:63

Yɛ ɔ́ wla wa kpɛn laa ndɛ su, nyannzuɛn ´kun wɔ yɛ a su kwla ijɔ-man bɔbɔ, sanngɛ min liɛ'n, i kwlaa nga a yoli'n, n ´yaci cɛ wɔ. Anannganman Nyanmiɛn yɛ n kan sɔ-ɔ.»

Ezekiɛl 38:16

A wa kata min nvle Izraɛl'n i su kɛ aosin bɔ ɔ'a kata mɛn'n su'n sa. Gɔg, kɛ ɔ ´cɛ lele'n, n ´fa wɔ a ko tɔ min mɛn'n su kɛ ɔ ´yo nan nvle-nvle'm b'a si min'n ti, yɛ n fa wɔ n kle be kɛ min nzuɛn'n nin klɔ sran liɛ'n ti-man kun.»

Ezekiɛl 38:8

Cɛn wie lele'n, a wa dun be mmua kɛ ɔ cɛ lele'n, a wa tɔ mɛn nga alɛ'n ɔ'a di-mɛn i'n su. Kɛ ɔ yo sɔ'n, wuun b'a fin mɛn fanunfanun nga be o nun'n be nun b'a fite'n, wuun b'a ´yia kpanngban kpa Izraɛl oka lika bɔ be ti koun'm be su'n, wuun b'a ´tran be awlo'm be nun fɔuun .

Daniɛl 10:14

M bali kɛ n wa fa like ng'ɔ wa ju ɔ nvle'n su blɛ ng'ɔ ´ba lɔ'n nun'n n kle wɔ. Afin a wa wun aolia nun like uflɛ b'ɔ ti blɛ sɔ'n nun lɔ ndɛ.›

Daniɛl 2:28

Sanngɛ nglo lɔ, Nyanmiɛn kun wo lɔ i yɛ ɔ tike nvialiɛ nun sa'm be su-ɔ. Nannan Nɛbikadnɛzar, Nyanmiɛn sɔ'n yɛ ɔ su fa sa ng'ɔ wa ju blɛ ng'ɔ ´ba lɔ nun'n kle wɔ-ɔ. Kɛ a ´lafi'n, laliɛ nga a cɛnnin'n yɛ.

Ndɛ Nga Nyanmiɛn I Nuan Ijɔfuɛ Oze Kannin'n 11:10

Be nga be bo be sanndili'n, be wa su Anannganman'n su, Anannganman b'ɔ kpan kɛ asɔmɔli sa'n, be ´su i su. Kɛ ɔ ´kpan sa'n, i mma'm bɔ be o jenvie'n i bue kun lɔ'n be ´usu yɛ be ´ba-a.

Ndɛ Nga Nyanmiɛn I Nuan Ijɔfuɛ Oze Kannin'n 5:15

N ´kɔ, n ´sa mín sin min tranwlɛ'n nun lɔ lele san bé tɛ nga be yoli'n ɔ ´fite bé nuan. Ɔ ´fite bé nuan kpɛkuun be ´sa be sin mín wun. Cɛn nga nyrɛnnɛn'n tɔ bé su'n, be ´usa min osu.»

Ndɛ Nga Nyanmiɛn I Nuan Ijɔfuɛ Oze Kannin'n 5:6

Be nannin nin be bua nga be waan be ´fa yi tɛ be ´man Anannganman'n, be ´fa wlan be ´kunndɛ Anannganman lele, sanngɛ be su wun-mɛn i afin ɔ'a kaci i sin ɔ'a si be.

Ndɛ Nga Nyanmiɛn I Nuan Ijɔfuɛ Oze Kannin'n 6:1

Kpɛkuun amun ´se kɛ: «Yoo! Amun man e wɔ, e `sa e sin Anannganman wun lɔ. I yɛ ɔ boli ye kannin nin-ɔn, sanngɛ i bɔbɔ kunngba'n yɛ ɔ wa fua yɛ ɔ ´wu-ɔ. I yɛ ɔ boli ye fɛ-ɔ, sanngɛ i bɔbɔ kunngba'n yɛ ɔ wa cici su-ɔ.

Amɔs 9:11

Anannganman'n waan: «David i famiɛn klɔ'n bɔ ɔ'a bubu'n, cɛn kun n ´siesie i ye. N ´tannin tannin i toklo mun, i lika nga be bu guali'n, m ´man be su n ´sie be osu, n ´kplɛn i uflɛ, kɛ laa'n sa.

Mise 4:1

Cɛn wie lele Anannganman i kpɔlɛ'n su sua'n, oka ndɛnndɛn kpa'm bé ti su lɔ yɛ be ´ko kplɛn i-ɔ. Kpɛkuun mɛn nunfuɛ'm be kwlaa be ti wa yia lɛ.

Kalɛ 24:14

Siɛn'n, n su sa mín sin n kɔ min mɛn'n nun, sanngɛ kwlaa nan m'an wɔ'n, bla nan n wa bo sa nga Izraɛlfuɛ'm be wa fa yo ɔ nvle'n cɛn kun'n su n kle wɔ.»

Rɔmfuɛ Mun 11:25

Aniaan mun, kɛ ɔ ko yo nan amu'an bu-man amun wun ngwlɛlɛfuɛ'n, n klo kɛ n ´kan sa ng'ɔ o yɛ'n bɔ Nyanmiɛn yi-mɛn i nglo'n n ´kle amun. Sa sɔ'n yɛlɛ kɛ Izraɛlfuɛ mun be bue b'a yo sran bɔ be wun-man sa wlɛ, be ´ka lɛ sɔ lele san be nga be ti-man Zuif bɔ be ´nyan bé ti'n bé nuan'n ɔ'a ju.

Rɔmfuɛ Mun 2:4

Nyanmiɛn ti aklunyefuɛ dan kpa, ɔ kpli-man sa wun, ɔ blu sa su. ?Ɔ nin i sɔ'n ngba'n, an bu-man i sɔ b'ɔ ti'n i like fi? ?An si-man kɛ Nyanmiɛn yo sa kpa nan an kaci amun nzuɛn'n?

Mmla'n 4:30

Kɛ sa nga n kannin be ndɛ'n be ´ju amún su, bɔ nyrɛnnɛn ´tɔ amun su'n, amun ´sa amun sin Anannganman amun Nyanmiɛn'n i sin. Amun ´fɛ i ndɛ'm bé su.