Ndɛ Nga Nyanmiɛn I Nuan Ijɔfuɛ Oze Kannin'n 3:4 - NYANMIƐN NDƐ'N 1998

⁴ Afin Izraɛlfuɛ'm be wa ka sa lele be su nyan-man famiɛn kun, be su nyan-man famiɛn i awlo sran dan kun, be su yi-man tɛ kun, be su sɔ-man yɛbuɛ kun. Kpɛkuun ninnge nga be fa si Nyanmiɛn i klun sa'n, be su nyɛn-mɛn i kun.

Ndɛ Nga Nyanmiɛn I Nuan Ijɔfuɛ Oze Kannin'n 3:4 ပူးပေါင်းရင်းမြစ်များ

Bo Bolɛ 31:19

Kɛ ɔ ´yo sɔ'n, wuun Laban ɔ'a ɔ i bua'm be ndrɛ'n i kpɛkpɛlɛ. Kpɛkuun Rasɛl wuɛli i si i awlo amuɛn mun.

Bo Bolɛ 31:34

Kannzu Rasɛl fali amuɛn sɔ mun sieli be nyɔnngɔnmɛn'n i sin bia'n i bo kpɛkuun ɔ trannin su. Laban nian-niannin i sua'n nun lɔ lele ngbɛn, ɔ'a wun-man like fi.

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

2 Samiɛl 6:14

Kpɛkuun David wlɛli i wun ase sili able Anannganman nyrun. Nyanmiɛn nyrun jranfuɛ'm bé tannin kan'n yɛ ɔ ci i bo-ɔ.

2 Famiɛn Mun 23:24

Zozias nunnunnin be bɔ be nin wunmiɛn'm be ijɔ'n, nin wunnzue yifuɛ mun, nin awlo amuɛn mun, nin amuɛn uflɛ mun, ɔ nin tete ninnge bɔ be o Zida mɛn'n nun nin Zerizalɛm klɔ'n su'n be kwlaa. Mmla b'ɔ ti klɛwa fluwa nga Ilkiza b'ɔ ti Nyanmiɛn nyrun jranfuɛ'n wunnin i Anannganman i sua'n nun lɔ'n, i su yɛ Zozias niannin nunnunnin i kwlaa sɔ nin-ɔn.

2 Be Nyoliɛ 15:2

Azaria ko toli Aza-a. Ɔ seli i kɛ: «Nannan Aza, a nin Zidafuɛ mun, nin Bɛnzamɛnfuɛ mun kwlaa, amun `tie, n ´kan ndɛ. Sɛ amun nin Anannganman o nun'n, i kusu nin amun wo nun. Sɛ amun fa amun wun mɛntɛn i'n, ɔ ´yo man amun ´wun i. Sɛ amun kpɔci i'n, ɔ ´kpɔci amun.

Ezipt Lɔ Tulɛ'n 28:4

Tralɛ ng'ɔ fata kɛ be yo be'n yɛ: pata kaan b'ɔ be fa cici be wue nun'n kun, Efɔd kun, tralɛ tɛnndɛn kun, yɛ tralɛ tɛnndɛn uflɛ bɔ be di nun aba'n, kle kun, yɛ cisu kun. Man ɔ niaan bian Aarɔn nin i mma mun be wlɛ i sɔ tralɛ mun nan be fa di min nyrun jranlɛ junman'n.

Ezipt Lɔ Tulɛ'n 28:6

«Be fa lɛn nyanman b'ɔ sɔ kpa'n yɛ be fa yo efɔd nin-ɔn. Man be fa bua ndrɛ be flanflan lɛn nun. Man bua ndrɛ'n wie yo ɔkwlɛ srosrowa, wie `yo ɔkwlɛ kankankan, yɛ wie `yo ɔkwlɛ youun. Man be fa sika ɔkwlɛ be yo i nun nzɔliɛ mun.

Ngwlɛ Yilɛ 2:9

Klɔ'n i anuan'm be bu tɔli. Ɔ sacili be nun gboklo mun mlɔnmlɔn. Famiɛn nin o, famiɛn i awlo lɔ sran dandan mun o, be kwlakwla be o be nga be si-man Nyanmiɛn'n be sa nun. Nyanmiɛn mmla'n, sran fi si-mɛn i kun. Nyanmiɛn nuan ijɔfuɛ'm be bɔbɔ, Anannganman fa-man ndɛ wla-man bé nuan kun.

Ezekiɛl 19:14

Sin fin i bo nun, ɔ yrɛli i sama mun nin i mma mun. Ɔ lɛ-man sama dandan kun bɔ be kwla fa yo famiɛn kpɔnman-an. Be fa kpɛli jue, be fa yili ngwlɛ.»

Ezekiɛl 20:32

«Amun bu i kɛ amun kwla yo kɛ mɛn kun nga'm be nunfuɛ'm be sa nan amun ´kwla sɔ waka mun nin yɛbuɛ mun, atin sin-man lɛ.

Ezekiɛl 21:21

Sɛ n ´kwla se, tokofi nnana tɔ fama su, tɔ bɛ su, kan kwlaa nga a kpɛ ɔ nyin lɛ'n, tɔ lɛ.

Ezekiɛl 21:31

Min Anannganman n wan yoo: «Be ´de wɔ famiɛn nzɔliɛ'n. Be ´de wɔ famiɛn kle'n. Lika'n ɔ'a kpɛ i wun, afin be nga be kan bé wun ase'n, be ´man be su, yɛ be nga be man bé wun su'n, be wa kan be ase.

Daniɛl 11:31

Ɔ ´sunman sonja wie mun, be wa fa Nyanmiɛn i sua'n be ´yo i fiɛn. Tɛ nga be yi fa man Nyanmiɛn cɛn kwlakwla'n, be ´tannin i atin. Be ´fa like sacifuɛ'n i tete like'n be ´sie i Nyanmiɛn sɔwlɛ'n su .

Daniɛl 12:11

Kɛ ɔ ´fɛ i cɛn bɔ be ´tannin sraka nga be yi be man Nyanmiɛn cɛn kwlakwla'n i atin'n, bɔ be ´fa tete like'n be ´sie i Nyanmiɛn sɔwlɛ'n su'n, cɛn ba akpi kun cɛn ba ya nnyɔn cɛn ba ablangwlan (1.290) ɔ ´sin .

Daniɛl 9:27

Kɛ ɔ wa ju afuɛ nso kasiɛn'n i awieliɛ'n, ɔ wa mianmian sran kpanngban kpa. Kɛ ɔ di afuɛ nsan nin sin'n, ɔ wa tannin sraka yilɛ'n nin cɛlɛ yilɛ'm be atin. Like sacifuɛ sɔ'n, tete sa ng'ɔ wa yo be'n, be kwla kan-man. Ɔ ´yo i sɔ lele ɔ ´fa ju cɛn nga be kleli i kɛ i bɔbɔ saci'n.»

Ndɛ Nga Nyanmiɛn I Nuan Ijɔfuɛ Oze Kannin'n 13:10

?Amun famiɛn'n bɔ i li yɛ ɔ fata kɛ ɔ ´de amun'n ɔ wo nin? ?Amun klɔ kpɛnngbɛn'm be li? ?Nán be osu ti yɛ amun jin mín wun kɛ: ‹Man ye famiɛn, sie i awlo lɔ sran dan e su nin-ɔn ?›

Ndɛ Nga Nyanmiɛn I Nuan Ijɔfuɛ Oze Kannin'n 13:11

Yɛ min kusu m mannin amun famiɛn klunngbɔ su, kpɛkuun kɛ n fali min ya dan'n, n deli amun sa nun.

Ndɛ Nga Nyanmiɛn I Nuan Ijɔfuɛ Oze Kannin'n 2:11

I sɔ'n ti, sɛ aliɛ fitelɛ blɛ'n ju'n, n ´yo man ɔ su nyan-man aliɛ. Sɛ ɔ kan nzan kusu-ɔ, nzan'n su kpɛn-man. N ´de mín tannin nin min bɛ'm be kwlaa i sa nun kpɛkuun i wun ´ka ngblɛn.

Saun Yolɛ 8:7

Kpɛkuun ɔ fali tralɛ tɛnndɛn dan'n wlali Aarɔn wun, ɔ cili i klun nin cisu, ɔ fali tralɛ tɛnndɛn kaan kun wlɛli i, kpɛkuun ɔ fali efɔd'n ɔ wlali su, yɛ ɔ fali efɔd i nuan nyanman'n sinnin i sin lɔ nan ɔ'a bo i kpɔlɛ.

Zakari 10:2

Ndɛ nga amuɛn'm be kan'n ti ato ndɛ. Gblɛ yɛlɛ wunnzue nga kɔmiɛnfuɛ'm be yi'n. Finfin ndɛ yɛ laliɛ cɛnfuɛ'm be kan-an, be lakalaka amun ngbɛn. I sɔ'n ti yɛ min sran'm b'a yo aunnvuɛfuɛ yɛ be wlan-wlan daan kɛ bua bɔ be lɛ-man kankanfuɛ bɔ b'a bo je'n sa nin-ɔn.

Zakari 13:2

«I sɔ blɛ nun'n, n ´yo man amuɛn'm be dunman'n ´nunnun mɛn'n nun, ɔ man be su bo-man be dunman be di-man jɔlɛ kun. Be nga be tɔn bé wun suɛn kɛ be ti min nuan ijɔfuɛ'n, n ´nunnun be. Kpɛkuun amuɛn'm be akunndan bulɛ'n, n ´yi i sran'm bé ti nun.» Anannganman b'ɔ sie mɛn wunmuan'n yɛ ɔ kan sɔ-ɔ.

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

Jean 19:15

Sanngɛ be kpan seli kɛ: «Be `kun i! Bobo i waka'n su!» Pilat usali be kɛ: «?M `bobo amun famiɛn'n?» Nyanmiɛn nyrun jranfuɛ dandan'm be seli kɛ: «E lɛ-man famiɛn uflɛ fi san Sezar kunngba cɛ.»

Hébreu 10:26

Afin sɛ e si nanwlɛ'n nan e nyinfu e yo sa tɛ ekun'n, i sɔ sa liɛ'n ɔ lɛ-mɛn i ti nnɛn kun.

Jɔlɛ Difuɛ Mun 17:5

Mika sɔ'n, ɔ lɛ i bɔbɔ i amuɛn sua. Ɔ yili waka sran uflɛ ɔ nin awlo amuɛn wie mun. Yɛ ɔ fɛli i wa'm be nun kun sieli kɛ ɔ yo i amuɛn'm be nyrun tranfuɛ.

Jɔlɛ Difuɛ Mun 18:14

Kpɛkuun sran nnun nga be ɔli Lais mɛn'n i kpla nianlɛ'n, be seli be niaan'm be kɛ: «?Kɛlɛ amun si kɛ amuɛn kun, nin waka sran mun, ɔ nin amuɛn bɔ be kloli aaba guɛli i wun'n be o sua nga'm be nun? Siɛn'n like nga amun ´ko yo'n, amun `yo.»

Jɔlɛ Difuɛ Mun 8:27

Zedeɔn fali sika ɔkwlɛ'n fa yoli sika ɔkwlɛ sran. Ɔ fa sieli i klɔ lɔ, be flɛ i klɔ'n kɛ Ofra. Yɛ Izraɛlfuɛ'm be kwlaa be ko koto i bo be sɔ i-ɔ. Ɔ yoli kɛ Zedeɔn nin i awlofuɛ'm be bɔbɔ bé wun aya sa.

1 Samiɛl 14:3

Asitib i wa Asiza yɛ ɔ ti Nyanmiɛn nyrun jranfuɛ ng'ɔ nin be o lɛ nin-ɔn. I sa nun yɛ ninnge nga be fa si Nyanmiɛn i klun sa'n be wo-ɔ. (Eli ng'ɔ ti Anannganman nyrun jranfuɛ Silo lɔ laa'n i wa Fine'n i klun ba liɛ I-kabɔd i niaan yɛlɛ Asitib). Sran'm be si-man kɛ Zonatan ɔ'a ɔ lika.

1 Samiɛl 15:23

Nyin kekle nin wunnzue yilɛ'n be sɛ. Bé wun bɔ be kɛn-mɛn i ase'n kusu nin amuɛn sɔlɛ'n be sɛ. Kɛ bɔ a yili Anannganman i ndɛ'n i blo'n, i ti i kusu ɔ'a yi wɔ blo wie. Ɔ man a su yo-mɛn i nvle'n i su famiɛn kun.»

1 Samiɛl 2:18

Kɛ ɔ ´yo sɔ'n, wuun Samiɛl kan'n kusu ´di i junman'n Anannganman i nyrun, i lɛn tannin'n ci i bo.

1 Samiɛl 21:9

Yɛ David seli Asimelɛk kɛ: «?Cua annzɛ tokofi wie nun-man ɔ́ sa nun wa? Kɛ famiɛn'n sunmannin min ndɛndɛ bɔ n ´kpli'n ti, m'an fa-man min tokofi ɔ nin min alɛ ninnge'm be wie fi.»

1 Samiɛl 22:18

Yɛ famiɛn'n seli Dɔɛg kɛ: «Bla wa ko kun Nyanmiɛn nyrun jranfuɛ mun.» Yɛ Dɔɛg b'ɔ ti Edɔmfuɛ'n ɔ kunnin be-ɔ. Ɔ kunnin sran ablaɔcuɛ-nin-nnun le kun sɔ'n nun. Be kwlakwla sɔ'n be wla Nyanmiɛn nyrun jranfuɛ'm be tralɛ wie.

1 Samiɛl 23:6

Kɛ Asimelɛk i wa Abiatar ´wanndi kɔ David sin'n, ɔ fali like nga be fa si Nyanmiɛn klun sa'n ɔ ɔli Kɛila.

1 Samiɛl 23:9

David wunnin kɛ Sail kunndɛ kɛ ɔ ´kun i, i ti yɛ ɔ yo nin-ɔn, yɛ ɔ seli Abiatar b'ɔ ti Nyanmiɛn nyrun jranfuɛ kɛ ɔ fa like nga be fa si Nyanmiɛn klun sa'n ɔ bla.

1 Samiɛl 30:7

David seli Asimelɛk b'ɔ ti Nyanmiɛn nyrun jranfuɛ'n i wa Abiatar'n kɛ: «Fa Anannganman i ninnge bɔ be fa si i klun'n sa'n bla.» Yɛ Abiatar fali be blɛli i-ɔ.