Ndɛ Nga Nyanmiɛn I Nuan Ijɔfuɛ Oze Kannin'n 3:2 - NYANMIƐN NDƐ'N 1998

² Yɛ n ´fa jɛtɛ ufue mma blu-nin-nnun nin ɔrz kpankpan nsiɛn yɛ n ´fa ja bla sɔ nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 3:2 ပူးပေါင်းရင်းမြစ်များ

Bo Bolɛ 31:41

N dili afuɛ ablaɔn ɔ́ sa nun. N dili ɔ́ wa nnyɔn'm bé sin sia afuɛ blu-nin-nnan. I sin n niannin ɔ nnɛn'm be su afuɛ nsiɛn ekun. A kacili min akatua'n kpɛ blu.

Bo Bolɛ 34:12

Amun li, an `fa talua'n be man min. An `bo i aja like'n dan kpa, man i sin ninnge'n sɔn, ngasi nun-man nun, n ´fɛ i kwlaa m ´man amun.»

Ezipt Lɔ Tulɛ'n 22:17

Nán yaci baefuɛ bla kun sa nguan nun.

Ezai 5:10

Sɛ be ta vinyi ɛktar nsan'n, nzan litri ablenun yɛ be ´nyɛn i nun-ɔn. Yɛ sɛ be gua ble kilo ya'n, be ´kpɛ ble kilo blu cɛ.»

Ezekiɛl 45:11

Efa'n b'ɔ ti ninnge mma mma'm be liɛ'n, yɛ bat b'ɔ ti ninnge nga be ti kɛ nzue sa'm be liɛ'n, man be nnyɔn'm be sɛ. Efa suliɛ blu, annzɛ bat suliɛ blu'm be ti omɛr kun. Omɛr'n yɛ ɔ ti suliɛ'n be bo bia nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 3:3

Kpɛkuun n seli i kɛ: «Cɛ min wun wa, nán si tekle kun, nán a nin yasua uflɛ be san nun kun. Min kusu n ´tran sɔ wie ɔ dunman nun.»

Saun Yolɛ 27:16

Sɛ sran kun fɛ i fie'n kun man min'n, fie'n i gua nga be ´kpɛ'n, ɔ ´fin like kɛ ɔrz sa bɔ be ´fa guɛ i fie nun'n, sɛ ɔ sɔnnin o, sɛ i kusu ɔ'a sɔn man o, i su yɛ be nian be di gua nin-ɔn. Ɔrz kilo ya nsan'n ti jɛtɛ mma ufue ablenun.

Rit I Wun Ndɛ 4:10

Yɛ kusu m'an ja Maklɔn i yi Rit b'ɔ ti Moab bla'n kɛ ɔ ´yo nan Maklɔn ɔ'a nyan aja difuɛ nan i dunman'n ɔ'a nunnun-man i niaan ɔ nin i klɔfuɛ'm be afiɛn'n ti. I kusu n yoli sa sɔ'n amun nyrun .»

1 Samiɛl 18:25

Sail kusu waan: «Amun `ko se David kɛ: ‹Famiɛn'n ɔ'a se-man kɛ a mɛn i wa'n i ti aja like. Like nga i waan a `yo'n yɛlɛ kɛ a fa Filistifuɛ ya be yasua lika'm be kplo'n blɛ i, ɔ ´fa tu i klunngbɔ i kpɔfuɛ'm bé su.› » Sail bu i kɛ wuun Filistifuɛ'm be ´nyan David be ´kun i.