Ndɛ Nga Nyanmiɛn I Nuan Ijɔfuɛ Oze Kannin'n 2:5 - NYANMIƐN NDƐ'N 1998

⁵ Sɛ ɔ ti-mɛn i ti'n, n ´kpɛ i wun kɛ ndɛkɛn yɛ b'a wu i sa, i wun yo ngblɛn. N ´yo man ɔ yo kɛ aawlɛ flɛnnɛn'n sa, ɔ ´kaci kɛ asiɛ bɔ be yo su like-ɔ ɔ yo-man ye'n sa, nzue we ´kun i lele ɔ ´wu.

Ndɛ Nga Nyanmiɛn I Nuan Ijɔfuɛ Oze Kannin'n 2:5 ပူးပေါင်းရင်းမြစ်များ

Ezai 1:21

?Nguɛ sa yɛlɛ nga? ?Ɔ yo sɛ yɛ man Zerizalɛm ɔ'a kaci kɛ tekle bla sa-a? Laa ɔ ti klɔ kpa, i nunfuɛ'm be fa mmla'n su yɛ be yo sa mun i nuan su, sanngɛ siɛn'n, ɔ'a kaci sran kunfuɛ'm be klɔ.

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Zeremi 11:13

Zidafuɛ'm be amuɛn'm be kpanngban nin be klɔ'm be nuan'n sɛ. Yɛ kɛ be klɔ'm be akpɔ'm be nuan'n fa ti'n, i su yɛ be nian be taka be nyannzuɛn like kɛ Baal sa'n i sɔwlɛ mun-ɔn.

Zeremi 13:22

A wa usa ɔ́ wun kɛ: ‹?Nguɛ ti yɛ sa nga'm be ju min su-ɔ?› Sɛ a ti bla'n, wuun n ´se kɛ sa tɛ dan bɔ a yoli'n ti yɛ be trali wɔ bɔ be nin wɔ lali kekle nun nin-ɔn.

Zeremi 2:20

«Izraɛl nvle, a jasoli min wun nán ndɛ-ɔ. A kpɛli nyanman nga n fa wlali ɔ kɔmin'n nun ɔ'a cɛ. Ɔ fiteli ɔ́ nuan kɛ yoo: ‹N su-man wɔ kun.› Siɛn'n, kpɔlɛ kanngan'm be kwlaa'm be su waka nga be lɛ nnya'm be kwlaa be bo yɛ a la a bo tekle nin-ɔn.

Zeremi 6:8

Zerizalɛm: ‹Nian ɔ́ wun. Ɔ'a yo-man sɔ-ɔ, e nin wɔ e ´bu. N ´fa wɔ n kaci aawlɛ flɛnnɛn, sran fi su tran-man wɔ su.› »

Ezekiɛl 16:35

Blɔdɛ bla, sie ɔ́ su tie ndɛ nga min Anannganman n kan'n.

Ezekiɛl 16:39

N ´fa wɔ n ´wla bé sa nun, be ´bubu ɔ tekle sua nin ɔ lika fleiinfleiin mun. Be ´yi ɔ́ wun ninnge'n kwlaa, be ´yi ɔ talua dilɛ ninnge nga a wla be'n be kwlakwla, yɛ be ´jra ɔ wun kplɛn sa kli, a ka lɛ nin ɔ wun ngbɛn sɔ'n.

Ezekiɛl 16:4

Kɛ be ´wu wɔ'n, cɛn nga be guali wɔ ase gblo'n, b'a kpɛ-man ɔ kotua, b'a wunnzin-man wɔ nan ɔ́ wun fiɛn'n ɔ'a wie, b'a fa-man njin b'a klikli-man ɔ́ wun, b'a fa-man tannin b'a cici-man ɔ́ wun.

Ndɛ Nga Nyanmiɛn I Nuan Ijɔfuɛ Oze Kannin'n 1:2

Ndɛ nga Anannganman'n fa wlali Oze nuan'n, i bo bolɛ'n yɛ. Ɔ seli Oze kɛ: «Ko ja tekle bla kun nan a nin i be `wu wlaka ba. Afin min sran nga be o min mɛn'n nun'n, tekle'n yɛ be si-ɔ. Sa ti bɔ n se kɛ be si tekle'n yɛlɛ kɛ, be kacili bé sin be sili min, kpɛkuun amuɛn mun yɛ be sɔ be-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 2:2

Zidafuɛ'm be nin Izraɛlfuɛ'm be wa yo nvle kunngba kɛ laa'n sa. Kpɛkuun bé bo ´yo kun be ´fa be nun sran kunngba kɛ i yɛ ɔ `sie be-ɔ. Yɛ be ´tu be bo mɛn'n nun, afin Zizreɛl i cɛn'n ɔ ´yo cɛn dan kpa .

Ndɛ Nga Nyanmiɛn I Nuan Ijɔfuɛ Oze Kannin'n 2:8

I sɔ'n ti m bɔbɔ min Anannganman'n, kɛ ɔ ´yo nan ɔ'a kwla wun-man atin'n ti n ´si i wun talɛ, n ´fa owie n ´tannin i.

Ndɛ Nga Nyanmiɛn I Nuan Ijɔfuɛ Oze Kannin'n 3:1

Anannganman'n seli min kɛ: «Kɔ nan bla nga b'ɔ lɛ bian, bɔ sanngɛ bian cɛ yɛ ɔ kunndɛ i wun bo'n, a nin i be ko la ekun. Klo i kɛ m bɔbɔ min Anannganman n fa n kloli Izraɛlfuɛ mun sa, bɔ sanngɛ amuɛn mun yɛ be kpɛ be sin atin-ɔn. Yɛ vinyi mma gato dilɛ yɛ be klo-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 4:5

Wia klengle kpa'n nun yɛ ɔ́ ja'n ɔ ´kpla-a, yɛ ɔ niaan'n b'ɔ ti min nuan ijɔfuɛ'n kusu i ja liɛ'n ɔ ´kpla kɔnguɛ. Izraɛl, n ´kun wɔ awuliɛ nin'n.

Ndɛ Nga Nyanmiɛn I Nuan Ijɔfuɛ Oze Kannin'n 8:9

Afin be bɔbɔ be ɔli Asiri. Be ti be liɛ kɛ blo aflunmun bɔ i ngunmin sin i sinlɛ bo nun'n sa. Efraimfuɛ'm be ti kɛ bla bɔ i bɔbɔ yi sika yɛ ɔ fa kunndɛ bian mun sin'n be sa.

Ndɛ Nga Nyanmiɛn I Nuan Ijɔfuɛ Oze Kannin'n 9:10

Anannganman'n waan: «Laa Izraɛl ti min nyrun kɛ aawlɛ flɛnnɛn wie nun vinyi mma sa. Kɛ n niannin amun nannan mun'n, n wunnin kɛ be like bɔ be fɛli i'n blɛ sɔ nun'n, yɛlɛ figie mma klikli nga be nyɛn i figie'n su'n. Sanngɛ be Baal-Pɛɔr lɔ julɛ yɛ, bé wun Baal b'ɔ ti nyannzuɛn like'n i sa nun fa wlalɛ yɛ. Be fali bé wun wlali amuɛn sɔ'n i sa nun, ɔ man be bɔbɔ be kacili tete like kɛ be soman uflɛ sɔ'n sa.

Amɔs 8:13

I sɔ cɛn nun'n, talua nglanman kpa'm be nin gbanflɛn'm be ´glɔ, nzuewe'n dunman nun.

Jɔlɛ Difuɛ Mun 16:23

Le kun Filisti kpɛnngbɛn'm be yiali kɛ be ´yi tɛ be man be amuɛn bɔ be flɛ i Dagɔn'n, nan be ´di Samsɔn i tralɛ'n i ti cɛn. Be waan: «Ye amuɛn'n yili Samsɔn b'ɔ ti e kpɔfuɛ'n wlali e sa nun.»