Ndɛ Nga Nyanmiɛn I Nuan Ijɔfuɛ Oze Kannin'n 2:3 - NYANMIƐN NDƐ'N 1998

³ Anannganman'n dunman nun amun `flɛ amun niaan yasua'm be kɛ: «Min sran mun» Yɛ amun `flɛ amun niaan mmla'm be kɛ: «Nsi-be-aunnvuɛ».

Ndɛ Nga Nyanmiɛn I Nuan Ijɔfuɛ Oze Kannin'n 2:3 ပူးပေါင်းရင်းမြစ်များ

Ezipt Lɔ Tulɛ'n 17:3

Nzue we'n b'ɔ kun be dan'n ti be trikili Moiz su ekun, be waan: «?Nzu ti yɛ a fali e Ezipt lɔ bali wa-a? ?A fali e bali kɛ nzue we'n kun ye nin e mma mun, ɔ nin e nnɛn mun?»

Ezai 33:9

Ɔ yo kɛ sɛ yɛ ɔ'a tɔ mɛn'n su sa, ɔ'a wu kee. Sɛ Liban'n ti sran'n, wuun e ´se kɛ ɔ'a wun nyannzuɛn, yɛ i wunmiɛn'n ɔ'a wie. A wun Sarɔn lɔ lika kpɛtɛkplɛɛ'n sa-a ɔ waan aawlɛ flɛnnɛn wie-ɔ. Sɛ Bazan mɛn'n nin Karmɛl oka'n be ti waka'n, wuun e ´se kɛ bé ti'm b'a kpa.

Ezai 47:3

Be ´wun ɔ́ bo, a ´wun nyannzuɛn, n ´tu n klunngbɔ'n, sran fi su kan-man ndɛ.

Ezai 64:10

Sua bɔ i nun yɛ é si'm be su wɔ laa'n, e sua klanman beblebe sɔ'n, sin dili. Lika sɔ'n bɔ e go nun e klo-mɛn i'n, ɔ'a kaci sua'n nvuɛn.

Zeremi 12:10

Nnɛn kankanfuɛ kpanngban kpa b'a saci min vinyi fie'n, b'a tiatia min fie'n su ninnge'm be su. B'a bubu min lika bɔ n klo-mɛn i ngowa'n sɔ flɛnnɛnnɛn.

Zeremi 13:22

A wa usa ɔ́ wun kɛ: ‹?Nguɛ ti yɛ sa nga'm be ju min su-ɔ?› Sɛ a ti bla'n, wuun n ´se kɛ sa tɛ dan bɔ a yoli'n ti yɛ be trali wɔ bɔ be nin wɔ lali kekle nun nin-ɔn.

Zeremi 13:26

Sɛ a ti bla'n, wuun n ´se kɛ: «N kusu n wa kpa ɔ bo nan a `wun nyannzuɛn.

Zeremi 14:3

Sran dandan'm be sunman be sran mun kɛ be ko sa nzue blɛ be. Be kɔ-ɔ, be nyan-man nzue gbo'm be nun lɔ. Be fa be sɛ kee'm be sa be sin ba. Be kata bé ti yɛ be ba-a nyannzuɛn'n dunman nun.

Zeremi 17:6

I sɔ sran liɛ'n i agualiɛ'n yo kɛ susrɛ kan wie b'ɔ o lika kee'n nun'n sa. Ɔ ´minndɛ muae'n lele ɔ ´fɛ ngbɛn. Afin i sɔfuɛ'n ɔ'a yo kɛ ɔ ko trannin aawlɛ flɛnnɛn'n nun kan lika'n ti yrawa lɛ'n nun sa, ɔ ti kɛ njin asiɛ bɔ sran fi tran-man lɔ'n sa.

Zeremi 2:31

?Ajulisufuɛ mun, an `sie amún su tie ndɛ nga Anannganman kan'n, i waan: «?Izraɛlfuɛ mun, m'an kaci amun nyrun kɛ aawlɛ flɛnnɛn sa annzɛ kɛ lika nga aosin'n dun su tritritri'n b'ɔ yo sro'n sa?» ?Min nvlefuɛ mun, nguɛ ti yɛ an ijɔ se kɛ: «Kan e klo kɛ e ´kɔ lɛ'n, e su kɔ! E su sa-man e sin ɔ́ wun» nin-ɔn?

Zeremi 2:6

B'a usa-man kɛ: ‹?Anannganman'n b'ɔ fali ye Ezipt lɔ bali'n, b'ɔ kleli ye atin aawlɛ flɛnnɛn nun lɔ'n, ɔ liɛ lika kee sɔ'n, lika kunman-kunman sɔ'n, nzue we lika sɔ'n, awlaboɛ lika sɔ'n, lika bɔ sran fi sin-man nun'n, bɔ sran fi tran-man lɔ'n, Anannganman sɔ'n wo nin?

Zeremi 22:6

Zida famiɛn'n i sua'n i wun ndɛ nga Anannganman kan'n yɛ: «A ti kɛ Galaad bo nglanman mun annzɛ kɛ Liban oka mun sa min nyrun, sanngɛ n ´yo man a ´kaci kɛ aawlɛ flɛnnɛn sa. Sran fi su tran-man ɔ nun kun.

Zeremi 4:26

Mɛn'n bɔ laa lɔ asiɛ'n yo like ye'n, siɛn'n ɔ'a kaci aawlɛ flɛnnɛn. I klɔ'm be ngba b'a wie nunnun Anannganman'n b'ɔ su ba'n ti, Anannganman i ya dan'n ti.

Zeremi 51:43

Babilɔni klɔ'n, b'a bubu i sa flɛnnɛnnɛn! Ɔ'a kaci kɛ aawlɛ flɛnnɛn sa. Sran ba kun sa ijɔ-man su kun. Sran ba kun sa sin-man su.

Zeremi 51:5

Sa tɛ nga Izraɛlfuɛ mun nin Zidafuɛ'm be yoli Izraɛl Nyanmiɛn'n bɔ i nzuɛn nin klɔ sran liɛ'n ti-man kun'n, be di-mɛn i yalɛ. Sanngɛ ɔ nin sɔ ngba'n, Anannganman b'ɔ sie mɛn wunmuan'n ɔ'a wanndi-man be.

Ezekiɛl 16:22

Blɛ bɔ a ´si blɔdɛ'n i tɛtɛ kpa'n, ɔ́ wla ɔ'a kpɛn-man ɔ kaan nun su, kɛ ɔ yo sɔ'n, wuun ɔ wun ti ngbɛn'n, wuun like fi nun-man ɔ́ wun yɛ a la kondo ɔ mmoja'n nun.»

Ezekiɛl 19:13

Siɛn'n, b'a tɛ i aawlɛ flɛnnɛn nun asiɛ kun bɔ like yo-man kpa'n su bɔ be nyan-man nzue nun'n nun.

Ndɛ Nga Nyanmiɛn I Nuan Ijɔfuɛ Oze Kannin'n 13:15

Efraimfuɛ'm b'a yo kpa be lika'n nun lɛ, sanngɛ aunngban klakla'n kusu i ja o atin nun ɔ su ba, Anannganman yo man aunngban sɔ'n ɔ fin aawlɛ flɛnnɛn'n nun lɔ yɛ ɔ ba-a. Ɔ man be nzue ti'n ɔ wu kee, ɔ man be nzue gbo'n ɔ ´wie nun. Be kpɔfuɛ'm be wa fɛn be trɔ'n nun ninnge kpakpa mun weiin.»

Ndɛ Nga Nyanmiɛn I Nuan Ijɔfuɛ Oze Kannin'n 2:10

Ɔ'a wun-mɛn i wlɛ kɛ min yɛ m mɛnnin i aliɛ ng'ɔ di'n, nin nzan lɔflɛ ng'ɔ nɔn'n, ɔ nin ngo ng'ɔ kpakpa nin-ɔn. Yɛ ɔ'a wun-mɛn i wlɛ kɛ min yɛ m mɛnnin i jɛtɛ ufue nin sika ɔkwlɛ ng'ɔ fa yi sraka mannin amuɛn nga be flɛ i Baal nin-ɔn.

Sa nglô yile 17:16

I wuɛ blu bɔ a wunnin be'n, nin nnɛn'n be ´kpɔ tekle bla'n, be ´de i wun ninnge'n, be ´kpɛ i wun, be ´di i nnɛn, yɛ be ´yrɛ i sin nun mlɔnmlɔn.

Jɔlɛ Difuɛ Mun 15:18

Nzue we wie b'ɔ wa kunnin i'n, be flɛ-mɛn nzue we. Yɛ ɔ kpan flɛli Anannganman-an, ɔ seli kɛ: «Anannganman, wɔ yɛ a mannin min bɔ n ti ɔ sufuɛ'n min kwlalɛ dan nga-a. ?Yɛ nzue we ti n ´wu n ´tɔ Filistifuɛ bɔ be wla-man klɛn'n bé sa nun?»