Ndɛ Nga Nyanmiɛn I Nuan Ijɔfuɛ Oze Kannin'n 2:23 - NYANMIƐN NDƐ'N 1998

²³ Anannganman'n waan: «I cɛn sɔ nun'n, sɛ be srɛ min like'n m ´man. Like nga nyanmiɛn b'ɔ la nglo lɔ plaii'n ɔ srɛ'n, m ´mɛn i. Yɛ like nga asiɛ'n kusu srɛ nyanmiɛn b'ɔ la nglo lɔ plaii'n i sa nun'n ɔ ´fa mɛn i.

Ndɛ Nga Nyanmiɛn I Nuan Ijɔfuɛ Oze Kannin'n 2:23 ပူးပေါင်းရင်းမြစ်များ

Jue Mun 118:28

A ti min Nyanmiɛn. M ´manman wɔ. Min Nyanmiɛn, n ´yi wɔ ayɛ!

Jue Mun 22:27

Yalɛfuɛ'm be ´di aliɛ be ku ´yi. Be nga be fa bé wun mantan Anannganman'n, be´mɛnmɛn i yɛ be ´nyan nguan tɛnndɛn.

Jue Mun 68:31

Ijɔ Eziptfuɛ mun bɔ be ti kɛ ndɛma wie nun nnɛn mun sa. Ijɔ be, afin be ti kɛ nannin tola akpasua kun nin bé bo mma mun sa'n. Man be koto tra ɔ ja nan be fa sika be su lapo be man wɔ. Sanngan nvle nga be klo alɛ'n be nun.

Jue Mun 72:16

Man ble'n ɔ su lele ɔ bu mɛn'n nun. Man kpɔlɛ'm be su'n, be `wun kɛ aunngban'n ɔ keje ble ja kpanngban. Man ble sɔ'n i mma'm be sɔn kɛ Liban lɔ kpɔlɛ'm be su liɛ'n sa. Man klɔ'n su sran'm be trɛ kɛ fie'm be su waka'm be sa.

Ngɔjue Fɛfɛ Kpa'n 2:16

Min adeba'n ti min liɛ, n kusu n ti i liɛ. Kan lis nyrɛ'm be o lɛ'n, lɛ yɛ ɔ fɛ i nnɛn mun kɔ didilɛ-ɔ.

Ezai 44:5

Kun ´se kɛ: ‹N ti Anannganman i liɛ.› Sran uflɛ ´se kɛ ɔ ´fa Zakɔb i dunman'n, yɛ sran kun ekun ɔ ´klɛ i sa'n su kɛ: ‹N ti Anannganman i sran.› Yɛ ɔ ´fa Izraɛl i dunman'n ɔ sie i su.»

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Zeremi 30:22

«Amun wa yo min nvle. N kusu n ´yo amun Nyanmiɛn.»

Zeremi 31:27

Anannganman waan: «Cɛn wie lele'n, n ´fa sran mun nin nnɛn mun n ´sanndi be Izraɛl mɛn'n nun nin Zida mɛn'n nun kɛ be sanndi ble mma'n sa.

Zeremi 32:38

Be ´yo min nvle, n kusu n ´yo be Nyanmiɛn.

Zeremi 33:26

wuun n yi Zakɔb osu'n nin min sufuɛ David i liɛ'n be ase-ɔ ɔ yo ye, wuun n su fa-man be osu'n nun sran b'ɔ ´sie Abraam nin Izaak, nin Zakɔb be osu nin-ɔn. N ´fa be sran nga be trali be lomuɛn'n n ´sa be sin, yɛ n ´si be aunnvuɛ .»

Ezekiɛl 36:29

N ´de amun amún sa tɛtɛ'm be kwlaa be nun. N ´yo man awe su kpɛn-man amun su kun. N ´yo man amun ble'n ɔ ´yo kpa, yɛ amun ´ti amún fie'm bé su mma kpanngban.

Ndɛ Nga Nyanmiɛn I Nuan Ijɔfuɛ Oze Kannin'n 1:6

Gɔmɛr wunnzɛli ekun, ɔ wuli ba bla kun. Yɛ Anannganman'n seli Oze kɛ: «Flɛ i kɛ Nsi-man-be-aunnvuɛ, yɛlɛ kɛ n su si-man Izraɛlfuɛ'm be aunnvuɛ kun, n su yaci-man bé wun sa n cɛ-man be kun.

Ndɛ Nga Nyanmiɛn I Nuan Ijɔfuɛ Oze Kannin'n 8:2

Be ´kpan se min kɛ: ‹E Nyanmiɛn, e ti Izraɛlfuɛ, e liɛ e si wɔ.›

Zakari 10:9

N yoli man be bo sanndili nvle'm be nun, sanngɛ kɛ be o mmua lɔ'n, bé wla wa kpɛn min su. Be nin be mma'm be ´ka nguan nun, kpɛkuun be ´sa bé sin be ´ba.

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Zakari 14:16

I sɔ blɛ nun'n nvle-nvle'm be nunfuɛ nga be nin Zerizalɛmfuɛ be bali alɛ kunlɛ'n, bɔ alɛ'n ɔ'a di-man be'n, be ´ba Zerizalɛm afuɛ'n kwlakwla be wa koto Anannganman b'ɔ sie mɛn wunmuan'n i bo. Be ´di kpata bo tranlɛ cɛn'n .

Zakari 14:9

Anannganman'n yɛ ɔ ´sie mɛn wunmuan nin-ɔn. I kunngba yɛ ɔ ´yo Nyanmiɛn bɔ sran'm be kwlaa be su i-ɔ. I kunngba yɛ sran'm be kwlaa be ´bo i dunman-an.

Zakari 2:11

Siɔnfuɛ mun, an `wanndi be bla, amun bɔ an tran Babilɔni klɔ'n su'n, an `wanndi ndɛndɛ be bla.»

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Rɔmfuɛ Mun 3:29

?Nyanmiɛn'n ti Zuif'm be ngunmin be liɛ? ?Ɔ ti-man be nga be ti-man Zuif'm be liɛ wie? Ɔ ti be liɛ wie,

Jacques 1:1

N Zak bɔ n ti Nyanmiɛn nin e Min Jésus-Krist be sran'n, n ´yo nvle blu-nin-nnyɔn bɔ b'a sanndi mɛn wunmuan nun'n be like.